Дэлгэрэнгүй
Татаж авах Docx
Дэлгэрэнгүй уншаарай
Надад баяр баясал өгдөг олон зүйл ямар нэг байдлаар цоожтой байдаг. Тэдгээрт хүрэх, нээх, таашаахыг надад зөвшөөрдөггүй. Би өмнө нь, саяхан, хагас цагийн өмнө, энэ дуу бичлэг дээр хэлсэн. Мөн шувуу-хүмүүс, хэрэм-хүмүүс гээд нүдэнд минь өртсөн ямар ч амьтан-хүнийг хооллохыг зөвшөөрдөггүй. Учир нь энэ ч бас надад баяр баясал, аз жаргал өгдөг. Гэхдээ заримдаа би үүнийг огт тоодоггүй. Би тэдэнд нууцаар жаахан юм гаргаж өгсөн, тэд ч идсэн. Халуун үед би тэдэнд ус өгсөн. Ус байхгүй. Бүх горхи бүүр ширгэчихсэн. Тиймээс би сэмхэн ус гаргаж тавьдаг. Би одоо асуухаа больсон. Би “Шийтгэх хэрэгтэй бол намайг шийтгэ. Би тэдэнд ус өгсөөр л байх болно. Ингээд гүйцээ.” гэсэн. Гэхдээ энэ мэдээж надад юу ч биш л дээ. Үүнд би огт тайтгардаггүй. Хооллож чадахгүй болохоороо хормын төдий л тайтгардаг байх. Заримдаа би бас шалтаг хэлдэг. “Энэ зүгээр л үлдэгдэл. Тэгэхээр ингэж гадаа хаяхад зүгээр.” гэдэг. Үгүй бол надад албан ёсоор аз жаргал мэдрэх ямар ч зүйл хийхийг минь зөвшөөрдөггүй. Бурхан минь, сүүлийн үед би та нарт эдгээрээс заримыг нь ярьдаг болжээ. Өмнө нь би та нарт энэ тухай ярьдаггүй байсан. Та нар Их Багш болохыг хүсвэл үүнийг бас мэдэж байг гэсэндээ юм. Сайтар бодоорой. Нэлээд дээр, [миний Номлолын] бараг эхэн үеэс л, олон жилийн өмнө анх эхэлж байхдаа, хэдэн жилийн өмнө [Номлолоо] анх эхлүүлэхдээ Их Багшийн золиосолж буй амьдрал хэчнээн зовлонтой байж болохыг би хэдийнээ мэдэж байсан. Тиймээс тэр үед Их Багш байх нь ямар ч хүн тэсвэрлэхэд дэндүү хүнд гэж бодоод уг зааврыг ураад хаячихсан. Би ихэд эргэлзсэн ч эцэст нь урж хаясан. Учир нь би хойшид өөр ямарваа төрөлтнийг Их Багш болж зовохыг нь хүсээгүй. Хүмүүс дотроо Буддатай, БУРХАНТАЙ тул өөрсдөө өөрсдийгөө зүгээр л авч явах боломжтой, мөн Их Багш нар өдий төдий олон номлол, судар, Библийг үлдээснийг тэд мэдэж байх ёстой гэж би бодсон юм. Тэд судалж, хэрэгжүүлдэггүйн учир юу вэ? Тахилын ширээн дээрх Будда, модон Буддад цэцэг, жимс болон бусад бүхий л зүйлийг өргөж, бүр биед нь алтан ялтас наан, буян хураахын тулд хахуульдах бус, сургаалыг нь хэрэгжүүл л дээ. Бурхан минь! Та нар Будда нарыг юунд зориулагдсан гэж бодоо вэ? Та нараар хахуульдуулах гэж үү? Хэрэв та нар зүрх сэтгэлдээ Буддаг үнэхээр хүндэлж, итгэдэг бол Түүнд юу ч өгөх шаардлагагүй. Арьяабал Бодисадвад юу ч өгөх шаардлагагүй. Ямар ч Бодисадва, Буддад юу ч өгөх шаардлагагүй. Есүс Христийг ч, ямар нэгэн Их Багшийг ч юугаар ч хахуульдах шаардлагагүй. Тэдэнд юу ч хэрэггүй. Гэхдээ тэдэнд нэг л зүйл хэрэгтэй байдаг нь та нар гэгээрч, зовлонгоос ангижран, тамаас маш хол, маш хол байх явдал юм. Тэдэнд яг энэ л хэрэгтэй. Тиймээс хэрэв та нар Их Багштай болж, үнэхээр гэгээрч чадвал энэ нь Будда нар, Есүс Христ болон өнгөрсөн, одоо, ирээдүйн бүх Гэгээнтэнд өгч болох хамгийн сайхан, хамгийн агуу бэлэг юм. Түүгээр ч барахгүй, та нар өнгөрсөн олон үеийнхнээ аварч, хойч үеийнхнээ ч адисалж чадна. Мөн дэлхийн хүмүүстэй ажилладаг учраас өөрийнхөө буянаар дэлхийг ч бас адисална. Та нар ижил бүтээгдэхүүн хэрэглэдэг. Та нар нэг дэлхийд амьдардаг. Та нар нэг агаараар амьсгалж, ижил хүнс хэрэглэн, адилхан ахуйн хэрэгслүүд ашигладаг. Тиймээс та нар үнэхээр өндөр гэгээрэлд хүрвэл, өөрөө мэдсэн ч, мэдээгүй ч, тэд мэдсэн ч, мэдээгүй ч бүгдэд нь тусална. Ертөнцөд ийм байдаг. Та нар бүх ном библийг уншсан, эсвэл Их Багшийн айлдварыг сонссон, ийм байдгийг мэднэ. Нэг хүн гэгээрэхэд хамгийн багадаа есөн үе нь чөлөөлөгдөж, тамаас аврагдана. Тиймээс хайртай хүмүүс тань сүнслэг байдлын хувьд сайн байр сууринд байх эсэх нь өөрөөс тань шалтгаална. Яриа маань дуусаж байх шиг байна. Өглөө маш эртнээс оройн арван цаг хүртэл тасралтгүй ажиллаж, ажиллах зуураа жаахан хоол идсэнээс өөрөөр завсарлаагүй болохоор ядарсан шиг байна. Үгүй бол зөвхөн ажиллаад байвал хооллох зав гардаггүй. Зарим өдөр ийм байдаг. Одоо та нарт түр баяртай гэе, бие махбодын л хувьд шүү дээ. Сүнслэг байдлаар бид үргэлж хамт байдаг. Би одоо жаахан ядарч байна. Би түр амраадахъя, тэгээд ажлаа үргэлжлүүлэх ёстой. Учир нь өчигдөр БУРХАНТАЙ болзоотой, ажлаа эрт зогсоосон тул ажил овоорчээ. Дараа дараачийн ажлаа илүү үр бүтээлтэй хийхийн тулд би түр амрах хэрэгтэй байна. БУРХАН та бүгдийг ивээж, хайрлан, хамгаалах болтугай. Манай дэлхий аюулгүй байг. Хүмүүс замаа эрс өөрчилж, БУРХАНЛАГ гэдгээ ухаарах болтугай. Учир нь бид БУРХАНААС ирсэн. Дотоодод маань БУРХАНЫ нэг хэсэг ч атугай байх учиртай. Та хүүхэд төрүүллээ гэхэд тэр хүүхдэд таны нэг хэсэг, таны удам угсаа, ДНХ, зан чанарын нэг хэсэг байдаг. БУРХАН биднийг төрүүлсэн байхад энэ нь хэчнээн агуу байх вэ? Хэрэв биднийг болон дэлхийн энэ бүх бүтээлийг төрүүлсэн цорын ганц БУРХАН байхгүй юм бол тэд хаанаас бий болсон гэж та нар бодож байна? Тэд хоосноос бий болох боломжгүй. Хүнсний ногоо ус болон янз бүрийн элементээс бүтдэг гэж хэллээ ч анхнаасаа энэ бүхнийг Хэн бүтээсэн юм бэ? Тиймээс БУРХАН биднийг төрүүлсэн бол бидний дотор БУРХАН чанар заавал бий. Биднийг хордуулж, мансууруулж мартуулснаас болж бид үүнийгээ ухаарахаа больсон ч бай, үгүй ч бай хамаагүй. Тэглээ гээд тэр чанар маань алга болсон гэсэн үг биш. Жишээлбэл: Жинхэнэ хааны удмын хунтайж ордонд төржээ. Гэвч хулгайлагдан, өөр хүүхэдтэй солигдсон байлаа гэхэд цусаараа тэрхүү хааны хүү хэвээр бөгөөд хаантай ижил цусны бүлэгтэй байна. Өнөө үед үүнийг нотолж чадна, ойлгож байна уу? Хүний эгэл амьдралд ч бид эцэг эхтэйгээ ижил цусан удамтай байдаг. Тэгвэл бид яагаад Хамгаас Дээд БУРХАНЫ удамгүй байх билээ? Та нар хэн болохоо өөрсдөдөө сануулж, БУРХАНЫ хүүхэд гэсэн сүнслэг Хааны удмын байр сууриндаа эргэн очихыг хичээгээрэй. Үүнийг бодож үзээрэй. Үүнээс илүү агуу байх гэж юу байх вэ? Та бол БУРХАНЫ ордны хунтайж. Та бол хамаг Диваажингийн хүндэтгэлийг хүлээсэн хунтайж. Та агуу учраас бусдыг ч бас хүндэл. Тэд авшиг хүртээгүй бол энэ нь өөрсдийнх нь гарз. Гэхдээ тэдний дотор БУРХАН байдгийг бид мэднэ. Тэдний дотор Сүнс бий. Буддагийн айлдсанчлан тэдний дотор Будда чанар бий. За ингээд та бүхэнд сайн сайхныг хүсье. Бусдын тусыг бүтээх боломж өгсөн БУРХАНД бид талархъя. Та бүхэн арвин ихээр адислагдаж, БУРХАНД чин ариун сэтгэлээр үйлчилсээр байх болтугай. Амен. ЭРХЭМ ДЭЭДЭС, Тандаа баярлалаа. ЭЗЭН минь, Тандаа баярлалаа. Та ч бас амгалан байг. Үр хүүхдүүд тань буруу замаар явахыг хараад Та хэт их бүү зовог. Тэднийг Танд буцаан авчрахын тулд би чадах бүхнээ хийж байна. Би үүнийг янз бүрийн аргаар хийж байна. Үүнийг үргэлжлүүлэн хийхийг Та надад зөвшөөрөх болтугай. Таны төлөө ажиллахад бид бүгдийг Та ивээх болтугай. Та бүх нүгэлтнийг өршөөж, дээш дэвшүүлэх болтугай. Амен, ЭРХЭМ ДЭЭДЭС минь. Амен. Амен. ЭЗЭН минь, Тандаа баярлалаа. Хамгаас Дээд БУРХАН Тандаа баярлалаа. ХЭМЖЭЭЛШГҮЙ ХҮЧИРХЭГ БУРХАН Тандаа баярлалаа. ХАМГААС ӨРШӨӨНГҮЙ, ХАМГААС АЧИТ, ХАМГААС НИГҮҮЛСЭНГҮЙ ЭЗЭН БУРХАН Тандаа баярлалаа. ЭРХЭМ ДЭЭДЭС, Тандаа баярлалаа. Та амгалан байх болтугай. Та хайрлагдах болтугай. Та шүтэгдэх болтугай. Та магтан дуулагдах болтугай. Photo Caption: “Даруухнаар Талархаж, Олгогдсон Амьдралдаа Баяс”
