Дэлгэрэнгүй
Татаж авах Docx
Дэлгэрэнгүй уншаарай
Бүр өнөөдөр ч БУРХАН надад хэлсэн... Энх тайван бүрэн тогтоогүйд би маш гунигтай байсан юм. Үүнийг хүртэх буянтай хүмүүс, амьтан-хүмүүс, ой мод, модод, уулс л энх тайван жаргаж байна. Би өнөөг хүртэл олон удаа асар их гунигласаар ирлээ. Тиймээс өнөөдөр БУРХАН надтай уулзахаар товлосон. ТЭРЭЭР надад юуны түрүүнд “Дэлхийн энх тайван бол Таны хариуцлага биш.” гэсэн. Бүх дэлхий амар амгаланг мэдрэхгүй байгаад өөрийгөө буруутгах хэрэггүй, учир нь энэ бол тэдний сонголт хэмээн ТЭР намайг тайвшруулахыг хүссэн. Тэд бол дэлхийг сүйтгэхээр ажилладаг сөрөг баг, сөрөг хүчнийхэн, эсвэл өөрсдөө сөрөг хүчний нэг хэсэг, эсвэл сөрөг бүхэнд итгэн БУРХАНЫ адислал, тусламж, ТҮҮНИЙ Хайрыг хүлээн авах боломж олгодоггүй хүмүүс, эсвэл бүр тамаас ирэгсэд. Тэд бол өөрсдөө чөтгөрүүд. Чөтгөрүүд болон сөрөг хүчин хамтран ажилладаг. Тэд өөр ялгаатай оршихуй боловч хамтран ажилладаг. Аль аль нь харгис, хорон, сэтгэлгүй, хайргүй бөгөөд хэнийг ч, энэ гараг дээрх ганц өвсний ширхгийг ч огт хайхардаггүй. Эрх мэдлээ хадгалж, тэлэхийн тулд сөнөөн сүйтгэх шаардлагатай бол тэд тэгнэ. Тэд хүмүүсийн амин эрчим, цус, сүнснийх нь мөн чанарыг сорон, улам бүр сул дорой болгодог. Сөрөг хүч энэ бүхнээр хооллон тэжээгдэж, улам хүчирхэгждэг. Тиймээс Диваажингийн Төрөлтнүүд тэднийг ялахад маш хэцүү. Тэд заримыг нь ямар нэгэн байдлаар зарим газар, оронд ялж байгаа ч бүгдийг нь бүрэн ялаагүй. Энэ дэлхийд болж буй бүхий л асуудал зовлон, дайн дажин, гамшиг, ослын цаана сөрөг хүч байгааг би шууд хэлэх ёстой. Тиймээс би дайны талын хүмүүс, бүр дайны гэмт хэрэгтнүүдийг ч авардаг. Учир нь хэдийгээр тэд муу ёрын зүйлсээр бохирлогдсон ч угтаа сөрөг хүч тэднийг тийм болгохыг хүссэн. Хүссэн зүйлээ буюу эд хөрөнгө, нэр алдар, ер нь юу шунасан бүхнээ авахын тулд сүнсээ худалдсан жинхэнэ хүмүүсийг би бүр үнэхээр их өрөвддөг. Яагаад гэвэл тэд дэндүү эмзэг, итгэмтгий, бас мунхаг шүү дээ. Тийм болохоороо л тэд сөрөг урхинд ордог. Дараа нь сөрөг хүчин тэднийг боолчилж, өдөр бүр улам дордуулсаар эцэст нь өөрсөдтэйгөө адил сөрөг болгодог. Тийм болох эцсийн өдөр ирэхээс өмнө би тэдэнд тусалж, аврахыг үргэлж хичээдэг юм. Гэвч сөрөг хүч үнэндээ юунаас ч айдаггүй. Тэд дэндүү хорон, дэндүү харгис. Тэдний сүнсгүй, сэтгэлгүй чанарыг юугаар ч дүрслэх аргагүй. Би энэ дэлхийн хамгийн аймшигт нүгэлтнийг ч аварч чадна. Гэхдээ тэд өөрсдөө надад боломж олгох ёстой. Дараа нь тэд өөрчлөгдөх ёстой. Эс бөгөөс нүд ирмэхийн зуур там руу буцна. Тиймээс би Трань Тамыг одоо ч аварч байгаа. Гэвч тэр наманчлахгүй байна. Тэр шоронд ч, тамд ч орно. Гэвч тэр үүнд итгэхгүй байна. Тэр юунд ч итгэдэггүй. Бусдын хэлснийг л дуурайна. Миний яриа, бүр өдөр тутмын үйлдэл гээд гаднах бүхнийг хуулбарладаг. Харин дотооддоо ялзарч, чөтгөрүүдэд бүрэн идэгдчихсэн. Түүнд юу ч үлдээгүй. Хэрэв тэр наманчилбал засарч, аажмаар хэвийн байдал, жирийн хүний амьдралдаа эргэн орж чадна. Тэгээд олон төрөл авсныхаа дараа сайн Их Багштай учирч, Арьяабалын Аргаар бясалган, үүрд чөлөөлөгдөж чадна. Би ч үүнийг хийх зөвшөөрөлгүй. Би өөрөө үйлийн үрийн ачааг нь үүрч, түүнийг тамаас аварч чадна. Гэхдээ үүнийг үүрд хийж чадахгүй. Өнгөрсөн удаа сүүлчийнх байсан. Дахиж тэгэхгүй. Түүнд өөрийгөө аварч, өршөөгдөх боломж дахиад олдохгүй, зөвхөн мөнхийн там л хүлээж байгаа. Одоо л миний үгийг сонсоод өөрчлөгдөөсэй гэж найдаж байна. Оройтохоосоо өмнө шүү дээ. Одоо түүнийг өөр хэн ч аварч чадахгүй. Чөтгөрт зүтгэлээ гээд тэд та нарыг дэвшүүлнэ гэж байхгүй. Тийм байдаг юм биш. Үгүй. Тэд дэвшүүлэх, эелдэг, сайхан сэтгэлтэй байх гэж юу болохыг мэдэхгүй. Бүр өөрсдөд нь, сөрөг хүчинд ажилладаг хүмүүст ч тэгж ханддаггүй. Тэдэнд сүнс гэж байхгүй, хайр ч гэж байхгүй. Тэд бол сэтгэлгүй, сүнсгүй, амин сүнслэг чанаргүй зүйлс. Ээ, Бурхан минь.
Тран Тамын (Румагийн) жинхэнэ ба хуурамч нэрсийн жагсаалт: Том Ван Тран (Төрсөн нэр) Жон Сэйнт (одоогийн нэр ба АНУ-ын паспортдоо ашигладаг) Гүрүжи Сагаррумагармата (Одоо өөрийнх нь хүсэж хэрэглэдэг нэр) Трань Там Трань Вань Там Трань Вань Ут Хюйнь Лон, Трань Ут Хюйнь Лон Там Трань Том Трань / Том Тран Их багш Трань Там Трань Янь Том Трань Йень Том Кау Ут Рума Их багш Рума Рума Гэгээн Жон Их багш РУМА Гэгээн Жон Минь Сү Рума Минь Сү Трань Там Гүрүжи Рума Ом Рума Сагаррумагармата ГЭХ МЭТ… Нэмэлт анхааруулга: Bùi Tấn Kiệt бол бас нэгэн хуурамч багш бөгөөд Trần Tâm-ын дагалдагч юм. Trần Tâm Bùi Tấn Kiệt-д Âu Lạc (Вьетнам)-т өөрийн сүнслэг бүлгийг байгуулж, тэндхийн Hòa Hảo шашны сүсэгтнүүдийг Trần Tâm-ыг дагахад ятгахыг даалгасан гэж бид үздэг. Bùi Tấn Kiệt тэдэнд Trần Tâm бол Hòa Hảo шашныг үндэслэгч, Эрхэм Гэгээрсэн Багш Huỳnh Phú Sổ (веган)-ын хойд дүр гэж хэлдэг нь худал. Мөн Bùi Tấn Kiệt Trần Tâm-ын нэр хүндийг тус улсын сүнслэг нийгэмлэгүүдийн дунд өсгөхийн тулд түүнийг “Хаш Эзэн хаан” хэмээн олон нийтэд худал сурталчилдаг. Эцэст нь Bùi Tấn Kiệt өөрийгөө “Вьетнамын Майдар” хэмээн худал тунхагладаг.
Өө, бичлэгээ унтраахаас өмнө хэлэхээ мартсан зүйл байна. Би бараг самадид орох дөхлөө. Одоо болихгүй бол болохгүй. Учир нь надад Суприм Мастер ТВ-ийн хийх ажил маш их байгаа. Мөн сая та нарт дурдсан БУРХАН болон зарим Будда Хаадтай хийсэн хуралдааныг бичиж үлдээх хэрэгтэй байх. Үүнийг нэвтрүүлэх эсэх нь өөр асуудал. Гэхдээ байрлаж ажилладаг багийн гишүүд та нарт илгээх талаар бодож үзэхийн тулд ч үүнийг бичиж үлдээх хэрэгтэй. Харж байя. Яг одоо би бага зэрэг туйлдсан байна. Сүүлийн үед ажил хэт их, таагүй явдал ч олон тохиолдлоо. Хөөрхий, гэмгүй нохой-хүн минь маш их өвдсөн. Бид түүнд туслахын тулд чадах бүхнээ хийж байна. Үүнийг мэддэг багийн маань зарим гишүүн ч түүний төлөө залбирдаг. Дашрамд нь та нарт талархъя. Миний нохой-хүний төлөө чин сэтгэл, ариун сэтгэл, хайраар залбирсан багийн бүх гишүүн та нарт талархаж байна. Та нарыг өгснөөс тань хэд дахин ихээр БУРХАН ивээх болтугай. Дашрамд хэлэхэд, миний нохой-хүний бие одоо сайжирсан. Тэд надад нэгэн маш онцгой, сайн эмнэлгийн талаар мэдээлэл илгээсэн. БУРХАН ӨӨРӨӨ алийг нь сонгохыг зааж өгсөн. Учир нь би нөгөө эмнэлгийг нь дэлхийн шилдгүүдийн нэг гэж бодож байсан тул эргэлзэж байсан юм. Би нохой-хүнээ тэр эмнэлэгт л эмчлүүлэхийг хүсэж байлаа. Гэвч БУРХАН “Үгүй, тэр биш. Энэ, энэ нь дээр.” гэсэн. Тиймээс би БУРХАНЫ үгийг дагахаас өөр аргагүй. Тэгээд үр дүнгээ өгсөн! Манайхан түүнийг өчнөөн эмчид үзүүлсэн ч үр дүн нь гавихгүй байсан юм. Харин энэ бол тэр бүгдээс илүү үр дүнтэй байна. Гэвч дараа нь бие нь улам муудаж, эмийн тун, эсвэл өвчний улмаас бүр хараагүй болсон. Аймшигтай. Хөөрхий нохой-хүн минь. Энэ нь миний зүрхийг шимшрүүлж байгааг та нар мэднэ. Энэ бол сүүлийн хэдэн долоо хоногт тохиолдсон зүйлсийн ердөө нэг нь. Өчнөөн олон зүйл ар араасаа нөмөрлөө. Сөрөг хүч намайг дийлж чадахгүй болохоороо нохой-хүмүүст минь халддаг. Гэхдээ бид түүнийг эрүүл болгохын тулд чадах бүхнээ хийнэ. Миний нохой-хүний төлөө залбирсан та бүхэнд баярлалаа. Та нарын өгснөөс илүү ихийг БУРХАН та нарт хайрлах болтугай. Үнэндээ бас нэг нохой-хүнд ч багахан асуудал бий, гэхдээ тийм ноцтой биш. Эмч шаардлагагүй, зөвхөн илүү их зөөлөн хайр халамж анхаарал л хэрэгтэй. Тиймээс би туслах багийнханд энэ талаар хэлсэн. Тэр ч бас сайжирч байгаа. Энэ нь илүү сэтгэл санааных тул, сэтгэл зүйн талын тусламж хэрэгтэй. Нохой-хүмүүсийнхээ талаарх энэ хэсгийг та нарт сонсгох эсэхээ сайн мэдэхгүй байна. Энэ тухайд бодож үзэн, үүнийг нэвтрүүлэхийг БУРХАН таалах эсэхийг асуугаад хэрэв үгүй бол устгана. Photo Caption: “Модод Хамгаалж, Сүүдэрлэж, Үзэсгэлэнтэй Болгох Гэж Оршдог”
