Дэлгэрэнгүй
Татаж авах Docx
Дэлгэрэнгүй уншаарай
Лам нар аа, хов жив тарааж болохгүйг сануулъя. Энэ бол та нарын сахилын нэг. Надад хандсан шигээ бусдыг доромжлохын тулд худал зүйл ярьж болохгүй. Хов жив ярих гэж байсан ч тэр нь үнэн эсэхийг заавал нягтлах ёстой. Санаатайгаар худал хэлэх нь бүр ч муу. Тамд хэлээ тастуулна гэдгээ та нар мэднэ. Сахилаа ариун журмаар сахиагүй хүмүүс тамд хэрхэн шийтгүүлдэг талаар Будда та нарт олон зүйл сургасан. Энэ нь гэгээнтэн болохын тухай ч биш, зүгээр л сайн хүн байх тухай юм. Эгэл хүмүүст зориулсан Таван сахилыг хүртэл та нар бараг бүгдийг нь зөрчсөн. Тиймээс болгоомжтой байгаарай. Миний тухай хов жив бүү тараа. Үнэнийг хэлэхэд би нэр хүндээ одоо тоохоо больсон. Учир нь хувраг ч, эгэл ч дэндүү олон хүнтэй бүгдтэй нь би тэмцэж чадахгүй. Гэхдээ энэ нь танай Ау Лак (Вьетнам) улсад бас муу хувь заяа авчирдаг. Ойлгов уу? Аливаа муу зүйл та нарт, төрөл төрөгсөд, найз нөхөд, гэр бүл, улс оронд тань муугаар нөлөөлнө. Хувраг хүн юун түрүүнд энэрэнгүй байх ёстой. Та нар зугаагаа гаргаж, хүмүүс намайг элдвээр бодог гэж бие махбодыг минь хүртэл доромжилдог. Яагаад ингэх ёстой гэж? Өөрийн авьяас, уран ярих чадвар, ядаж судраас олсон Буддын шашны мэдлэгээ ашигла. Гэгээрээгүй гэдгээ харуулах хэрэггүй. Эс бөгөөс та нар миний талаар хов жив тараах гэх мэт зүйл хийхгүй байх байсан. Намайг Будда мөн үү, гэгээрсэн үү, үгүй юу гэдгийг ярилтгүй би маш сайн хүн шүү дээ. Би маш сайн хүн. Би насаараа хүмүүст, амьтан-хүмүүст тусалж, сүм хийд барихад дэмжлэг үзүүлж, тухайн үед санхүүгийн болон бусад тусламж хэрэгтэй байсан гэлэнмаа, лам нарт тусалсаар ирсэн. Би та нарт, танай сүмд, нэр хүндэд тань хэзээ ч хор хүргээгүй. Би нэрийг тань ч мэддэггүй байсан. Та нарын ихэнхийг таньдаггүй. Огт таньдаггүй байсан. Би амьдралдаа нэг ч ламыг тэврээд “Би танд хайртай.” гэж хэлж байгаагүй. Үүнд буруу зүйл бий гэж би бодохгүй байна. Би тэр хүнд үнэхээр хайртай бол эрэгтэй, эмэгтэй хэн ч байсан, мөн нялхас, хүүхдүүдийг ч тэвэрнэ. Би шавь нараа ингэж олонтоо тэвэрдэг. Хэн нэгэн сайн хүн байвал, эсвэл хайр энэрэлтэй бөгөөд нийгэмд тустай зүйл хийсэн гэж мэдэрвэл би түүнийг олны өмнө тэвэрдэг. Орон гэргүй, ядуу хүнийг ч би тэвэрнэ. Эсвэл ядуу зүдүү, хөөрхийлөлтэй, гар нь хугарсан зэрэг зовлонтой байвал би тэвэрч, “Би танд хайртай.” гэж заавал хэлнэ. Харин лам нарыг би хэзээ ч тэгж байгаагүй. Учир нь би ламын сахилыг мэднэ. Тэд эмэгтэй хүнд ойр байж ч болохгүй, тэврэх, “Би танд хайртай” гэх тухай бүр ярилтгүй. Та ингэж авирласнаар өөрийгөө буруутгаж, жинхэнэ лам биш гэдгээ хүмүүст харуулж байна. Ялангуяа би таныг огт танихгүй. Би таныг хэзээ ч мэддэг байгаагүй. Тэрбум, түмэн тохиолдлоос ганц удаа ч болов би таныг тэвэрсэн, эсвэл “Би танд хайртай.” гэж хэлсэн байлаа гэхэд энэ нь би танд сайн хандаж, хайрладаг гэсэн үг. Тэгвэл яагаад намайг муулж, худал хов тараан, гүтгэж, хүмүүсээр намайг муу гэж бодуулах ёстой юм бэ? Эсвэл шавь нарын минь надад итгэх итгэлийг сулруулж, надаас холдуулах ёстой гэж? Энэ нь миний талаар хов тарааж, худал хэлсэн нүглээс ч дор. Бүр дор. Учир нь Буддын шашинд хуврагийн чуулганыг хагалан бутаргах нь эцэг эхээ хөнөөх, Буддаг хөнөөх буюу гэмтээхтэй адил хамгийн хүнд нүглийн нэг. Та үүнийг мэднэ. Мэдэхгүй бол хувраг өмсгөлөө тайлахыг зөвлөе. Буддын шашинтнуудыг цаашид бүү мэхэл, мөнхийн тамд унах үйлийн үрийг өөр дээрээ улам их хураахаа боль. Үүнийг бодоорой. Судруудаа дахин уншиж, зөвхөн надад бус, хэнд ч ийм зүйл дахин бүү хий. Надад та хэдийн ингэж хандсан. Одоо хэтэрхий оройтсон. Та наманчилж, энэ нүглээ ариусгаж чадах эсэхийг тань би мэдэхгүй. Би таныг уучилж, үүрд уучилсан ч, бүр туслахыг хүссэн ч надад тэгэх зөвшөөрөл бий эсэхийг мэдэхгүй. Эгэл хүмүүс, эгэл аулак (вьетнам) хүмүүс одоо ч гэнэн. Тэд бүгд гэгээрээгүй. Тэд тан шиг лам нарыг дагавал хэзээ ч гэгээрэхгүй. Тиймээс тэд намайг загнаж, гүтгэж, ямар нэгэн байдлаар доромжилбол би ойлгоно. Би тэднийг уучилж, нүглийнх нь төлөө залбирдаг. Харин та бол багш байх учиртай хүн. Лам болмогц тань хэр удаан лам байснаас тань үл хамааран хүн бүр таныг багш аа гэж дууддаг. Дөнгөж үсээ хуссан байлаа ч хүмүүс таныг хүндэлж, хандив, өргөл өгдөг. Тэд танд бөхийн ёсолдог. Таны өмнө мөргөдөг. Гэтэл та ингэж авирлаж байгаа юм уу? Үүнийг бодоорой. Буддын сударт дурдсан тасралтгүй тарчлаах мөнхийн тамын үйлийг өөртөө дахин бүү бий болго. Будда үүнийг олон удаа айлдсан. Та үүнийг санах ёстой. Зөвхөн хуврагийн өмсгөл өмсчхөөд Буддын судрын талаар юу ч мэдэхгүй байж болохгүй. Энэ нь таныг Буддагийн Оронд бус, тамд хүргэнэ. Үүнийг би баттай хэлье. Би та нарт үнэнийг хэлж байгаагаа Төгс Хүчит БУРХАН болон бүх Буддагийн өмнө тангараглаж байна. Тиймээс болгоомжил. Болгоомжил, та бол эрхэм хувраг. Замаа өөрчилж, жинхэнэ эрхэм хувраг, бүх дагалдагч тань хоргодон очих аврал бол. Хог шиг битгий бай. “Хог хаягдал” бүү бол. “Хог хаягдал.” Хог хаягдал, аврал хоёр өөр. Та өөрчлөгдөж, олж чадах ямар ч арга замаар гэгээрээсэй гэж хүсэж байна. Тамыг санаж, тийш уналгүй өөрчлөгдөн, жинхэнэ сайн лам бологтун. Будда таныг ивээг. БУРХАНЫ хайртай бүх хүүхэд, БУРХАНЫ шавь нар минь, хэрэв бид үүнийг Шуурхай мэдээгээр гаргавал манай телевизийг шавь бус хэчнээн хүн үзэхийг би мэдэхгүй. Гэхдээ намайг та бүхэнд дан үнэнийг хэлснийг ойлгож, баттай мэдэж байгаа гэдэгт итгэлтэй байна. Жишээ нь: Миний залуу байдлыг басамжилж, сөрөг хүчинтэй тэмцэхэд намайг “хэт хөгшин” гэсэн гэрэлт цохны тухай мэдэх нь та нарт сонирхолтой болов уу гэж бодлоо. Зугаатай байсан тул би инээж билээ. Би түүнд хэзээ ч уурладаггүй. Тэр хэсэг саатаад явсан. Хэсэг хугацааны дараа би түүнээс “Хүүе, чи хаана байна?” гэж асуув. Одоо хол байна аа гэж тэр хэлсэн. Тэгээд гурван цаг өнгөрлөө. Гэхдээ би “Чи хэр хол байна?” гэж асуув. Харин тэр надаас, майхнаас маань 200 метрийн зайд байна гэсэн. Бурхан минь, тэр 200 метрийг туулахад гурван цаг зарцуулсан байна шүү дээ. Тэр ханиа хайхаар шийдсэн байгаа. Би та нарт үүнийг өмнө нь хэлсэн. Амьтан-хүн, бүр шавж байсан ч гэсэн амьдрал нь ямар зовлонтой юм бэ. Хүмүүсийн амьдралыг хэзээний маш төвөгтэй, зовлонтой гэж бид бодож байсан. Тиймээс бид унахгүй байсан нь дээр. Авшиг өгөх үед та нарт заасанчлан Арьяабалын Аргаараа бясалган дадуулаарай. Ядаж сайн хүн бай. Таван сахилыг сахь. Ингэвэл та нар үргэлж сайн хүн байж чадна. Дахин хүн болж төрөх шаардлагатай болсон ч хүн хэвээр төрж чадна. Хувьслын шатаар доошлохгүй, зөвхөн дээшилнэ. Тэгээд тав тухтай, чинээлэг амьдралтай болно. Мэдээж энэ төрөл болон дараа дараагийн төрөлдөө хураасан буянаас тань шалтгаална. Хамгийн сайн нь энэ бүхнээс өөрийгөө чөлөөлөх. Эд хөрөнгө, золгүй явдал, алдар нэр, муу сайн бүхнээс чөлөөлөгд. Энэ бүхнээс өөрийгөө бүрэн чөлөөл. Энэ дэлхийд амьдарч байхдаа юуг ч эрдэнэ мэт бүү нандигна. Тэгвэл та нар үүрд эрх чөлөөтэй болно. Одоо миний хийж байгаачлан бусдыг ч эрх чөлөөтэй болоход нь тусалж чадна. Жаахан ус уугаадахъя. Би эргээд ирнэ ээ. Саяхан миний нохой-хүмүүсийн нэг гэнэт маш хүнд өвдсөн. Би түүнийг эмчид хүргэж ч чадаагүй, өөрөө эмийг нь өгч ч чадаагүй. Тэр одоо надтай хамт байхгүй. Сөрөг хүч миний нохой-хүнийг ашиглан намайг зовоож байгаа хэрэг гэж Диваажин надад хэлсэн. Бие махбодоор биш ч гэсэн... Түүний үйлийн үрийг надад үүрүүлж, асрахыг БУРХАНААС гуйсан ч зөвшөөрөөгүй. Учир нь энэ нь надад дэндүү сайн зүйл болох байлаа. Өнөөг хүртэл, ялангуяа сүүлийн жилүүдэд надад таашаал, аз жаргал өгөх аливаа зүйлтэй байхыг зөвшөөрдөггүй. Нохой-хүмүүс, шувуу-хүмүүс, эсвэл багийн сайн гишүүдийн хэн нэгнийг дэргэдээ байлгах зэрэг ч үүнд орно. Бүр амттай хоол амсах нь ч ховор. Адилхан хоолыг та идвэл “Хөөх, энэ чинь Диваажин байна.” гэнэ. Харин надад бол өвс мэт амтгүй, эсвэл ялимгүй шорвог, чихэрлэг санагдахаас хэтрэхгүй. Хоолны дуршил хөдөлгөхгүй, таашаал ч өгөхгүй. Идэх ёстойгоо мэддэг учраас л иддэг. Миний хувьд хоол идэх нь хүртэл дэлхийтэй холбоотой байх арга юм. Би үүнийг өмнө нь тайлбарласан. Гэхдээ одоо энд амьдарч байгаадаа баяртай байна. Учир нь майхнаа барьсан энэ ой, энэ газар асар их адислагдсан, сүнслэг өндөр түвшний ховор нандин газар билээ. Photo Caption: “Сайхан Төрх Үргэлж Жинхэнэ Сайн Чанартай Байдаггүй!”
