Дэлгэрэнгүй
Татаж авах Docx
Дэлгэрэнгүй уншаарай
Өнөөдрийн мэдээнд, Их Британи Йеменд яаралтай тусламж илгээв. АНУ-ын судалгаагаар 2050 он гэхэд дэлхийн олон хүн орлогынхоо талыг хүнсэнд зарцуулж болзошгүйг анхааруулав; Японы тэтгэлэгт хөтөлбөр Узбекистантай боловсролын хамтын ажиллагааг өргөжүүлнэ; Их Британийн эрдэмтэд зүрхний ердийн цахилгаан бичлэгээр зүрхний өвчин илрүүлэх хиймэл оюуны хэрэгсэл бүтээжээ; Австралийн сурагч хөдөө нутгийн хүүхдүүдэд туслахаар 500 гаруй километр алхжээ; Сингапурын судлаачид шар буурцгийн сүүний дайвар бүтээгдэхүүний амт, уургийн агууламжийг мөөгний мицелиэр сайжрууллаа; Эстонийн амьтан-хүний эрхийн бүлэг өндөглөгч тахиа-ардыг давчуу төмөр торонд олноор нь хорьж, үржүүлдэг аж ахуйгаас хэдэн зуун тахиа-ардыг аварчээ. Өнөөдөр сурсан цэцэрлэгжилтийн хэдэн зөвлөгөөгөө та бүхэнд хуваалцмаар байна. Таримлын хөнгөн хучлага нь цэцэрлэгээ шавж, хяруу, хэт нарнаас химийн бодисгүйгээр хамгаалах үр дүнтэй арга бөгөөд ашигтай шавж, хөрсний амьд организмд хортой байж болох химийн пестицидийн хэрэгцээг бууруулдаг. Байгалийн даавуун хучлагын төрөл бүр нь ургамалд шаардагдах хамгаалалтын түвшнээс хамааран өөр өөр ач тустай. Хамгийн сайн хамгаалахын тулд ургалтын эхний эмзэг үед хөнөөлт шавж дайрахаас өмнө буюу үр тарьсны эсвэл суулгац шилжүүлсний дараа шууд хучаарай. Хучлагыг нуман төмөр утсаар тулж, даавууг хувцасны хавчаараар тогтоон, салхинд хийсэхээс сэргийлж захыг нь чулуу, тоосгоор дарж болно. Хулгана-ард үүрлэх боломжгүй хуурай газарт хадгалбал олон төрлийн хучлагыг хэд хэдэн ургацын улиралд дахин ашиглаж болно.
