Дэлгэрэнгүй
Татаж авах Docx
Дэлгэрэнгүй уншаарай
Туйлын, ХЭМЖЭЭЛШГҮЙ Хүчит, Оройн Дээд БУРХАН болохманай МАПА-тай хийсэн яриа 2026 оны 9-р сарын 2-ны оройн 10 цаг 20 минутын үед эхэлсэн. 10:20-оос эхлэн БУРХАН-тай ярилцаж байгаад 3 цагт үнэг-хүнийг ирэхэд дууссан. Тэгээд үнэг-хүнтэй хийсэн яриа эхэлсэн. БУРХАНТАЙ хийсэн яриа хэд хэдэн сэдвийг хамарсан. Энэ бол миний өөрөө бичиж тэмдэглэсэн зарим айлдварын жагсаалт юм. Би та нарт “За, одоо би МАПА, Гурвал болон зарим Будда Хаантай хурал хийх хэрэгтэй байна.” гэж хэлсэн дээ. Гэхдээ бүгдийг нь та нарт хэлж болохгүй. Тиймээс хэт эмзэг биш болов уу гэсэн заримыг нь л сонгосон. Заримыг нь Оройн Дээд БУРХАН, заримыг нь Будда Хаад айлдсан. Би зүгээр л бичиж авсан болохоос Хэн юу айлдсаныг тэр бүр тэмдэглээгүй. Намайг уучлаарай. Та бүхэнд хүргэхээр миний сонгосон эхний сэдэв бол “Энх Тайван Дэлхий Таных.” Хэн ингэж айлдсаныг санаадахъя. МАПА ингэж айлдсан. Сонгосон хоёр дахь нь “Одоогоос Та сувдаг чөтгөрүүдээс ангид байх болно”. Хэн үүнийг айлдсаныг санаадахъя. Энх Тайвны Будда Хаан ийм үг айлдсан байна. Гурав дахь нь “Энх тайван тогтсон.” Хэн үүнийг айлдсан билээ? Санахгүй байна. Аан, дараагийнх нь: Тэрээр “Өөрийнхөө аюулгүй байдлын үүднээс нохой(-хүмүүсийг) урд өрөөндөө оруулаарай.” гэж айлдсан. Надад өрөө байгаа юм шиг. Нохой(-хүмүүстээ) гаргах өрөө надад ер нь байгаа юм шиг. Намайг тэгэх хэрэгтэй гэж л Тэд айлдсан байх. Гэхдээ нохой-хүмүүсийг урдаа байрлуулах нь тийм ч тохиромжтой нөхцөл байдал биш. Бүр урд өрөөндөө шүү. Надад өрөө гэж байхгүй. Тэд зүгээр л “Боломжтой бол шөнө бүр.” гэж айлдсан. Шөнөдөө нэлээд хүйтэн. Нохой-хүмүүсийг яаж дулаан байлгахаа мэдэхгүй байна. Одоо миний амьдарч буй энэ улс цөл шиг юм гэж заримдаа боддог. Өдөр нь маш халуун, маш халуун. Харин шөнө нь маш хүйтэн, үнэхээр хүйтэн. Их хачин нөхцөл байдал шүү. Та нарт зориулж сонгосон дараагийн сэдэв нь: Энх Тайвны Будда Хаан сувдаг чөтгөрүүдийг зайлуулахыг хүсэж байгаагаа илэрхийлсэн. Тэгэхээр нь би “За, би тэднийг шоронд хийнэ ээ.” гэсэн. Тамын шоронд хорьж, тэдэнд юу хэрэгтэйг нь өгнө, гэхдээ гаргахгүй гэсэн үг. Дараагийнх нь… 1, 2, 3, 4, 5. Одоо энэ зургаа дахь, өөр нэг зүйл. “Аюулгүй байдлынхаа төлөө нохой-(хүмүүсийг) шөнө бүр үүдэндээ байлгаарай.” Байж болохгүй газраар нэг эрэгтэй хүн ч юм уу хөвгүүн сэм явж байхыг би харсан. Өөрөөр хэлбэл явах ёсгүй газраар, замгүй, явах ямар ч хэрэггүй газраар тэр явж байсан. Миний майхантай нэлээд ойрхон ч би нуугдаж чадна, зүгээр ээ. Мод ихтэй. Дараагийнх нь... Аан, Хэн байсан билээ? Шөнө бүр нохой-хүмүүсийг тэнд байлгах тухай Хэн айлдсаныг шалгаадахъя. Хэн байсан билээ? Аль Будда Хаан билээ? Аан, Залуу насны Будда Хаан үүнийг зөвлөсөн. Эхнийх нь ч бас үүнтэй төстэй зөвлөгөө өгсөн. Аль нь байсныг мартчихжээ. Санах нь уу, шалгая. Мөн л Залуу насны Будда Хаан. Залуу насны Будда Хаанхоёр удаа айлдсан. Тэр миний аюулгүй байдалд их санаа зовж байгаа бололтой. Эрхэм Дээдэс Залуу насны Будда Хаан Танд баярлалаа. Дараагийнх нь... Хараадахъя. Та нарт зориулж сонгосон дараагийн буюу долоо дахь зүйл. “Одоогоос энх тайван улам ойртоно.” Тэр аль Будда Хаан байсан билээ? Хэн үүнийг айлдав? Аль (Будда) Хаан билээ? Аан, МАПА надад үүнийг айлдсан байна. Одоо энэ нь магадгүй… найм дахь нь. Найм дахь нь: Эрхэм Дээдэс Нөхөрлөлийн Будда Хаан ийн айлджээ. Тэрээр “Аюулгүй байдал нэн тэргүүнд. Тэрээр Таны тэмцлийн ачааллыг багасгахыг хүсэж байна…” гэсэн. Аан, ямар сонин хэллэг вэ. “…шинжлэх ухааны тусламжтайгаар.” Тэгэхээр нь би “Тийм ээ, Эрхэм ээ, за, боломжтой бол, хэн нэгэн үүнийг хийж чадвал.” гэсэн. Учир нь би шинжлэх ухааны аргаар аюулгүй байдлаа хангах талаар юу ч мэдэхгүй. Би компьютероо ч бүрэн ашиглаж чаддаггүй. Тэдний урьдчилан сайтар бэлтгэж, засаж, хасаж танасан бэлэн зүйлийг л хүлээн авч чадна. Тэгээд хэдэн товч дарахад гарч ирдэг. Дараа нь би шалгаж, хянаж уншиж, засаж, эсвэл хэрэггүй юм уу буруу оруулсан мэдээллийг нь устгадаг. Миний мэдэх зүйл ердөө л энэ. Би и-мэйл ч илгээж чаддаггүй. Үнэндээ хэнд и-мэйл илгээхээ ч мэдэхгүй. Надад дотнын найз гэх хүн байхгүй. Багийнхаа бүх гишүүнд би адил тэгш ханддаг. Харин урьдчилан бэлтгэсэн баримт бичгүүдийг илгээхдээ заримтай нь арай ойр ажилладаг. Аль товчийг дарахаа л мэддэг. Тэгэхэд тэд миний өмнөөс илгээдэг. Би өөрөө ч илгээж чаддаггүй. Багийн гишүүд маш олон тул би чадахгүй, бүгдийнх нь и-мэйл хаягийг мэдэхгүй. Надтай ойр ажилладаг цөөн хэдээс, ганц хоёроос бусдынхыг нь огт мэдэхгүй. Тэд миний хажууд биш, бүр өөр улсад байдаг. Манай багууд аюулгүй байдлын үүднээс өөр өөр улс, өөр өөр газарт тархан байрладаг болохоор бид тухайн үед хаана, юу хийж чадахаа л хийдэг. Илүү болгоомжилж байгаа хэрэг. Зүгээр ээ. Хүмүүс “Эмчилснээс урьдчилан сэргийлсэн нь дээр.” гэдэг дээ. Би энэ дэлхийд маш олон, олон, олон, олон, олон, олон төрөл аван амьдарч, асар их өвдөлт, уй гашуу, дайралт дарамт, дээрэлхэлтийг амсаж туулсан. Бие махбодын бус сүнслэг саад тотгорын хувьд хэллээ. Бие махбодын хувьд ч зовлон зүдүүр ихтэй амьдрал нэлээд олон байсан. Ихэнхдээ насан эцэс хүртлээ БУРХАН-ы Даалгаврыг гүйцэтгэж чаддаггүй байсан. Тухайн төрөлд амьдрал минь магадгүй тал хувиар, эсвэл гуравны хоёр, гуравны нэгээр богиноссон байдаг. Тиймээс энэ төрөлдөө би илүү болгоомжтой байгаа. Ердөө л энэ. Хэт болгоомжилж байж мэдэх ч дутуу болгоомжлохоос дээр. Тиймээс эдгээр Будда Хаан миний төлөө их санаа зовдог. Тэдний хүсэж буй... Нөхөрлөлийн Будда Хаан үүнийг айлдсан ч бусад Будда Хаан ч мөн санал нийлж, дэмжсэн. Нэг Будда Хаан зөвхөн Өөрийнхөө өмнөөс яриад, бусад нь ямар ч санал хэлэхгүй байна гэсэн үг биш. Үгүй, Тэд бүгд хамтдаа байж, хамтран ажилладаг. Нэг Будда Хаан нэг зүйлийг айлдахад, нөгөө нь дараагийнхыг айлддаг. Тэд угаасаа нэг санаатай учраас үүнтэй санал нийлдэг. Энэ уулзалтад улс төрийн зарим хурал шиг маргаан, хэрүүл байдаггүй. Тэд бүгд нэг санаатай. Зүгээр л ээлжлэн санал, бодлоо илэрхийлдэг. Тэгэхээр Нөхөрлөлийн Будда Хаан, аан, Тэр нэлээд, нэлээд, маш, маш өвөрмөц англи хэлээр айлдсан. Маш өндөр түвшнийх гэж бодож байна. “Аюулгүй байдал нэн тэргүүнд. Нөхөрлөлийн Будда Хаан Таныг... Таны тэмцлийн ачааллыг багасгахыг хүсэж байна...” Бурхан минь, би тэгж ер бодож байгаагүй. Санаагаа тэгж илэрхийлнэ гэж ер бодож байгаагүй. “…шинжлэх ухааны тусламжтайгаар.” Тиймээс өөр юу хэлэхээ мэдээгүй. Би “Тийм ээ, за. Хэрэв тэгж чадвал надад сайхан байх сан. Харин би өөрөө яаж гэдгийг мэдэхгүй.” гэсэн. Өмнө нь хэлсэнчлэн, надад ажилладаг хоёр л утас бий. Юмыг яаж мэдэх вэ, нэг нь ажиллахгүй бол гээд. Учир нь миний байгаа газар заримдаа тог тасардаг. Өдөр бүр нартай байдаггүй тул надад үргэлж хангалттай тог цахилгаан байдаггүй. Тиймээс ажлын багтайгаа утсаар холбогдох хэрэгтэй болдог. Олон баг байдаг ч би бүх багтай ажилладаггүй. Ажилладаг л даа, гэхдээ шууд харилцдаггүй. Хүлээн авсан зүйлээ өөр багаар дамжуулан тэдэнд буцааж илгээдэг. Учир нь энэ бүх ачаалах, татаж авах зэрэг ажлыг яаж хийхээ мэдэхгүй. Би өөрөөрөө нэлээд бахархаж байгаа. Өмнө нь хулганаа ч буцааж олж чаддаггүй байсан. Хаа сайгүй гүйчхээд, хаашаа алга болсныг нь би мэддэггүй байлаа. Одоо бол мэднэ. Олоод, өөрийн хэсэгтээ буцаан авчирч чадна. Мөн юм бичихийн тулд хулганыг хаашаа хөдөлгөх гэх мэт нэлээд хэдэн зүйлийг ойлгодог болсон... Та нар мэднэ дээ. Та нарт ярихад уйтгартай. Та нар надаас илүү мэднэ. Би мэддэг зүйлсээ бахархаж яривал та нар намайг шоолж элгээ хөштөл инээх байх. Тэгэхээр “шинжлэх ухааны тусламж”, яаж гэдгийг би үнэхээр мэдэхгүй. Би зүгээр л бүх Будда Хаан, Гурвал болон бидний МАПА-тай санал нийлсэн. Гэхдээ шинжлэх ухааныг хэрхэн ашиглахаа огт мэдэхгүй болохоор яаж сөрөн тэмцэхээ ч мэдэхгүй байна. Бас нэг байна. Энд маш жижигхэн бичсэн болохоор хараагүй юм байна шүү. Энэ ес дэх нь байх ёстой. Тийм ээ, ес дэх нь байх ёстой. Залуу насны Будда Хаан дахин санаа зовж байгаагаа илэрхийлсэн гэж байна. Тэрээр “Таны аюулгүй байдал” гэсэн. Миний аюулгүй байдлыг хэлж байгаа юм. “Таны аюулгүй байдал бол…” Аан, үүнийг Тэр биш, чуулганд оролцсон бүгд айлдсан юм байна. “Таны аюулгүй байдал бол Залуу насны Будда Хааны үүрэг.” Үүнийг сонсоод би гайхсан шүү. Учир нь би Залуу насны Будда Хааныг хамгаалалтын бүлэгт байдаггүй гэж бодсон юм л даа. Залуу насны Будда Хаан хамгаалалт, хамгаалагчид, эсвэл хамгаалагч сахиусан тэнгэрүүдтэй холбоотой зүйл хийнэ гэж бид төсөөлөхгүй байна. Тэр энэ бүхнийг зохион байгуулна гэж бодоогүй. Гэхдээ мэдээж, Тэр бол Будда Хаан. Будда Хаад олон зүйлийг хийж чадна. Тэд зөвхөн бидний боддог тэр ажлыг л хийдэг байх албагүй. Төрөл бүрийн зүйлс хийж чадна. Магадгүй Тэр нэлээд залуу болохоор өнөөгийн нийгмийн чиг хандлага, аюулгүй байдалд учрах асуудлыг хэрхэн шийдвэрлэхийг ойлгодог байх. Тэр бас энэ гарагт амьдардаг тул ойрхон байдаг. Энэ гарагт болж буй үйл явдал, аюултай, эсвэл аюулгүй байдалтай холбоотой үйл явдал, хүмүүсийг, жишээлбэл намайг хэрхэн хамгаалахыг илүү сайн ойлгодог. Ингээд л боллоо. Миний та нарт уншиж өгсөн зүйлс бол өнгөрсөн уулзалтаар ярилцаж, шийдвэрлэсэн зарим зүйл юм. За, хичээнгүйлэн, нөхцөл болзолгүйгээр, хайр дүүрэн, гайхамшигтай ажилладаг хайрт та нартаа бүгдэд нь баярлалаа. Баяртай. Бидэнд хайрласан бүхний төлөө, бас сайн үйл хийх боломж олгосны төлөө бид бүгд БУРХАН-д талархаж байна. ЭЗЭН минь, Танд баярлалаа. Та үргэлж амгалан, аз жаргалтай байж, үр хүүхдээрээ бахархах болтугай. Таныг гомдоох, бухимдуулах, сэтгэлийг тань шархлуулах, тавгүйтүүлэх, гуниглуулах, сэтгэлээр унагах, эсвэл биднийг бүтээсэндээ ямар нэгэн байдлаар харамсахад хүргэх нөхцөл боломж бидэнд хэзээ ч бүү тохиог. БУРХАН ямар байх учиртай, тийм л аз жаргалтай, баяртай байхыг Танд ерөөе. ЭЗЭН минь, Танд баярлалаа. Амен. Photo Caption: “Байгальд Ивээгдсэн Амар Амгалан”
