Дэлгэрэнгүй
Татаж авах Docx
Дэлгэрэнгүй уншаарай
Би залгахдаа нохой-хүмүүсийн асрагчид iPhone утасныхаа дууг бүр чангал гэж хэлдэг. Тэгвэл намайг ярихад асрагч ч сонсож чадна, нохой-хүмүүс ч сонсоно. Заримдаа би янз бүрийн зүйлийн талаар ярьдаг. Би дандаа нохой(-хүмүүсийн) тухай, нохой(-хүмүүстэй), эсвэл тэдэндээ зориулж ярьдаггүй. Гэр ахуй, хоол хүнс, хэрэгцээт зүйлс болон нохой-хүмүүсийг хэрхэн асрах, цахилгаанд залгадаггүй дулаан хөнжил авч өгөх зэрэг гэрийн эзэгтэйн ажил ч ярьдаг. Тийм ээ, нохой-хүнд, бүр хүмүүс бидэнд ч зориулсан цахилгаанд залгадаггүй дулаан хөнжил байдаг. Сансрын технологийн түвшнийх. Тиймээс нохой-хүмүүсээ дулаан байлгахыг хүсвэл цахилгаанд залгадаг хөнжил авах шаардлагагүй. Нохой хүмүүстээ цахилгаан хөнжил бүү өг. Миний туслах өмнө нь надад хэлэлгүй хэдийг авсан байсан. Тэр талаар сонсоод би “Үгүй, үгүй, үгүй, аваад хая. Нохой-хүмүүс санамсаргүйгээр цахилгаан хөнжил дээр шээж магадгүй. Эсвэл тэд биеэ байнга долоодог, ус уухдаа хаа сайгүй дусааж, хөнжлөө норгох тул дэндүү аюултай. Найдвартай биш.” гэлээ. Тиймээс тэдгээрийг хураасан. Би тэдэнд хурааж ав гэж хэлсэн. Одоо нохой-хүмүүст зориулсан залгуургүй дулаан хөнжил авч болно. Түүнчлэн тэдэнд хүйтэн ус өгөхөөс гадна усанд нь бага зэрэг мөс хийж сэрүүцүүлж, сэрүүн байшин, сүүдэртэй орчинд байлган, эсвэл агааржуулагч, сэнс зэргийг ашиглаж, бас тэдэнд сэрүүцүүлэх дэвсгэр ч өгч болно. Өөрөө суухад ч сэрүүхэн санагддаг ийм дэвсгэр болон бусад хэрэгслээр нохой-хүнээ тав тухтай байлгаарай. Хэрэв нохой-хүнээ том, тунгалаг цонхтой өрөөнд, эсвэл өөрийнхөө өрөөнд байлгах боломжтой бол тэгээрэй. Танайх цэцэрлэгийн мод, өвс, цэцэг, эсвэл ойн ойролцоо, ой дотор амьдардаг бол тэд гадагш харах дуртай. Учир нь нохой-хүн угтаа зэрлэг байгальд харьяалагддаг. Тэднийг түүхийн маш эрт үеэс, асар урт хугацааны турш гаршуулж ирсэн. Тэд хүнтэй хамт амьдарч дассан. Одоо хэдий орон сууц, байранд амьдарч байлаа ч боломжтой бол байгалийн төрхийг харах дуртай. Тиймээс тийм гэрэлтэй, саруул өрөөтэй бол ядаж өдрийн цагаар өөртэйгөө хамт байлгаж, тэнгэр, нар, мод, гадаа явж байгаа хүмүүсийг хүртэл харуул. Хэрэв маш нимгэн, хөнгөн дулаан дэвсгэр, гудас авч чадахгүй бол гар дулаацуулагчийг даавуу, эсвэл өвлийн хөнжил доор нь тавьж болно. Харин үсгүй, эмзэг хэсэг, тухайлбал гэдсийг нь түлж болзошгүй тул биед нь шууд хүргэж болохгүй шүү. Би нохой-хүмүүсээ тэгдэг. Би дэргэд нь байхгүй ч боломжтой бүх зүйлээр нь заавал хангадаг. Хэт халуун байвал авч дийлэх агааржуулагчийг зөөврийнх байсан ч хамаагүй, тавьж өгөөрэй. Тэдгээр нь гайгүй сайн сэрүүцүүлдэг. Жинхэнэ агааржуулагч суурилуулахад хана өрөмдөх зэрэг нь хэт өндөр зардалтай, их дуу чимээтэй, цаг их орохоор байж магадгүй. Нэлээд сайн ажиллагаатай шинэ төрлийн зөөврийн агааржуулагчид бий. Агааржуулагчийг гадна ханандаа, эсвэл торон цонхны гадна тавьж, хоолойг нь дотогш оруулахад хүйтэн агаар орно. Өөр нэг хоолой нь өрөөний халуун агаарыг сорж агааржуулагчаар гадагшлуулдаг. Ингэхэд өрөө маш сэрүүн болдог. Өнөө үед бид талархвал зохих тав тухтай, сайн зүйл олонтой болжээ. Нохой-хүнд тансаглал хэрэггүй ч тав тух, аюулгүй байдал, хайр, өөрийн гэсэн гэртэй гэх мэдрэмж хэрэгтэй. Тэгвэл тэдний амьдрал таны тэдэнд хүсэж буй шиг аз жаргалтай болно. Нохой-хүмүүс дотооддоо үзэсгэлэнтэй. Нохой-, муур-хүмүүс гээд таны сонгосон, эсвэл тохиолдлоор үрчилж авсан ямар ч төрөлтөн адил. Тэд бүгд асран хамгаалагчтайгаа хамт байхдаа жаргалтай байдаг. Тэд таныг ээж, аавыгаа гэж боддог. Бие махбодын хувьд тэгж боддог ч сүнслэг талаас нь авч үзвэл амьтан-хүмүүс таны хэн болохыг, мөн өөрсдийгөө хэн болохыг мэддэг. Тэд хүн бүрийн сүнслэг зиндааг хүмүүсээс илүү тодорхой мэддэг. Мөн тэд хэнтэй хамт байгаагаа, яагаад хамт байдгаа мэддэг. Үхэл биднийг салгах хүртэл тэд үнэнч хэвээр байна. Олон тохиолдолд гэрлэсэн хос, эсвэл хамгийн сайн найз болон бусад олон харилцаанаас ч илүү үнэнч байдаг. Нохой-, муур-, шувуу-, нугас-, галуу-, цацагт хяруул-хүмүүс гээд бүгд адил. Бүр хэрэм-, өмхий хүрэн- хүмүүс зэрэг юу ч мэдэхгүй, зүгээр л амьтан гэж таны боддог бүх төрлийн амьтан-хүн тийм биш. Үгүй шүү, үгүй. Тэд бол маш эрхэмсэг, ухаалаг төрөлтөн. Тэдний ихэнх нь таныг хамгаалах, хайрлах, эдгээх, тайтгаруулж хайр мэдрүүлэх, амьдралд тань аз завшаан, сайн өөрчлөлт авчрах зорилготой учраас зориуд тан дээр ирдэг, эсвэл таныг сонгодог. Амьтан-хүмүүс олон зүйлийг хийж чадна. Бие махбодын хувьд хүн шиг чадамжгүй ч үл үзэгдэх, сүнслэг, дотоод түвшинд өөрсдийг нь сайн асардаг хүнд маш их тусалдаг. Тиймээс нохой-хүнийг муу асарч, харгислан, хүчирхийлдэг хүн амьтан-хүнийг дэргэдээ байлгах ямар их хувь завшаантайгаа огт ухаардаггүй. Учир нь амьтан-хүн маш их, маш их хүчирхэг. Хэрэв танд зөн билгийн чадвар байвал үүнийг харна. Тэд бие махбодын цаана үл үзэгдэх байдлаар хэрхэн ажилладаг нь үнэхээр гайхамшигтай. Тэд гэрлэн бие, энергийг уншиж чаддаг тул хэн нь хэн болохыг хүртэл хардаг. Харин олон хүн үүнийг чаддаггүй. Ямар ч тохиолдолд тэд хүний амьдралд аз авчирч, үнэнч байж, та нарын мэдэх юм сан гэж бодохуйц олон янзын аргаар тусалдаг. Тэд өөрийн тань төлөө хийсэн сайн үйлээрээ хэзээ ч сайрхахгүй. Амьтан-хүн бүр, зэрлэг амьтан-хүмүүс ч хүртэл та ойролцоо байж таараад, эсвэл тэдэнд сайхан хандвал үл үзэгдэх байдлаар таныг харж хамгаалан, маш их зүйл хийдэг. Амьтан-хүмүүс таны өвчнийг багасгаж, аз жаргал, өөртөө итгэх итгэл, оюун ухаан, бүр энэрэнгүй амьдрах чанарыг тань нэмэгдүүлж чадна. Тэднийг үнэхээр мэдэрвэл үүнийг харж ойлгож магадгүй юм. Өө, бас би нохой-хүмүүсээсээ тэд илүү тавтай байгаа эсэхийг, энх тайван ойрхон айсуй, магадгүй удахгүй албан ёсоор тогтнох гэж байгаа эсэхийг асуусан. Тэд “Тийм.” гэсэн. Тийм ээ, тэд баяртай байгаа. Тиймээс тэд наалдаж, буланд шигдэхээ больж, одоо өөртөө итгэлтэй алхаж, гүйн, баяр хөөртэй болсон. Маш итгэлтэй, өөртөө бүрэн итгэлтэй, жаргалтай байгаа. Би тэдний өмнөөс маш их баяртай байна. Үүнийг мөн адил мэдэж байгаа бусад олон нохой-хүний өмнөөс ч баяртай байна. Хэсэг хугацааны өмнө би хэсэг нохой-хүмүүсээсээ асрагч нар нь тэднийг халамжилсаар байхад яагаад надтай хамт байх тийм дуртайг нь асуусан юм. Тэд тус бүр өөрөөр хариулсан. Жишээлбэл, YW “Учир нь сайхан сэтгэлийг олоход хэцүү.” гэсэн. TY “Та миний амийг аварсан, тиймээс амь минь Таных.” гэв. SZ “Та миний гэр бүлийг бүхэлд нь аварсан учраас миний баатар. Би Танд хайртай.” гэлээ. Харин RN “Та бол миний хайртай, маш хайртай найз” гэх мэтээр хэлсэн. Би бусад нохой-хүмүүсээс асуугаагүй. Тэд ч үүнтэй төстэй зүйл хэлэх байсан байх. Саяхан TY удамшлын асуудлаас болж маш хүнд өвдсөн. Би түүний үйлийн үрийг оронд нь өөртөө авахыг зөвшөөрөөч гэж БУРХАНААС гуйхад TY “Үгүй, үгүй, үгүй, тэгж огт болохгүй. Та аль хэдийн дэлхийн асар их үйлийн үрийг үүрч байгаа...” гэсэн. Би та нарт зарим Хаантай ярилцсан олон яриагаа үзүүлэхийг хүссэн ч одоо хүртэл амжсангүй. Өнгөрсөн жилээс хойш, жил гаруй хугацаанд камерт минь хадгалагдаж, анхаарал нэхсэн мянга мянган зургаа би саяхан л дуусгалаа. Бүгдийг нь хийх хангалттай цаг ер гарахгүй байсан юм. Би үе үе бага багаар хийдэг байсан. Харин саяхан л дуусгалаа. Гэхдээ заримыг нь л дээ. Би бүрэн янзлаагүй. Зөвхөн ерөнхийд нь янзалсан болохоос бүрэн гүйцээгүй. Мөн миний камерт зураг гайхалтай тод, үзэсгэлэнтэй харагддаг ч компьютер руугаа шилжүүлж илгээгээд, хүлээж авсан компьютероос эфирт бэлтгэх өөр компьютерт дамжуулдаг тул би тийм ч сэтгэл хангалуун байдаггүй. Зураг огт адилхан харагддаггүй. Өнгө нь ердөө 30 хувьтай, чанар нь 50 хувьтай л харагддаг. Маш олон удаа би зүгээр л болимоор санагддаг. Надад маш гунигтай, урам хугармаар байдаг. Зургууд удаан хугацаанд янзлагдаагүйн нэг шалтгаан энэ. Гэвч саяхан, хэдхэн хоногийн өмнө буюу хоёр хоногийн өмнө би сүүлчийн багцыг дуусгасан. Нийт 1,040 орчим зураг байсан байх. Ямартай ч 1,000-аас олон байсан. Тэр нь сүүлчийн багц байлаа. Үргэлж маш их зураг байдаг. Ихэнхдээ ийм олон зургийг боловсруулахад маш их хугацаа ордог. Би ажиллаа гэж гомдоллоогүй юм шүү. Би өдөржин зураг дарж чадна. Шинэ, үзэсгэлэнтэй зүйл олж нээж байвал хэзээ ч уйдахгүй. Зураг авахаар гарах боломж олдвол олон цагаар явж, хэдэн зуу, бүр хэдэн мянган зурагтай буцаж ирдэг. Гэхдээ үүнийг хийх цаг надад үргэлж байдаггүй. Тиймээс хааяа нэг, хэрэв би боломжтой байгаад гадуур гарч зураг авч чадвал, тэр нь дараагийн багцыг өгөх хүртэл өдөр бүрийнхэд, маш удаан хугацаанд хүрэлцэнэ. Photo Caption: “Зарим нь яаран-сандран илүү их зүйл олж авахыг хичээдэг. Гэвч эцэст нь бүх зүйлээ, тэр дундаа амьдралаа ч алддаг. Зарим нь чимээгүйхэн өсөж хөгжсөөр хэдэн зуун жил, түүнээс ч удаан оршдог.”
