Дэлгэрэнгүй
Татаж авах Docx
Дэлгэрэнгүй уншаарай
Агуу хүн байгаарай. Агуугаас ч агуу ерөнхийлөгч байгтун. Зөвхөн өөрийнхөө ард түмний биш, зөвхөн дэлхийн хүмүүсийн баатар байх биш, харин бусад төрөлтний, амьтан-хүмүүсийн, ой моддын ч гэсэн баатар байгтун. Дэлхийн иргэдийг харж хамгаал, амьтан-иргэдийг хамгаал, зөвхөн сайн сайхныг өгч байдаг ой-иргэдийг хамгаалаарай. Амьтан-хүмүүс байхгүй бол энэ дэлхий ямар байх вэ? Ой мод байхгүй бол, далай тэнгис байхгүй бол энэ дэлхий ямар байх байсан бэ? Гэтэл бид далай тэнгисийнхээ оршин суугчдыг нь, усны хаант улсын оршин суугчдыг алж, далайгаа сүйтгэж байна. Бидэнд амьдрах хүчилтөрөгч өгдөг моддыг алснаараа бид ой модыг сүйтгэдэг. Хүчилтөрөгчгүй бол бид амьдрах боломжгүй. Ой модгүй, мододгүй бол амьсгалах агаар дутагдан, үхэж мэднэ. Дэлхийн хүчилтөрөгчийн 50%-ийг хангадаг далай тэнгис байхгүй болчихвол мөн л агаар дутагдаж, бид бүгд үхэх болно. Тиймээс энхийг тогтоогоорой. Мөн дэлхийн иргэд дагаж мөрдөх веган хууль дүрэм гарган, веган болгоорой. Та нар чадна. Та нар хүчирхэг байр сууринд байгаа. Улс орны удирдагчид шүү дээ. Та бүхэн сэтгэл зүрхнээсээ ярьж, тэдний амь насыг хамгаалах, үр хүүхдүүд, гэр бүлийг нь эх дэлхийгээ үгүй болохоос хамгаалах жинхэнэ хүсэл зорилгоор яривал хүмүүс та бүхний яриаг сонсох болно. Хэрэв хүмүүс амьдралын хэв маягаа өөрчлөхгүй бол та бүхний харснаас ч илүү гамшиг гарах болно, КОВИД-19-ийн уршгаас ч илүү хор хөнөөлтэй цар тахлууд гарах болно. Надад итгээрэй, энэ бүхнийг та бүхэнд хэллээ гээд надад олж авах юм байхгүй, магадгүй илүү аюулд орох байх. Мөн би ярьдаг хийдэг зүйлсээсээ болж, бусад хүмүүст туслахын төлөө, хөөрхий гэмгүй амьтан-хүмүүс, ой модод, далай тэнгист туслахын төлөө ярьж хийдэг зүйлсээсээ болж аюулгүй байдлаа хамгаалахын тулд одоо би аглагт амьдрах ёстой болсон. Энэ ярьж үйлдэж буй зүйлс маань надад ямар ч сайн юм авчирдаггүй. Хэт хэнээтэй хүмүүс, хүчирхэг шашны удирдагчдад болон байгууллагуудад итгэгчид гэгдэх хэнээтнүүд амь насанд минь эрсдэл учруулахаас өөр зүйл авчрахгүй. Тэгэхээр дэлхийн агуу удирдагчид та бүхэнд энэ бүгдийг хэлснээрээ би юу ч олж хүртэхгүй. Энэ гарагийг хамгаалахад тусал. Ард иргэдээ хамгаалахад тусал. Гэмгүй, гэнэн амьтан-хүмүүсийг хамгаалахад туслаарай. Ой моддыг хамгаалахад тусал. Энэ бүхэн гараг дэлхийг, танай гэр бүлийнхний, хүүхдүүдийн тань амьдралыг аварч байдаг. Далай, амьтан-хүмүүс, ой модод, модод зэрэг нь бидэнд ач тус хүргэгчид. Далай, ой мод, амьтан-хүмүүс гээд энэ бүх үзэсгэлэнт аймгууд манай хүний аймагтай зэрэгцэн оршиж, бид бүхэнд ихээхэн тусалж байдаг. Тэдний хайрын энергигүйгээр бид аль эрт үгүй болох байсан байх. Гараг дэлхий магадгүй сүйрэх байсан, эсвэл ядаж л бүх хүн аль эрт үхэх байсан. Далай тэнгис, загас-хүмүүс үгүй бол хүчилтөрөгч үгүй. Бүхий л CO2 болон метан хийг шингээх ямар ч хүчин зүйл үгүй болно. Далайн тэнгисгүйгээр, ой мододгүйгээр бид шууд л үхнэ. Дэлхий дээр олон мянган атомын бөмбөг хаясан мэт шууд л үхнэ. Тиймээс гуйж байна, хувийн бардам зан, нэг улс орны сонирхлыг бодох биш, энэ бүхнийг бодоорой. Дэлхийн төлөө энэ бүхнийг хийгээрэй. Энэ дэлхийд та бүхэн зөвхөн бусад хүмүүсийн төлөө амьдардаггүй. Миний яриаг сонсож байгаа бол маш их баярлалаа. Бурхан та бүхнийг, улс орнуудыг тань, сайн сайхан зүйлсийг тань, хайртай хүмүүс, хүсэл сонирхлыг тань хамгаалах болтугай гэж залбиръя. Бүх дэлхийн удирдагч нарт сайн сайхныг ерөөе, ялангуяа Америкийн Ерөнхийлөгч Трамп, Урейн (Украйн)-ы ерөнхийлөгч Зеленський хоёрт. Одоо харин ерөнхийлөгч Путинд хандаж хэлье: Гуйж байна, ЭНХИЙГ ТОГТОО, үгүй бол та ТАМД УНАЖ, тэгээд хэзээ ч гарах боломжгүй. Үнэнээсээ хэлж байна! (Намайг худал хэлдэггүйг та мэднэ!) Хэд хэдэн тамд та аймшигтай зовлонг туулж, үхэх ч хэзээ ч үхэхгүй, тасралтай амьдаараа шатаж, бас дайны тамд, жишээ нь тасралтгүй араасаа хөөгдөж, хутгалуулж, буудуулж, ганц хором ч үүнээс зугтах ямар ч боломжгүй болно!!! Путинд өөрчлөгдөж, эрс нааштай эргэж, энх тайвны удирдагч байхыг ерөөе. Та нар бүгд, дэлхийн бүх удирдагч аль чадлаараа энх тайвныг дэмжиж байх болтугай. Амен. Ярьж дурдах зүйл дэндүү их байгаа болохоор яриандаа би зарим зүйлийг орхигдуулсан байж мэднэ. Та нарыг бас уйдаамааргүй байна. Гэхдээ энэ чухал, би ахиад санаж байвал, та бүхэнд дараа хэлнэ ээ. Эрхэмсэг ноён ерөнхийлөгч Зеленський, Европын удирдагч нар болон таныг, танай улсыг хүндэтгэн, би дахин хэлэхэд та болон танай улс зөвхөн Европын холбоотнуудынхаа дэмжлэгт найдах хэрэггүй. Яагаад гэвэл тэд бас нэг өдөр ядрах болно. Тэдэнд бас... байхгүй. Би хэлсэн шүү дээ, тэдэнд дайтах хүсэл зориг байхгүй. Яагаад гэвэл тэд энх тайван байдалд дэндүү удаан дасчихсан. Тэдний улс орон сайхан. Тэдэнд хангалттай санхүүгийн дэмжлэг, хоол хүнс гээд бүх зүйл бий. Гэвч дайнд оролцох болбол тэр бүхэн нь аажмаар, эсвэл огцом байхгүй болно. Зэр зэвсгийг үүрд үйлдвэрлэх боломжгүй. Материалын хомсдол үүсэхээс гадна хүн хүч ч дутна! Тэд зүрхэлж өөрсдийгөө дайнд оруулахгүй. Эхнээсээ л ийм байсныг та харсан. Орос улс танай хил дээр хэдийнээ 200,000 цэргээ байршуулчихсан байхад, энэ инээдтэй биш гэж үү? Америк хүртэл эцсийн мөчид та нарт анхааруулж, Путин танайх руу 24 цагийн дотор довтолно гэж хэлсэн. Гэтэл хэн ч юу ч хийгээгүй, та ч мөн адил. Тэднийг оруулахаас сэргийлж, та нар цэргүүдээ хил дээр аваачаагүй. Хүн бүрийн хувьд гэнэтийн мэт байсан. Гэтэл гэнэтийн зүйл хоёр сар үргэлжилсэн гэж үү? Арай л урт хугацаа. Таныг хаана байсныг би мэдэхгүй. Хүмүүс тань хаана байсан юм бэ? Цэргүүд тань хаана байсан бэ? Тэд хэдийнээ Крымыг залгичихсан, яагаа ч үгүй байсан юм биш. Донецк мужаас хэдийн хумсалсан байсан. Тэгээд хил дээр тань 200,000 цэрэг зэр зэвсэгтэйгээ зогсож байсан. Гэтэл танай улс, танай удирдагч, цэрэг арми тань үүнийг зогсоох юу ч хийгээгүй. Ядаж л харуулах учиртай. Магадгүй та нар сул дорой болохоор ч юм уу ялж чадахгүй. Гэвч ядаж л ийм зүйл хүсэхгүй байгаагаа, тулалдахад бэлэн гэдгээ харуулах учиртай. Гэтэл хэн ч хил дээр байгаагүй! Могой Арал дээр хүртэл хэдхэн цэргүүдийг үлдээж орхисон байсан. Энэ бас хилийн цэг, стратегийн цэг. Та юу ч хийгээгүй. Тэднийг тэнд нь үлдээж орхисон. Хэдийгээр тэд гайхалтай бишрэм эр зоригтой байсан ч оросууд очоод олзолж авсан. Тэд оросуудаас гуйж гувшаагүй. Бууж өгөхийг шаардсан оросуудад хариу үзүүлнэ гэж хүртэл анхааруулж байсан. Тэд бууж өгөөгүй. Хамаг л эр зориг, нэр төрөөрөө тэд хариу барьсан.
Могой арлынхан, Оросын байлдааны хөлөг онгоц байна. Зэвсгээ хаяж бууж өгөхийг зөвлөж байна. Эс бөгөөс бид дайралт хийнэ. Ойлгов уу? За, эхэллээ дээ. Би түүнд “Чөтгөр рүүгээ тонил.” гэж хэлэх үү? Хэлээд үз. Оросын байлдааны хөлөг чөтгөр рүүгээ тонил.
Тэдэнд туслах хэн ч тэнд байгаагүй. Хэдхэн цэрэг л алслагдмал жижиг арал дээр үлдсэн байсан. Украин (Урейн) улсын аюулгүй байдалд нэн чухал арал дээр шүү дээ. Эсвэл би их зүйл мэдэхгүй байх. Надад хэлээрэй. Миний буруу бол захидлаар хэлээрэй. Би танай орны талаар сайн мэддэг байгаагүй. Газрын зурган дээрээс л харж, бүхнийг стратегийн өнцгөөс нь хэлсэн юм. Энэ бол нэг зүйл, нэгдүгээрт хэлэх гэсэн зүйл. Хоёрдугаарт гэвэл Оросын танкнууд танай газар нутаг руу довтолж, хурдны зам дээр тань гарч, олон км урт дараалал үүсгэн, гацсан байхад та юу хийсэн юм бэ? Урд нь байсан нэг танканд асуудал гарч эвдрээд үргэлжлүүлэх боломжгүй болсноос болж танкнууд зам дээр гацсан байсныг бүх хүн ил тод харсан. Аль нэг газрын сэтгүүлч зураг авч, бичлэг хийсэн байсан. Гэтэл та юу хийсэн билээ? Юу ч хийгээгүй. Тэднийг тийм зогсонги байхад та ямар нэг зүйл хийж болох байсан. Тэднийг үгүй хийх ч юм уу ядаж л тулалдаж, ямар нэг зүйл хийхэд илүү хялбар байгаагүй гэж үү? Гэтэл та яагаа ч үгүй! Тэд зүгээр л зогсож байсан. Дараа нь хэн нэгэн магадгүй Оросын талын урд явсан танкны жолооч дайн хийхийг хүсээгүй болохоор, цааш явахыг хүсээгүй болохоор танкаа эвдлээд, явах аргагүй болгосон гэж мэдээлсэн. Энэ үнэн гэж бодож байна. Учир нь яг ч бүх оросууд алж хөнөөх сэтгэлгээтэй биш л дээ. Оросууд бас яг л тантай адилхан, танай улсын иргэдтэй адилхан хүмүүс. Тэднийг зүгээр л хүчээр тулалдуулдаг. Үгүй бол үхэх ялтай. Бас гэр бүл нь давхар шийтгүүлнэ. Тийм учраас тэд дайныг хэрхэн зогсоох тухай бодсон байх. Photo Caption: Энэ хатуу дэлхийд яаж ийм эмзэг нэгэн амьдарна вэ!
