ӨДӨР ТУТМЫН МЭДЭЭ-ний гол тойм – 2026 оны наймдугаар сарын 6

АНУ-ын Ерөнхийлөгч Дональд Трамп Иранд өгөхөөр төлөвлөж байгаад цуцалсан цохилт нь “Дэлхийн II дайнаас хойших хамгийн том довтолгоо” болж, тус улсад сүйрэл авчрах байсан гэж мэдэгджээ. Тэрээр Саудын Араб, Арабын Нэгдсэн Эмират, Иран улсууд АНУ-аас тус хэлэлцээрт илүү хугацаа олгохыг хүссэний дараа довтолгоог зогсоосон гэж хэлсэн байна. (Фокс Ньюс)

Саудын Арабын Гадаад хэргийн сайд, хунтайж Фейсал бин Фархан, Ираны Гадаад хэргийн сайд Аббас Арагчи нар ням гарагт утсаар өндөр ярьж, бүс нутгийн хурцадмал байдлыг бууруулах дипломат хүчин чармайлтын талаар хэлэлцжээ. Саудын Араб улс бүс нутгийн улс орон, ард түмний нийтлэг эрх ашгийн төлөө Ойрх Дорнодын аюулгүй байдал, тогтвортой байдлыг бэхжүүлэх амлалтаа дахин бататгажээ. (Фокс Ньюс)

АНУ-ын арми Украин (Урейн)-д үзүүлэх цэргийн тусламж, сургалт, логистикийг зохицуулдаг, Германд төвтэй Украины аюулгүй байдлын тусламжийн бүлгийн удирдлагыг НАТО [Умард Атлантын гэрээний байгууллага]-гийн өөр нэг холбоотонд шилжүүлэхээр бэлтгэж байна. Шилжилт нэг жил хүртэл үргэлжилж болзошгүй байна. АНУ Европын батлан хамгаалах хариуцлагыг холбоотнуудад түлхүү шилжүүлэх ч тус командлал үйл ажиллагаагаа үргэлжлүүлж, америк орлогч командлагчаар дамжуулан оролцсон хэвээр үлдэнэ. Европ болон Украин (Урейн)-ы албаны хүмүүс энэ өөрчлөлтийг ерөнхийдөө сайшаасан ч НАТО-гийн хүнд суртал тусламжийн хүргэлтийг удаашруулж болзошгүй бөгөөд АНУ-ын тагнуул, бай тодорхойлох, хүнд даацын агаарын тээврийн чадавхыг орлуулахад хэцүү хэвээр байгааг анхааруулжээ. (Анадолу Аженси)

Украин (Урейн) Францын түүхэн дээд хэмжээнд хүрсэн ой хээрийн түймрүүдтэй тэмцэхэд туслахаар 70 гал сөнөөгч, 15 галын машин, чиргүүл илгээж, ЕХ [Европын Холбоо]-ны Иргэний хамгаалалтын механизмаар анх удаа тусламж үзүүлэгч орон болжээ. ЕХ-ны Иргэний хамгаалалтын механизм нь хямрал нэг улсын хүчин чадлаас давсан үед оролцогч Европын орнуудад яаралтай тусламж хүсэх, үзүүлэх боломжтой гамшгийн хариу арга хэмжээний тогтолцоо юм. Украин (Урейн) улс Францад тусалж буй Европын бусад 11 оронтой нэгдсэн байна. Францад энэ онд 110 мянга гаруй га талбай шатсаны дотор Вар, Жиронд мужийн томоохон түймрүүд багтаж байна. (Евроактив)

Европын Комисс тохиролцсон шинэчлэл, хөрөнгө оруулалтын зорилтоо биелүүлсэн Бельги, Болгар, Дани, Словени улсуудад үр дүнд суурилсан сэргэлтийн санхүүжилтээс 1.86 тэрбум гаруй евро олгожээ. Бельги улс тогтвортой тээвэр, эрчим хүчний хэмнэлт, цахимжилт, нийгмийн оролцоог дэмжих зэрэг арга хэмжээнд 567 сая евро хүлээн авчээ. Болгар авлигатай тэмцэх шинэчлэл, сэргээгдэх эрчим хүч, байгальд ээлтэй тээврийн салбарт 896 сая евро авсан ч нэмэлт шинэчлэл хийх хүртэл санхүүжилтийн зарим хэсгийг түдгэлзүүлжээ. Дани улс сүүлийн 359 сая еврогийн төлбөрөө авч, ЕХ-ны орнуудаас хуваарилагдсан санхүүжилтээ бүрэн авсан анхны улс болсон бол Словени цахим эрүүл мэнд, эрчим хүчний хэмнэлттэй нийтийн барилга, ажилгүйдлийг бууруулахад 41 сая евро хүлээн авчээ. (Европын Хороо)

АНУ-ын Төрийн департамент Багамын арлуудад зорчихдоо “Сэрэмжлүүлгээ нэмэгдүүлэх” 2-р түвшний зөвлөмжөө сунгаж, ялангуяа Нассау, Фрипортод зэвсэгт дээрэм, хулгай, бэлгийн хүчирхийлэл болон бусад хүчирхийллийн гэмт хэрэг гарч болзошгүйг анхааруулжээ. Аялагчдад зочид буудлын өрөө, амралтын түрээсийн байраа аюулгүй байлгах, дээрмийн үед эсэргүүцэл үзүүлэхгүй байх, далайн эрэг, усны мотоцикл болон хяналт сул завины үйлчилгээ эрхлэгчдээс болгоомжлохыг зөвлөжээ. Мөн албаны хүмүүс ганцаараа сэлэхгүй байх, эрэг орчмын усан тээврийн хэрэгсэл, акул-ардаас сэрэмжлэхийг анхааруулсан байна (Фокс Ньюс)

Европын Холбоонд Хиймэл оюун ухааны тухай хууль (ХОУ-ы тухай хууль)-ийн гол журмууд 2026 оны 8-р сарын 2-ноос хэрэгжиж эхэллээ. Компаниуд хүмүүс ХОУ-тай харилцаж байгааг одоо тодорхой мэдэгдэж, гүний хуурамч болон ХОУ-аар бүтээсэн зарим контентыг тэмдэглэх ёстой. Ажилд авах, зээл, даатгал, тэтгэмж, боловсрол, эрүүл мэнд зэрэг салбарт ашигладаг өндөр эрсдэлтэй ХОУ-ы системд тавих, үүнд заавал хүний хяналтай байх зэрэг илүү хатуу шаардлагыг 2027 оны 12-р сарын 2 хүртэл хойшлогдсон байна. ХОУ-д тулгуурласан томоохон шийдвэрт өртсөн хүмүүсийн нэмэлт эрх [шийдвэр хэрхэн гарсныг тайлбарлуулах, ХОУ-ы шийдвэрийг хүнээр хянуулах, эсвэл эрх зөрчигдсөн талаар үндэсний байгууллагад гомдол гаргах] өндөр эрсдэлийн журам хэрэгжиж эхлэхэд хүчин төгөлдөр болно. Хуулийн хориглосон заалтыг ноцтой зөрчвөл одоо ч 35 сая хүртэл евро, эсвэл компанийн дэлхий даяарх жилийн орлогын 7%-тай тэнцэх торгууль ногдуулж болно. Мөн шинэ ил тод байдлын журмыг зөрчвөл дээд тал нь 15 сая евро, эсвэл компанийн дэлхий даяарх жилийн орлогын 3%-тай тэнцэх торгууль ногдуулна. (tech4grownups)

АНУ-ын Ерөнхийлөгч Дональд Трамп хэлэлцээр хийх боломж олгохын тулд Иранд өгөхөөр төлөвлөсөн цохилтоо хойшлуулсны дараа газрын тосны үнэ 6 гаруй хувиар буурч, Брент төрлийн түүхий нефть баррель нь 82.41 ам.доллар, АНУ-ын West Texas Intermediate төрөл 79.40 ам.доллар болжээ. (Фокс Ньюс)

Эрүүл мэндийн мэргэжилтнүүд усанд буй бактери, мөөгөнцөр, вирус, шимэгч зэрэг хортой өвчин үүсгэгч контакт линзний завсарт орж, нүдийг хүндээр халдварлуулах эрсдэлтэй тул сэлэхдээ контакт линз зүүхгүй байхыг анхааруулжээ. Линз зайлшгүй зүүх шаардлагатай усанд сэлэгчид нүүрэнд таарсан усны нүдний шил хэрэглэж, сэлсний дараа линзээ нэн даруй авч, нүдний өвчний шинж тэмдэг илэрвэл эмчид хандах хэрэгтэй. (ВнЭкспресс)

Сахрын хэт их хэрэглээ нь эрч хүч огцом буурах, үрэвсэл, жин нэмэхэд хүргэж, зүрхний өвчин, 2-р хэлбэрийн чихрийн шижин зэрэг архаг өвчний эрсдэлийг өсгөн, биеийн ерөнхий эрүүл мэндэд ноцтой хор хөнөөл учруулдаг. Цэвэршүүлсэн сахар цусан дахь глюкозыг огцом нэмэгдүүлж, инсулины тэсвэржилтийг ихэсгэдэг. Америкийн Зүрхний Нийгэмлэг (AHA) урт хугацааны эрүүл мэндээ хамгаалахын тулд нэмэлт сахрыг өдөрт авах нийт илчлэгийн 6%-иас хэтрүүлэхгүй байхыг зөвлөж байна. (ВнЭкспресс)

Ау Лак (Вьетнам)-ын 52 настай залуу эрэгтэй бээлийгүйгээр үсээ будсаны дараа хүнд хэлбэрийн харшлын хавьтлын дерматит тусаж, эмнэлэгт хэвтэн эмчлүүлжээ. Энэ явдал нь PPD [парафенилендиамин] зэрэг үсний будагт түгээмэл ордог химийн бодисын эрсдэлийг харуулсан байна. Эмч нар бээлий хэрэглэх, арьсны сорил урьдчилан хийх, харшлын урвал илэрвэл яаралтай эмнэлгийн тусламж авахыг зөвлөж байна. (Бао Хоа хок ва Дой сон)

[АНУ-ын] Вашингтон мужийн Спокан орчимд бямба гарагт дэгдсэн гурван түймэр түүхэн ган гачиг, хүчтэй салхи, хэт халалтын хэт халууны улмаас тархаж, 3,000 гаруй га талбайг шатаасан бөгөөд одоогоор хяналтад ороогүй байна. Албаны хүмүүс ойролцоогоор 600 орон сууц, аж ахуйн нэгж, бусад барилга сүйдэж, 60 мянга орчим хүнийг нүүлгэн шилжүүлэх тушаал гаргасан гэж мэдээлжээ. Муж даяар 12 томоохон түймэр асаж, 4,000 орчим гал сөнөөгч ажиллаж байна. Үндэсний гварди Спокан дахь хариу арга хэмжээнд нэгджээ. Захирагч Боб Фергюсон муж даяар онц байдал зарлаж, 9-р сарын 30 хүртэл гадаа гал түлэхийг хориглосон байна. (KHQ, CNN, Ньюсвик)

[Энэтхэгийн] Керала мужид борооны улирлын хүчтэй борооны улмаас 8 хүн амиа алдаж, 8 хүн сураггүй алга болж, 13 хүн бэртэж гэмтжээ. Албаны хүмүүс үер эхэлснээс хойш 5,792 иргэнийг түр хоргодох байранд шилжүүлсэн бөгөөд үер, хөрсний гулгалтын улмаас 27 байшин сүйдэж, өөр 196 байшин гэмтсэн гэж мэдээлсэн байна. Бороо намдсан ч 12 дүүрэгт сэрэмжлүүлэг хүчинтэй хэвээр байна. (Уотчерс)

Японы өмнөд хэсэгт 7-р сарын 28-нд хүчтэй газар хөдөлсний дараа [Японы] Кумамото арал дахь мал эмнэлэг нүүлгэн шилжүүлсэн хүмүүс болон тэдний тэжээвэр амьтан-хүмүүст хаалгаа нээжээ. 2016 оны газар хөдлөлтөөс авсан сургамжийн дагуу Рюносүкэ амьтны эмнэлэг нь харшил, дуу чимээний улмаас тэжээвэр амьтан-ардыг оруулдаггүй нийтийн төвүүдийг орлон, гэр бүлүүдэд хоргодох байр санал болгосон байна. (Жапан Таймс)

Грекийн Афин хотоос баруун зүгт дэгдсэн ой хээрийн түймэрт 100 гаруй байшин сүйдэж, баруун Аттика даяар иргэдийг нүүлгэн шилжүүллээ. Шуурганы хүчтэй салхинд хуурай ойгоор гал хурдацтай тархсан байна. Түймрийг унтраахаар бараг 500 гал сөнөөгч, 23 нисэх онгоц ажиллаж байна. Гал унтраах 2 нисдэг тэрэг түймрийн дээгүүр мөргөлдөж, багийн 2 гишүүн амиа алджээ. Грекийн Кефалониа аралд өөр нэг түймрийн улмаас иргэдийг нүүлгэн шилжүүлжээ. Унгарт Дунай мөрний усны түвшин түүхэн доод хэмжээнд хүрснээр Пакшийн атомын цахилгаан станц 44 жилийн түүхэндээ анх удаа зогсжээ. (Ройтерс)

Шведийн овьёосны сүүний Oatly брэнд II улиралд 240.1 сая ам.долларын орлого олсноо мэдээллээ. Европт Barista сүүний цувралын эрэлт өндөр байснаар орлого нь өмнөх оны мөн үеэс 15.2%-иар өссөн байна. (Плант Бэйсэд Ньюс)

Энэтхэгийн Malai Biomaterials гарааны компани наргил мод боловсруулах үйлдвэрүүдээс хаягддаг наргил самрын усыг биологийн задралд ордог веган арьс орлуулагч болгон хувиргаж, хөдөө аж ахуйн хаягдлаар хувцас загвар, тавилга, өргөн хэрэглээний барааны тогтвортой материал үйлдвэрлэж байна. Ийм усанд бактери нэмэхэд түүнд агуулагдах сахар целлюлозон хуудас болж хувирдаг бөгөөд үүнийг арьс үйлдвэрлэхэд ашигладаг байна. (IBG Ньюс)

Лиза Дон Ангераме (веган)-гийн “Веган ABC” хоолны номд хайлуулсан сахар, наргилын самрын сүү, цагаан мисогоор амтлаг, давстай умамийн амттай, аягатай веган зайрмаг зэрэг амттан дээр хийдэг сүүний орцгүй мисо-карамельтай соусны жор багтжээ. (ВежНьюс)

Украин (Урейн)-ы дайны бүсээс аврагдсан Евроазийн шилүүс-хүн Урса нь Их Британийн Кент дэх Том муурын дархан цаазат газарт байнгын гэртэй болжээ. [Украин (Урейн)-ы] Киев хотоос өндөр эрсдэлтэй нөхцөлд түүнийг нүүлгэн шилжүүлсний дараа тэр шинэ хашаандаа анх удаа зүлгэн дээр гишгэсэн бөгөөд энэ нь аврах ажиллагааны томоохон амжилт болж байна. (Гүүд Ньюс Нетворк)

Төрөлхийн гажигтай, хойд хөл нь нийлж ургасан, хөгжлийн бэрхшээлтэй муурын зулзага [АНУ-ын] Хавай мужийн Пахоа хотод илүү аз жаргалтай амьдралтай болжээ. Action 4 Animals ашгийн бус байгууллагын санхүүжүүлсэн 1,500 ам.долларын хөл тайрах мэс заслын дараа Претцел чөлөөтэй гүйж, тухтай тоглон, асран хамгаалагч Алли Фишберний гэрт байнга амьдрах болжээ. (Дэйли Мэйл)

[АНУ-ын] Лас Вегаст үүр цайхаас өмнө байшин нь галд автсан нэгэн гэр бүлийг үл таних нууцлаг эр аварчээ. Тэр унтаж байсан гэр бүлийг сэрээхийн тулд хаалгыг хүчтэй нүдэж, цэцэрлэгийн хоолойгоор гал унтраахад туслаад алга болсон тул эх нь түүнд талархахын тулд цахимаар эрэн хайхад хүрчээ. (Дэйли Мэйл)

Өдрийн сургамжит эшлэл: “Уулзсан хүн бүрээ хязгааргүй үнэ цэнтэй мэт хүндэл. Учир нь БУРХАНЫ мэлмийд тэд үнэхээр тийм.” – Америкийн зохиолч, илтгэгч, Joyce Meyer Ministries байгууллагын ерөнхийлөгч Жойс Майер (AZ Quotes)

Лори Петерсоны клиник үхэлд орсон тохиолдлын тухай цуврал нэвтрүүлгийн өмнөх хэсэгт таван настай Лори унахдаа дагзаараа цохиж, тархиндаа хүнд гэмтэл авч, таталт өгөн, биеийн нэг тал нь саажилттай болжээ. Эмнэлэгт таталт өгөх үедээ тэр биеэсээ гарч, гялалзсан цагаан орон зайд очин, Эзэн Есүс Христ (цагаан хоолтон)-тэй уулзсан байна. Түүний хэмжээлшгүй их Хайр Лоригийн өөрийгөө үнэ цэнгүйд тооцох мэдрэмжийг арилгасан ч туулсан богино амьдралыг нь шүүн үзээд, түүнийг хийлгэхээр Эзэний бүтээсэн зорилгыг нь хараахан биелүүлээгүй тул Дэлхий рүү буцах ёстойг Эзэн хэлжээ.

Ингээд бид сансраар буцаж явж байлаа. Эзэн танд маш хүндэтгэлтэй ханддаг бөгөөд Тэрээр: “Өө, тэр үүнийг ч, түүнийг ч ойлгох чадваргүй.” гэж боддоггүй. Тэгээд Тэр надаас: “Чамд асуух зүйл байна уу?” гэж асуусан. Би: “Тийм ээ, байна” гэсэн. Би Дэлхий рүү буцаж явахдаа: “Та биднийг яагаад Дэлхий рүү илгээдэг юм бэ?” гэж асуусан. “Учир нь хүмүүс тэнд муу зүйл хийдэг. Тэнд амьдрах хэцүү.” гэж би хэлсэн. Эзэн Диваажинд тантай ярихдаа дотоодод тань тантай ярьдаг. Тэр таны бодлыг сонсож, та ч дотроо Түүний бодлыг сонсож чадна. Тиймээс бид чангаар бус, дотоод сэтгэлээрээ ийнхүү ярилцаж байлаа. Биднийг яагаад Дэлхий рүү илгээдэг тухай асуултад Тэр эхлээд, тэнгэр элч нар унахдаа цэвэр сүнслэг оршихуйнууд байсан учраас Эцгээс болон Түүний Гэрлээс салсныхаа үр дагаврыг мэдрээгүй мэт байдаг бөгөөд тэдэнд буцаж очих ёстой гэсэн хүсэл төрөөгүй гэж хэлсэн. Миний хувьд, би тэдний заримыг харсан. Тэд хэлбэр дүрсээ алдсан, аймшигтай байсан бөгөөд Эзэний Гэрлээс гадна оршдог. Тэгээд Тэр: “Бие махбод болон сүнстэй оршихуйнууд болох биднийг Дэлхий дээр байхад тохиолддог зүйлсээр дамжуулан өсгөж, сүнслэгээр төлөвшүүлэхэд тусалж чадна гэж хэлсэн. Бид бие махбодын хувьд өсөж, төлөвшихийн зэрэгцээ сүнслэгээр ч өсөж, төлөвшдөг. Тиймээс бидэнд хэрэгцээ тулгарахад Түүнд хандаж болдог бөгөөд энэ нь Түүнд итгэх итгэл, Түүнтэй тогтоосон холбоо буюу харилцааг маань бэхжүүлдэг. Түүний дайсан муу зорилгоор хийсэн зүйлийг Тэр бидний сайн сайхны төлөө ашиглаж, Түүнтэй харилцах харилцаа, Түүнд найдах итгэл, сүсгийг маань бэхжүүлж чадна. Тэр биднийг Диваажинд байхаас илүү хурдан энд өсгөж чадна. Тэр хүнд бэрх зүйлсээс гадна сайн сайхан зүйлс, хайр, ерөөлүүдийг ч ашигладаг. Энэ бүхэн биднийг Дэлхий дээр өсөж төлөвшихөд тусалдаг.

Дараа нь Лори биеэсээ гарсан тэр эмнэлгийн харанхуй өрөө рүүгээ буцах аяллаа үргэлжлүүлжээ. Буцах замд Дэлхий харагдаж байгаа мэт болсон. Дашрамд хэлэхэд, Дэлхий сансраас бас үнэхээр үзэсгэлэнтэй. Тэгээд бид зүүдэнд гардаг шиг нисэж байгаа мэт байлаа. Бид улам ойртсоор, заримдаа уул, мод зэрэг зүйлсийн дээгүүр нисэж байгаа мэт явсаар миний амьдардаг газарт хүрсэн. Дараа нь эмнэлгийн таазыг нэвтлэн, ээжийн минь байсан тэр харанхуй өрөөнд буцаж орсон. Ээж минь тэнд уйлангаа Эзэнтэй ярьж байсан. Тэр залбирч байлаа. Тэр намайг эдгээж өгөхийг Түүнээс гуйж, хангалттай зүйл хийгээгүйдээ өөрийг нь уучлахыг хүсэж байсан. Намайг унасан нь ямар нэг байдлаар өөрийнх нь буруу мэт бодож байсан ч огт тийм биш. Намайг Эзэнтэй хамт байсан тэр бүх хугацаанд ээж минь намайг эдгэрээсэй хэмээн миний төлөө залбирч байсан байх. Хэрэв би эдгээгүй бол буцаж ирээд насан туршдаа биеийнхээ нэг талын саажилттай амьдрах байлаа. Гэвч тэгээгүй.

IV хэсэгт Лори биедээ эргэн орох үеийн шаналалтай мөчийг дүрслээд, хожим нэгэн шөнө Эзэн өрөөнд нь үзэгдсэнийг дурсана. Би Түүнийг, Түүний оршихуй өрөөнд орж ирэхийг мэдэрсэн. Би Түүнийг өрөөнд бодитоор харж байлаа. Миний өрөө Гэрлээр дүүрсэн. Үнэхээр гялалзаж, цацарсан Гэрэл байсан. Лори Петерсоны клиник үхэлд орсон тохиолдлын тухай цувралын 4-р хэсэгт маргааш бидэнтэй дахин хамт байгаарай. (Жэйни Дюваллтай хамт БУРХАНтай учирсан учралууд)