ӨДӨР ТУТМЫН МЭДЭЭ-ний гол тойм – 2026 оны 6-р сарын 18

Шинээр зарласан АНУ-Ираны энхийн суурь хэлэлцээрийн дараа АНУ-ын Ерөнхийлөгч Трамп уг хэлэлцээрийг Ойрх Дорнодод “энх тайван, аюулгүй байдал” авчрах нээлт хэмээн сайшаажээ. Европын удирдагчид уг хэлэлцээрийг талархан хүлээн авч, шуурхай хэрэгжүүлэхийг уриалан, Иран цөмийн хөтөлбөртөө баталгаажуулж болохуйц алхам хийвэл тус улсын хоригийг сулруулах боломжтой гэж мэдэгдсэн бол газрын тосны үнэ 3-р сараас хойших хамгийн доод түвшинд хүрчээ. (Фокс Ньюс)

Их Британи улс Орос улсын сүүдрийн флоттой холбоотой, 100,000 гаруй тонн түүхий нефть ачсан харьяалалгүй нефть тээвэрлэгчийг Английн сувагт Хааны тэнгисийн явган цэрэг, Үндэсний гэмт хэрэгтэй тэмцэх агентлаг болон олон цэргийн нэгж оролцсон зургаан цагийн ажиллагаагаар саатуулсан бөгөөд албаны хүмүүс үүнийг Оросын хориг арга хэмжээг тойрон гардаг нефтийн сүлжээнд өгсөн цохилт гэж нэрлэжээ. Бусад сүүдрийн хөлөг онгоцнууд маршрутаа өөрчилж, Украин (Урейн) хэрэгжилтийг чангатгахыг уриалжээ. (Гардиан)

Сири улс НҮБ-ын дэмжлэгтэй Хүний наймаатай технологийн тусламжтайгаар тэмцэх нөхдийн бүлэгт нэгдсэнээ зарлалаа. Тус улсын НҮБ дахь төлөөлөгчийн мэдэгдсэнээр, тус улс хил дамнасан аюул заналтай холбоотой туршлагадаа тулгуурлан хүний наймаа болон үндэстэн дамнасан бусад гэмт хэрэгтэй тэмцэхэд гишүүн орнуудтай хамтран ажиллахыг зорьж байна гэжээ. (SANA)

Словени улс Хорват, Унгар улсуудтай залгаа дотоод хилийн түр хяналтаа цуцалж, аюулгүй байдал суурин шалган нэвтрүүлэх цэг шаардлагагүй болсон гэж мэдэгдэн, цагдаагийн зорилтот эргүүл болон хил дамнасан хамтын ажиллагаанд шилжиж байна. Европын Комисс Шенгений орнуудад ЕХ [Европын Холбоо]-ны Цагаачлалын гэрээний хүрээнд ийм арга хэмжээ үе шаттайгаар зогсоохыг уриалжээ. (Унгар Түдэй)

Их Британийн засгийн газар 2027 оны 1-р сарын 1 гэхэд Оросын түүхий нефтиэр үйлдвэрлэсэн дизель, нисэх онгоцны түлш, түүний дотор бусад улсад боловсруулсны дараа Их Британид борлуулдаг түлшний импортыг оруулан хориглохоо амлалаа. (BBC)

Нохой сургагчид асран хамгаалагчдад нохой-бодгалиудаа зугаалгын үеэр, ялангуяа ногоон орон зайд үнэрлэх боломж олгохыг уриалж байна. Үнэрлэх нь оюуны хүчтэй өдөөлт өгч, түгшүүрийг бууруулан, нохой нөхдийг урт хугацааны алхалттай дүйцэхүйц ядаргаа төрүүлдэг. Мэргэжилтнүүд алхалтын чанар нь хугацаанаас илүү чухал гэж хэлж байгаа ч аюулгүй байдал, тэнцвэрийг хамгаалахын тул асран хамгаалагчид “хажууд” зэрэг тушаал заах хэрэгтэй гэж зөвлөжээ. (Экспресс)

Эрдэмтэд кофейн нь нийт унтах хугацаа хэвийн мэт харагдсан ч тархины гүн, сэргээн засах удаан долгионт нойрыг бууруулдгийг тогтоожээ. Электроэнцефалограммын [EEG] судалгаануудаар кофейн нь тархины идэвхжилийг илүү сэргэг төлөвт шилжүүлж, шөнийн нөхөн сэргээлтийг сулруулж болзошгүйг харуулжээ. Уг нөлөө нь удамшил болон хэрэглэх цаг хугацаанаас хамааран ихээхэн ялгаатай байжээ. (СкайТех Дэйли)

Бохир хийжүүлсэн ундаа буюу сироп, сүүний нэмэлт бодис, элдэв хачраар дүүргэсэн чихэрлэг ундаа АНУ-д эрчимтэй тархаж байгаа ч эмч нар эдгээр нь цусан дахь сахрыг огцом нэмэгдүүлж, таргалалт, чихрийн шижин, зүрхний өвчний ноцтой эрсдэл үүсгэдгийг анхааруулжээ. Ийм төрлийн ганцхан ундаанд 250-400 калори, 55-70 грамм сахар агуулагдах боломжтой юм. (Фокс Ньюс)

Ау Лак (Вьетнам)-т элэгний хорт хавдрын түвшин огцом өсөж, өвчтөнүүд илүү залуу насандаа үүнд өртөж буйг мэргэжилтнүүд анхааруулж байна. Үүний тэргүүлэх шалтгаануудад архаг В, С вирусийн гепатитын халдвар, элэгний хатуурал, таргалалт, чихрийн шижинтэй холбоотой бодисын солилцооны шалтгаант элэгний өөхлөлт өвчнүүд багтаж байна. Шарсан, ил гал дээр болгосон, боловсруулсан хүнс ихтэй эрүүл бус хооллолт нь энэ хандлагыг улам түргэсгэж, урьдчилан сэргийлэх болон эрт илрүүлгийн яаралтай уриалга гаргахад хүргэж байна. (Vietnam.vn)

[АНУ-ын] Баруун дундад бүсэд 6-р сарын 11-нд болсон хар салхины улмаас хаяж нэг хүн амиа алдаж, сая сая хүн цаг агаарын ноцтой сэрэмжлүүлэг бүхий нөхцөлд үлджээ. Цагт 265 километрт хүрсэн салхины улмаас орон сууцууд эвдэрч сүйдэж, Иллинойс мужийн Чикаго орчим, Индиана мужийн баруун хойд хэсэгт 80,000 хэрэглэгчийн цахилгаан тасалдаж, нислэгүүдийг саатуулсан байна. (Дэйли Мэйл)

Хятад улс энэ зун Шинжаан зэрэг цөлийн бүсүүдэд үерийн онц ноцтой эрсдэл үүсэж болзошгүйг анхааруулжээ. Ер бусын өндөр температур, хүчтэй хур тунадас, Тэнгэр, Куньлунь уулсын мөсөн гол хурдтай хайлж буйгаас үүдэн Тарим голын усны түвшин нэмэгдэж байна. Үүний улмаас Такламаканы цөлд үер эрт эхэлж, нэмэгдсэн урсац нь тээврийн сүлжээ, эрчим хүчний дэд бүтэц, чухал байгууламжуудад аюул учруулж байна. (Чаннель Ньюс Азия)

[Швейцарын] Берний Их Сургуулийн судалгаагаар [АНУ-ын] Өмнөд Калифорнийн Сан-Андреас, Сан-Хасинто хагарлуудын дагуух тектоникийн даралт дор хаяж 1,000 жилийн дээд түвшинд хүрснийг тогтоожээ. Судлаачид энэ нь ойрын үед болох томоохон газар хөдлөлтийн таамаг биш гэдгийг онцлоод, уг хагарлын систем нь маш өндөр даралтад байна гэж мэдэгджээ. (Уотчерс)

Словени улс айл өрх, жижиг дунд бизнес, эрчим хүчний хамтын нийгэмлэгүүдэд нарны эрчим хүчний илүүдэл цахилгаанаа улс даяарх дурын тоолууртай бодит цагт виртуалаар хуваалцах боломж олгох үндэсний журам нэвтрүүллээ. (Балкан Грийн Энержи Ньюс)

[Шведийн] Худиксвалл хотын жижиг сууринд хэрэгжиж буй туршилтын төсөл нь хоёр чиглэлт цэнэглэлтийг ашиглан оршин суугчдад зогсоолд буй цахилгаан тээврийн хэрэгслээс авсан цахилгаанаар гэрээ тэжээх боломж олгож, эрчим хүчний зардлыг бууруулж, орон нутгийн өөрийгөө хангах чадварыг нэмэгдүүлэхийн тулд тээврийн хэрэгслээс сүлжээнд дамжуулах технологийг хөршийн хамтын дулааны насос, дээврийн нарны эрчим хүчний хавтангийн систем, суурин эрчим хүч хадгалах зайтай хослуулж байна. (Бао Тинь түк)

Энэтхэгийн бохирдол зохицуулагч байгууллага Tata Electronics компанид [Энэтхэгийн] Хосур хот дахь iPhone-ий эд анги үйлдвэрлэх үйлдвэрийн бохир ус ойролцоох тариалангийн худгуудыг бохирдуулсан хэмээн анхааруулж, зөрчлийн мэдээлэлд тайлбар өгөхгүй бол тус компанийн үйл ажиллагааг зогсооно гэж мэдэгджээ. Харин Tata компани буруутгасан мэдээллийг няцааж буй бөгөөд уг хэрэг нь Apple компанийн Энэтхэгт өргөжиж буй нийлүүлэлтийн сүлжээнд нөлөөлж буй байгаль орчин, хөдөлмөрийн асуудлуудыг нэмэгдүүлж байна. (Ройтерс)

Францын Полинез Te Tai Nui a Hau далайн тусгай хамгаалалттай бүс байгуулахаа мэдэгдэж, Остралын арлууд, Маркизын арлууд, Баруун Нийгэмлэгийн арлуудын ойролцоох далайн биологийн олон янз байдлын 200,000 хавтгай дөрвөлжин миль газрыг бүрэн хамгаалалтад авна. Энэ нь хэрэгжсэний дараа тус хамгаалалтын сүлжээ нь Францын Полинезийн усны ойролцоогоор 30%-ийг хамарч, далайн шувуу-хүмүүс, акул-бодгалиуд, халим-ард, нүүдлийн зам, үржлийн газрууд, болон Дэлхий дээр өөр хаана ч байдаггүй зүйлүүдэд дэмжлэг үзүүлнэ. (Гүүд Ньюс Нетворк)

[Их Британийн] Уиганд 9-р сарын 13-нд The Brick Community стадионд анхны веган фестиваль зохион байгуулагдана. Vegan Events UK-ээс зохион байгуулах энэхүү түүхэн уулзалтад 50 гаруй асар оролцож, олон төрлийн веган хоол, харгислал агуулаагүй бүтээгдэхүүн, ёс зүйтэй загварыг танилцуулна. (Уиган Түдэй)

Swizzels компани Их Британид Atomix Rainbow Drops, Atomix Refreshers Sour чихрүүдээ шинээр танилцууллаа. Энэ 6-р сараас худалдаанд гарах уг шинэ зажилдаг веган амттанууд нь шаржигнуур бүрхүүл, зөөлөн голтой бөгөөд бага насны танил амтыг орчин үеийн хэлбэрээр санал болгож байна. (Веган Фүүд & Ливин)

АНУ-ын веган сүлжээ ресторанууд уламжлалт түргэн хоолны дуртай сонголтуудтай өрсөлдөхүйц шаржигнуур, шүүслэг веган тахианы хачиртай талх санал болгож байна. Шар буурцаг, вандуйн уураг, мөөг, дүфү ашиглан, Veggie Grill, HipCityVeg, Mr. Charlie's, Winter Park Biscuit Co., PLNT Burger зэрэг сүлжээнүүд нь танил, таатай хоолны амтыг хүргэж, хэрэглэгчдийн тогтвортой хувилбарын өсөн нэмэгдэж буй хэрэглэгчийн эрэлтийг хангаж байна. (ВежНьюс)

Лиа Уилсон Канадад гэмтсэн хэрээ-хүнийг аварч, сүргийнх нь талархлыг хүлээжээ. Түүнийг буцаан тавьсны дараа нутгийн хэрээ-ард түүнийг дагаж, өд сөд зэрэг жижиг бэлэг унагаан, хатагтай Уилсон болон шувуу найзуудын хооронд онцгой холбоо тогтоожээ. (Гүүд Ньюс Нетворк)

Украин [Урейн]-ы тусгай механикжуулсан 118-р бригадын цэргүүд зургаан сэнст дрон ашиглан эх муур-хүн болон дөрвөн зулзагыг агаараар аюулгүй газарт хүргэжээ. “Мяу-Мяу ажиллагаа” хэмээн нэрлэгдсэн, фронтын 12 км шугамын уг даалгавар нь гацаанд орсон амьтан-хүмүүсийг хамгаалсныхаа төлөө олон нийтийн сүлжээнд өргөнөөр сайшаагджээ. (Нью-Йорк Пост)

Их Британийн аав, хүү Жорж, Жош Колер нар 14 сарын хугацаанд 28,968 км-ийг туулсан дэлхийн аяллаараа дэлхийн унадаг дугуйн 3 дээд амжилтыг тогтоожээ. Тэд аав-хүүгийн дугуйгаар дэлхийг хамгийн хурдан тойрсон, дугуйн хамгийн урт аялал хийсэн, мөн тасралтгүй аяллаар хамгийн олон улсад очсон амжилтыг тогтоожээ. (Гүүд Ньюс Нетворк)

Өдрийн гэгээрүүлэх эшлэл: “Та хэнд ч харьяалагддаггүй, хэн ч танд харьяалагддаггүй гэдгийг үргэлж сана. Нэг өдөр та энэ дэлхий дээрх бүхнийг гэнэт орхих ёстой болно гэдгээ тунгаан бод. Тиймээс одоогоос эхлэн Бурхантай нөхөрлө.” – Хүндэт Гэгээрсэн Их Багш Лахири Махасая (цагаан хоолтон) (Wikiquote)

Чармиан Редвүүдийн клиник үхэлд орсон тохиолдлын 1-р хэсэгт өмнө нь ихрүүдээ төрүүлсний дараах ноцтой хүндрэл нь Чармианыг эмнэлэгт дахин хэвтэхэд хүргэж, тэнд тэрээр өөрийгөө биеэсээ гарч, өрөөний таазны ойролцоо хөвж байгааг мэдэрчээ. Дараа нь тэрээр Гэр хэмээн таньсан алтлаг Гэрэл рүү оржээ. Тэнд тэрээр Эзэн Есүс Христ (цагаан хоолтон)-тэй уулзсан Түүний бие нь цагаан Гэрлээс бүтэж, зүрх нь дүрэлзсэн цэнхэр од байв. Тэрээр түүнд алтан Гэрэлд үлдэж болно гэж хэлсэн ч дэлхийд түүний хайр, мэргэн ухаан, анагаах хүч хэрэгтэй тул буцахыг хүссэн байна. Түүнийг буцахаас өмнө Тэр Өөрийн цэнхэр одны нэг цэгийг түүний зүрхэнд байрлуулж, “Одоо чи үргэлж чамтай хамт байдгийг минь мэдэх болно.” гэжээ.

Тэгээд дараагийн агшинд би эмнэлгийн өрөөнд буцаад ирчихсэн, миний жинхэнэ мөн чанар биш тэр биеийн дээгүүр хөвж байсан ба тэр биед эргэн орвол зовлонг үүрнэ гэдгээ мэдэж байлаа. Хэрэв би Тэдэнтэй хамт алтан Гэрэлд үлдвэл дахин хэзээ ч зовохгүй. Буцаж ирэх маш хэцүү байсан. Явах маш амархан байсан. Буцаж ирэх амар байгаагүй. Гэхдээ би нэг биш, хоёр хүүхэд төрүүлээд удаагүй байсан. Би ихэр хүү, охинтой байсан. Хүүхдүүдээ эхгүй орхиод явах ямар ч боломж байгаагүй. Үүнийг би төсөөлж ч чадахгүй байсан. Тиймээс би биедээ буцаж орсон.

Тэгээд сэрэх үедээ би буцаж ирэхэд хэр удаан хугацаа өнгөрснийг огт мэдэхгүй байсан. Гэвч сэрэхдээ би урьдын өдрийнх шигээ хүн биш болсон байлаа. Би гэж үгүй болсон. Эго үгүй болсон. “Миний амьдралын төлөвлөгөө”, “миний амьдралын зорилго” гэж үгүй болсон. Би энэ Дэлхийд төлөвлөгөө байдгийг, энэ Дэлхий дээр болж буй бүх зүйл тэр төлөвлөгөөний нэг хэсэг гэдгийг л мэдэж байсан бөгөөд “Та намайг хаана хэрэгтэй гэж үзнэ, надад мэдэгдээрэй, би явна. Учир нь энэ төлөвлөгөөг биелүүлэхийн тулд чадах бүхнээ хийхийг хүсэж байна, яагаад гэвэл энэ нь Дэлхийг Хайр руу өргөж байна.” гэж хэлсэн.

Энэ явдал Чармианыг бүрэн өөрчилжээ. Тэрээр сургуулийн багшийн ажлаа орхиж, аялж эхлэн, бусдыг илүү гүн ухамсрын төлөвт хүргэхэд зориулагдсан гипнозын нэгэн арга хэлбэрийг боловсруулжээ. 40 гаруй жил, мянга мянган уулзалтаар тэрээр хүмүүст сүнстэйгээ дахин холбогдож, хүүхэд насны шархаа эдгээхэд нь тусалжээ. Мөн тэрээр туслах сувилагчаар сурч, хэд хэдэн буяны эмнэлгийн байгууллагатай хамтран ажиллаж, өөд болж буй хүмүүсийн дэргэд суун, гараас нь барьж, тэдний өмнө хүлээж буй аяллынх нь талаар тайвшруулан зоригжуулдаг болжээ.

Одоо миний зорилго бол энд дахин ирэхгүй байх явдал. Миний зорилго бол алтан Гэрэлд үлдэх явдал. Тиймээс өнөөдөр өгөх миний хамгийн чухал зөвлөгөөг одоо хэлье. Амьдралаа эргэн харах үедээ шийдэх эмх замбараагүй зүйл, харамсал бүү үлдээ. Хэрэв та хэн нэгэнд, эсвэл ямар нэг зүйлд, мод, ургамал, хүмүүс гээд аливаа мэдрэхүйт төрөлтөнд хор хүргэсэн бол түүнийгээ залруул. Тэдэнд захидал бич, бэлэг илгээ, “Намайг үнэхээр уучлаарай.” гэж хэл.

Учир нь таны авч явахыг хүсэх цорын ганц зүйл бол хуваалцсан хайр тань юм. Таны ардаа үлдээх цорын ганц зүйл бол хайрласан хүмүүсийн тань зүрхэнд бичигдсэн нэр тань. Та банкны дансандаа санаа зовохгүй. Энэ биеийг орхих үедээ та 401(k) [тэтгэврийн данс], бүх хөрөнгө оруулалтдаа санаа тавихгүй. Тэдгээр нь таны бодолд хамгийн сүүлд орох зүйл юм. “Өө, би өнөөдөр банкны хуулгаа шалгасан бил үү?” гэх үү? Үгүй, харин “Би хэнийг хайрласан бэ, амьдралаа юунд зориулсан бэ? Миний үлдээх өв юу вэ? Намайг юугаар дурсагдаасай гэж хүсэж байна вэ?” гэх болно.

Тиймээс яг одоо эхэл. Өнөөдөр эхэл. Би дэлхийтэй хайраа хэрхэн хуваалцах вэ? Одоо та бүх дэлхийг өөрчлөхгүй байж болох ч нийгмийн бүлгээ өөрчилж чадна. Та хөршүүд, найзуудтайгаа харилцах харилцаагаа өөрчилж чадна. Таагүй мэдрэмж байгаа хаана ч түүнийг “Энэ нөхцөл байдлыг дайсагнал бус, харин хайрын нэг хэсэг болгохын тулд би юу хийж чадах вэ?” гэж хэлэх боломж болгон ашигла.

Тиймээс одоо энд байх миний цорын ганц зорилго бол та бүхэн үнэхээр төсөөлснөөсөө үнэхээр, тун илүү зүйл гэдгээ ойлгоход туслах явдал. Би биедээ эргэн орохдоо: “Дөнгөж сая мэдэрсэн зүйлээ бүгдэд мэдрүүлэхийг хүсэж байна.” гэж, хэлсэн, энэ л миний зорилго болсон. Тиймээс цаашид бүү өчүүхэн бод. Айх зүйл огт байхгүй. Энэ гараг дээрх бүх зүйл төлөвлөгөөний нэг хэсэг. Та ч төлөвлөгөөний нэг хэсэг. Таны замд юу ч тохиолдсон, түүнийг даван туулах нөөц боломж танд бий. Та энд ганцаараа биш. Хөтөч нар, тэнгэр элч нар, багш нар бий. Учир нь бидний одоогийн энэ амьдрал бол энэ гараг дээр эртнээс үргэлжилсэн бүх аяллын маань биелэлт юм. (Нөгөө ертөнц КҮТ ба Чармиан Редвүүд)