Дотоодын ахуй ойлголтууд, олон хэсэгт цувралын 1-р хэсэг - Авшгийн олон талт Хүч

Жинхэнэ Гэгээрсэн Их Багшаас авшиг хүртэхэд юу болдог вэ? Хөгжим дугарч эхлэх бөгөөд энэ нь дуу хураагуураас ч, чихэвчнээс ч дугараагүй байсан. Харин миний дотоодоос гарч байв. […]

Амьдралд биет бодит байдлаас хавьгүй их зүйл бий ч, үл үзэгдэх ертөнцүүдийг нээх дотоод мэлмий цөөн хүнд заяажээ. Төгс Гэгээрсэн Их Багш Чин Хай (веган)-н өндөр дээд Удирдамжийн дагуу Арьяабалын бясалгал хийснээр манай Нийгэмлэгийн гишүүд (бүгд веган) эдгээр, энэ ертөнцөөс ангид орших орон ертөнцүүдийг танин мэдэрдэг. Дотоод зөнгийн үзэгдлүүд цувралаараа бид тэдний зарим гайхалтай туршлагыг та бүхэнтэй хуваалцана.

Гэгээрсэн Их Багшаас авшиг хүртэх нь биднийг дотоод Тэнгэрлэг Хүчтэй холбодог үйл явдал юм. Тэр үеэс бидний болон хайртай хүмүүсийн маань, тэр дундаа амьтан андуудын маань амьдрал эрс өөрчлөгддөг. Хамгаас Эрхэм Төгс Гэгээрсэн Их Багш Чин Хайгаас авшиг хүртсэнийхээ дараах дотоод ахуй үзэгдлээ хуваалцах Коста Рикагийн Нийгэмлэгийн нэгэн гишүүнийг сонсоцгооё.

Намайг Ан гэдэг. Би Коста Рикагийн авшигтан. Тэр үед би Коста Рикагийн Сан-Хосед амьдарч, их сургуульд сурч, ажлын гараагаа эхэлж байлаа. Их Багшийн адислалаар би 1997 оны 4-р сард авшиг хүртэж чадсан. Авшиг хүртсэн тэр долоо хоногтоо гэртээ харьснаа санаж байна. Манай гэр Сан-Хосегоос 4 орчим цагийн зайтай өөр мужид байв. Би гэртээ харихаар автобусанд суусан. Суудалдаа тухлаад, Их Багшийн буддын тарнийн уншлагыг сонсохоор чихэвчээ зүүв.

Гэтэл үнэхээр тайлбарлахын аргагүй зүйл болсон. Аялгуу эгшиглэж эхэлсэн ч хуурцагнаас ч, чихэвчнээс ч гараагүй. Харин миний дотроос цуурайтаж байлаа. Зүрх сэтгэлээс минь ундарч, надтай нэгэн цул болж, үгээр илэрхийлэхийн аргагүй тайвшрал өгсөн. Би замын турш зүрхний минь гүнээс ундрах Их Багшийн аялгууг сонсож явсан.

Гэртээ ирэхэд минь намайг миний тэжээвэр амьтан болох голден ретривер үүлдрийн үзэсгэлэнтэй хүрэн нохой-хүн угтсан. Тэр урьдын адил угтахаар ирсэн ч ер бусын, өөр зүйл болсон. Тэр миний дэргэд БУРХАН зогсож байхыг харсан мэт над руу харсан. Тэр хөөрөн баясаж нааш цааш гүйн, баярласандаа үсэрч, бүжиглэж байгаа мэт намайг тойрон эргэлдсэн. Нохой-хүн минь намайг хараад тэгж хөөрч байгаад би гайхсан. Түүнийг харах сайхан байсан бөгөөд энэ нь Их Багштай, саяхан авшиг хүртсэнтэй минь холбоотой гэж бодсон. Би Сан-Хосе руу буцахаасаа өмнө 7 хоног гэртээ аав, ээж, ах дүүс, нохой найзтайгаа хайр, адислал дунд байж, гэр бүлийнхэн болон нохой-хүнтэйгээ цагийг өнгөрөөсөн.

Сан-Хосед буцаж ирснээс хойш 2 долоо хоногийн дараа нэгэн шөнө би хайртай нохой-хүнээ зүүдэлсэн. Их Багш манай гэрийн хашаагаар явж, нохой-хүнийг минь хайж байхыг би харсан. Тэр түүнийг олоод тэвэрч авсан. Багш нохой-хүнийг минь тэвэрч, хэсэг зуур энхрийлэн бүүвэйлэхийг би харсан. Дараа нь би түүнийг алтан Гэрлээр дүүрэхийг харсан. Тэр Гэрэл түүний эргэн тойронд маш тод, сүр жавхлантай цацарч байлаа. Тэгээд Их Багш түүнийг тавьж, тэнгэр өөд дэвшүүлсэн. Тэр БУРХАНЫ Сүр Жавхлангаар дүүрсэн байв. Маргааш өглөө нь би нохой-хүн минь дээд ертөнцөд одсон гэдэгт итгэлтэй сэрсэн. Удалгүй миний ах Роландо утасдаж, нохой-хүн минь гэнэт өөд болсныг хэлсэн. Би уйлсан ч Их Багш түүнийг аварч, Гэрэл болон Тэнгэрлэг Амар Амгалангаар дүүргэснийг мэдсэн тул бас баярын нулимс унагасан. Энэ болон авшиг хүртсэнээс хойш тохиосон бусад олон явдлын төлөө би Их Багшдаа хязгааргүй талархдаг. Тэр миний болон хайртай хүмүүсийн минь амьдралыг сайнаар өөрчилсөн.

Ямар сэтгэл дулаацуулам түүх вэ! Төгс Гэгээрсэн Их Багш Чин Хай Ан-ы нохой андыг ч ийн хайрлаж, амьдралынх нь төгсгөлд Гэрэл болон Тэнгэрлэг Амар амгалангийн оронд хөтөлснийг сонсоод бид туйлын баяртай байна. Энэ үзэгдэл Төгс Гэгээрсэн Их Багш Чин Хайн үгийг баталжээ.

Master: Бидний дотоод дахь Хүч авшгийн дараа нээгддэг; тэгээд үүнтэй юуг ч харьцуулшгүй. Үгээр хэлэхийн аргагүй, зүгээр л гайхалтай. Тийм учраас таван үеэ, зургаа, долоо, найман үеэ гэтэлгэх боломжтой. Эсвэл бүр есөн үеэ, зуун үеэ. Найзууд тань, нохой-хүмүүс, муур-хүмүүс тань бүгд хамт гэтлэгдэнэ. Тэгээд бас болоогүй. Бид... Биднийг харсан бүхэн, бидэнд хүрсэн бүхэн, бидэнтэй холбоотой бүхэн өгүүлшгүй ач тусыг хүртэх болно.

Жя-Юй цэцэрлэгт Ариун Нэрс болон Бэлгийг уншиж байхдаа сүнснүүдийг харсан бөгөөд тэд үүнийг сонсоод гэтэлсэн гэж хэлжээ.

“[…] Намайг Ариун Нэрс болон Бэлгийг дотроо уншихыг сонсоод гэтэлсэн гэж тэд бүгд хэлсэн…” — Жя-Юй-ийн хүүрнэл

Сетиа гэр бүлийнхэнд нь ирсэн адислал болон зовлон зүдгүүрээс ангижирсан тухайгаа ярьж, эдгээрийг авшиг хүртэх үед нь Их Багш хэдэн үеийг нь гэтэлгэсэнтэй холбон тайлбарлажээ.

“[…] Авшиг хүртэх үед Их Багш бидний хэдэн үеийг гэтэлгэсэн учраас энэ бүхэн тохиосон гэж би итгэдэг. […]” – Сетиа-гийн хүүрнэл

Нэгэн шавийн веган асрамжийн газарт амьтан-хүмүүс сүнслэг нэвтрүүлэг сонсон, амар тайван амьдарч байв. Зарим нь нас эцэслэхдээ үзэсгэлэнт Гэрэл цацруулжээ.

“[…] Бид нэг Их Багштай. Бид сайн бясалгаж, Диваажинд буцаад, дахин төрөл авахгүй байх ёстой. […]” — Амьтан-хүмүүсийг асрагчийн сэтгэлийн үгэнд дурдсан үгс

Чяо-Хэн анхны долоо хоногийн даяаныхаа үеэр их Багш өвөг дээдсийг нь гэтэлгэхээр хөтлөн явахыг харжээ. Хожим нь тэдний гэр бүл дахин сүнслэг адислал хүртсэн.

“[…] Би анх удаа долоо хоногийн даяанд оролцохдоо Их Багш өвөг дээдсийг минь гэтэлгэхээр хөтлөн явахыг харсан. […]” — Чяо-Хэний хүүрнэл

Мэн-Лу нийтийн бясалгалын үеэрээ аврагдсан нохой андууд нь Арьяабалын авшгийн үнэмлэхээ зүүсэн, аз жаргалтай хүний дүрээр Диваажингийн хаалган дээр гарч ирэхийг харжээ.

“[…] Диваажингийн Хаалга цэлийтэл нээгдэж, нохой-хүмүүс бүгд хүний дүрээр гарч ирсэн. […]” — Мэн-Лу-гийн хүүрнэл

Индравати-гийн өвөг дээдэс нь бясалгалын үеэр нь түүнээс тусламж хүсжээ. Тэднийг Их Багш руу чиглүүлсний дараа бүх зүйл гэрэлтэж, тэд дахин ирээгүй.

“[…] Тэр даруй бүх зүйл гэрэлтсэн. … Түүнээс хойш өвөг дээдэс минь бясалгалын үеэр надтай уулзахаар дахин огт ирээгүй. […]” — Индравати-гийн хүүрнэл

ГЭХ МЭТ…

Их Багшийн Хүчний Адислал заримдаа үл анзаарагдам байдаг. Дараа нь Австралийн Нийгэмлэгийн нэгэн гишүүн эгэл жирийн мэт өдрүүдэд тохиосон жижиг зүйлс нь дээрээс ирсэн гарцаагүй дохио болохыг хэрхэн анзаарснаа хуваалцана.

Хайрт Их Багш болон Суприм Мастер Телевизийн хамт олон. 2026 оны 4-р сарын 15-нд Сиднейд болсон авшиг хүртээх ёслолын үеэр надад тохиолдсон бяцхан явдлыг хуваалцмаар байна. Их Багшийн адислалаар надад 6 настай хүүгээ хагас авшиг хүртээхээр Сиднейд авчрах завшаан тохиосон юм. Тэр өглөө бүрхэг, бороотой байсан ч ёслол эхлэхэд бороо зогсож, нарны дулаан туяа цацарсан. Тэнгэр өөд харахад дулаахан, хайраар дүүрэн мэдрэмж төрж, Их Багшийн Хайр тэр газрыг бүхэлд нь дүүргэж буй мэт санагдсан. Би бясалгаж эхлэхэд сүнс минь тэр даруй Хайраар дүүрэн төлөвт орсон. Тэр мөчид би Их Багшийн Хайраас өөр юу ч мэдрээгүй. Хүү минь хагас авшиг хүртэхээр ороход бэлдэн намайг сэрээх хүртэл энэ байдал үргэлжилсэн. Авшиг хүртээд гэртээ харьснаас хойш хүү минь орой унтахын өмнө үргэлж цагтаа залбирч, бясалгадаг болсон. Тэр үүнийг хэнээр ч шаардуулалгүйгээр өөрөө хийдэг бөгөөд өмнө нь хэзээ ч тэгдэггүй байв. Одоо ээж, хүү бид гурав гэр бүлээрээ бясалгалын танхимд хамт очих боломжтой болсонд би Их Багшдаа маш их талархдаг. Миний гэр бүл бүхэлдээ Төгс Хүчит БУРХАНЫ орших Гэртээ буцах замд орсон нь миний хувьд хамгийн их аз жаргал юм. Эргэн Нэгдсэн Хамгаас Хүчирхэг Гурав: БУРХАН, Тим Ко Тү, болон БУРХАНЫ Хүү-д талархлаа өргөе. Хүндэтгэсэн, шавь Тхань Май.

Эдгээр нь Гэрэл Цацарсан Төгс Гэгээрсэн Их Багш Чин Хайгаас авшиг хүртэхийн дэвшүүлэн өргөх хүчийг харуулах олон жишээний ердөө хоёр нь юм.

Master: Авшиг хүртэх үедээ (дотоод Диваажингийн) Гэрэл харж, Аялгуу шууд сонсдог. Та дотоод сүнслэг удирдамжаар сургагддаг учраас өнгөрсөн амьдралынхаа үйлийн үрээс даруй ангижирч, энэ ганцхан төрөлдөө эрх чөлөөнд хүрэх боломжтой юм. Ойлгосон уу? Та яг ингэж агшин зуур гэгээрэлд хүрдэг. Энэ аргыг эс тооцвол би өөр бусад хурдан аргыг мэдэхгүй.

Сүнслэг тусламж бол хамгийн сайн тусламж. Учир нь хэн нэгэнд сүнслэгээр тусалбал тэр өөртөө тусалж чаддаг болж, улмаар бие махбодын хэрэгцээгээ ч өөрөө хангадаг. Эхэндээ Их Багш, Төгс Гэгээрсэн Их Багш Чин Хай танд хэрэгтэй үед бие махбодын болон сүнслэг тусламж үзүүлж болох ч, хожим нь та өөртөө, цаашлаад бусад бүх хүнд тусалдаг болно. Эцэг эх тань, бүр нас барсан эцэг эх, өвөө эмээ, эртний өвөг дээдэс, ирээдүйн гэр бүлийн гишүүд тань бүгд таны ивээлд багтана. Авшиг хүртэх өдөр бол тэдний гэтлэх өдөр юм; Хэрэв тэд аль хэдийн нөгөө ертөнцөд байгаа бол эрх чөлөө, мэдлэгийн илүү дээд оронд дэвшинэ. Хэрэв тэд энэ гараг дээр байгаа бол энэ гарагт боломжтой бүхий л арга замаар тусламж авна. Харин та өөрөө Гэгээнтний хутагт хүрч, жинхэнэ мөн чанараа илэрхийлсэн, чадварлаг, жинхэнэ хүн, бидний уг чанартаа байдаг жинхэнэ оршихуй болно.

Өнөөдрийн нэвтрүүлэгт оролцож, түүхээ хуваалцсан Төгс Гэгээрсэн Их Багш Чин Хайн Олон Улсын Нийгэмлэгийн гишүүдэд талархъя. Тэдний түүх танд сүнслэг бясалгал хийж, аз жаргалтай Арьяабалын Гэр бүлд нэгдэх урам өгнө гэж найдаж байна.

Арьяабалын бясалгалын Аргын талаар илүү дэлгэрэнгүй мэдээлэл авахыг хүсвэл дараах хаягаар зочилно уу. SupremeMasterTV.com/Meditation