Дэлгэрэнгүй
Татаж авах Docx
Дэлгэрэнгүй уншаарай
“Энэхүү сүүлчийн мөчид Бурхан дэлхийд хэзээ ч үзэж байгаагүй баримт үзүүлэх болно. Бүхий л төрлийн амьдралтай энэ эрэгтэй эмэгтэй хүмүүст зэрэг цол юу ч биш болно. Тэдгээр ажилчдыг дэлхийгээр явж байхад нь би харсан. Нэг нь бүдчээд унахад өөр нэг нь ирээд түүнийг татаад босгодог. “Том би” тэнд байгаагүй, “жижиг та” байгаагүй, зөвхөн уул бүрийг намхан болгож, тал хөндий бүрийг өргөж, тэд нэг адилхан зүйлтэй байсан нь, тэнд Бурханы хайр байсан, эдгээр хүмүүс хамт ажиллаж, хамт амьдарч байхад тэднээс Хурмастын хайр ундарч буй мэт байсан.”
АНУ-ын Пентекостал сүмийн номлогч, санваартан Томми Хикс 1950-иад оны үед Аргентинд Христийн шашны итгэлийг сэргээсэн гэж үнэлэгддэг. Тэрээр Христийн Бие ба Эцсийн Цагийн Сүмүүдийн үйл ажиллагааны тухай Зөгнөлөөрөө алдартай. 1961 оны 7-р сарын 25-ны өглөө түүнд энэ зөнгийн үзэгдэл ирсэн бөгөөд гурван удаа давтагдсан.Санваартан Хикс үхэж буй аварга биетээс Христийн Сүнсээр дүүрсэн шинэ хүмүүс төрж байгааг зөнгийн үзэгдэлдээ харсан. Үхэж буй аварга том биет нь хуучин, сүнслэг байдлаараа буруу хэв маяг, завхарсан замуудыг бэлгэдэж байв. Дараа нь Дэлхий дээр шинэ “бие” үүссэн.“Гэвч энэ бие гэнэт үүсэж, дахин хэлбэржиж эхлэхдээ, энэ хүчирхэг аварга биетийн дүр төрхөөр дахин бүрэлдэн бий болсон ч, энэ удаад өөр байв. Тэр хамгийн үзэсгэлэнтэй, гялалзсан гайхалтай цагаан өмсгөл өмссөн байв. Түүний бие бүрэлдэн бий болж эхлэхэд хувцас нь ямар ч толбогүй, өө сэвгүй, үрчлээгүй байсан бөгөөд бүх насны хүмүүс энэ биед цугларсан мэт санагдаж, тэгээд аажим аажмаар бүрэлдэн, тэнгэр өөд өргөгдөн хүрч эхлэхэд, гэнэт дээд тэнгэрээс Эзэн Есүс ирж, толгой нь болсон бөгөөд би “Энэ бол миний хүлээж байсан хайртай сүйт бүсгүй” гэж хэлэх аянга цахилгааны тасхийсэн дууг дахин нэг удаа сонсов. Тэр бүр галд соригдсон ч гэсэн гарч ирнэ. Энэ бол миний цаг хугацааны эхлэлээс хайрлаж ирсэн Эмэгтэй юм.”Санваартан Хикс “Христийн сүйт бүсгүй”-н бие бүрэлдэн үүсэхийг харсан бөгөөд Түүний толгой нь Эзэн Есүс Христ (цагаан хоолтон) байв. Энэ нь Эцсийн Цаг Үед итгэлийн сэргэлтийг удирдан чиглүүлэгч нь Эзэн Есүс Христ Өөрөө гэдгийг харуулж байна.Манай Нийгэмлэгийн олон гишүүд өөрсдийн дотоод ахуй ойлголтондоо Төгс Гэгээрсэн Их Багш Чин Хай (веган) бол Эзэн Есүс Христийн хувилгаан дүр гэдгийг нь харсан!2011 онд Арьяабалын бясалгалын үеэр минь Арьяабалын Бодисадва гарч ирээд надад “Майдар Будда бол Төгс Гэгээрсэн Их Багш Чин Хай, мөн Төгс Гэгээрсэн Их Багш Чин Хай бол бас Эзэн Есүс Христ.” гэж хэлсэн.“Авшиг хүртэх үеэрээ би Эзэн Есүсийн талаар дотоод ахуй ойлголт авсан ба Их Багш Та бол эцсийн цаг үе дэх Эзэн Есүсийн хоёр дахь ирэлт гэдгийг би мэдсэн.”Их Багш бидэнд Ариун Нэрсүүдийг уншихыг зааж байх үед би Багш руу хараад уншиж байсан. Би Багшийн нүүр Есүсийн нүүр болон хувирахыг харсан.Нэгэн насандаа Багш Есүс Христ байсан бол би түүний шавь нарын нэг Магдалена Мариа байжээ. Эзэн Есүс, би болон бусад шавь нар еврей хүмүүсийн үйлдэж буй мөрдөлт аллагаас зугтахын тулд агуйд нуугдахаар уул руу гүйж ирснийг би харсан. Би бас Эзэн Есүсийг гомдоож, хүчирхийлж байсныг гэрчилж мөн Эзэн Есүсийг загалмайд цовдлуулсан байхыг хараад зүрх минь бүхэлдээ шархалж байсан.ГЭХ МЭТ….2024 оны 7-р сард Төгс Гэгээрсэн Их Багш Чин Хай Суприм Мастер Телевизээр энэ үнэнийг баталсан.Би та нарт одоо хэлье: Би бол Будда. Маргааш гэнэтхэн үхчхэж магадгүй учраас хэлж байгаа юм. Хүн төрөлхтөнд аюул нүүрлээд байгаа энэ цаг үед би бол тун онцгой Будда. Итгэх эсэх нь та нарын хэрэг. Бүхнийг Чадагч Бурханы өмнө, бүхэл Ертөнцийн бүх Гэгээнтэн Мэргэдийн өмнө худал хэлэх зүрх надад байхгүй.Би бол та нарын хүлээгээд байгаа Майдар Бурхан юм шүү дээ. Би бас та нарын хүлээж байгаа Есүс, Мессиа. Нэг мөсөн хэлчихье. Үүнийг хэлэхийг минь Бурхан хүссэн! Тиймээс хүлээж, үнэт цагаа дахин бүү дэмий үр. Зүгээр л ёс суртахууны хувьд сайн байж, өөрийг тань хайрлан, дэвшүүлдэг Бурханыг магтаарай. Танд өгсөн бүхний төлөө бүх Их Багш нар, Будда нарт талархаарай. Хүсвэл илүүг ч хүртдэг. Гэтэлсэндээ талархаарай.Санваартан Хикс шинэ хүмүүс Бурханы хүсэж, зорьсон ёсоор, Есүс Христийн Сургаалын дагуу хэрхэн амьдарч байгааг дүрсэлсэн.“Бурхан энэ төгсгөлийн цаг үед дэлхий ертөнцөд хэзээ ч үзэж, мэдээгүй зүйлийг үзүүлэх гэж байна. Эдгээр эрэгтэй, эмэгтэй хүмүүс нь амьдралын бүхий л давхаргын хүмүүс бөгөөд зэрэг цол ямар ч утгагүй болно. Би эдгээр ажилчдыг дэлхийн гадаргуу дээгүүр, дэлхийн өнцөг булан бүрээр явж байхыг харсан. Нэг нь бүдэрч унах үед, өөр нэг нь ирээд түүнийг босгодог байв. “Би их” ба “чи бага” гэсэн ялгаа байгаагүй. Харин бүх уулс нам дор болж, бүх хөндий өргөгдөж өндөр болсон бөгөөд тэдэнд нэг нийтлэг зүйл байсан юм шиг санагдсан нь – тэд хамтран ажиллаж, мөн хамтдаа амьдрах үед эдгээр хүмүүсээс урсан гарч буй мэт санагдсан нь Тэнгэрлэг хайр, Бурханлаг хайр байв. Энэ бол миний хэзээ ч харж байгаагүй гайхамшигтай үзэгдэл байв. Есүс Христ тэдний амьдралын гол утга байсан. Тэд үргэлжлүүлэн, харин би энэ дүр зургийг хараад зогсож байх зуур өдрүүд өнгөрч байгаа юм шиг санагдав. Би зөвхөн уйлж чадсан, мөн заримдаа инээж ч байлаа. Эдгээр хүмүүс Дэлхий даяар явж, энэхүү эцсийн, төгсгөлийн цаг үед ямар нэгэн сайн зүйл, өөрчлөлт, “үр жимс” бий болгож байгаа нь маш гайхамшигтай байв.”Даруу байж, эго буюу би үзэлгүйгээр бусдад туслан, үйлчлэх нь амьдралын үндсэн зарчим бөгөөд үүнийг бидний Хамгаас Хайртай Төгс Гэгээрсэн Их Багш Чин Хай Нийгэмлэгийн гишүүддээ дагахыг үргэлж сануулдаг. Бидний дунд “Би их” эсвэл “чи бага” гэсэн ялгаа байдаггүй.Бидний хийдэг зүйл гэж үгүй. Үргэлж Бурхад хийдэг, Бодисадва нар хийдэг, Диваажин хийдэг юм за юу? Үгүй бол, би үзэл тань хэтрэн, томорчихвол, ямар ч үед та нар асуудалд орно. Хэрвээ бидний эго дэндүү их байвал, бид бусдад үйлчилж чаддаггүй, учир нь бид өөр байдлаар боддог. Эго биднийг маш сөргөөр, хөнөөлт байдлаар, ядаж л саадтай байдлаар бодоход хүргэдэг. Энэ нь жигд урсдаггүй бөгөөд улмаар бид алдаа гаргадаг. Магадгүй жижиг алдаанууд зүгээр ч, том алдаанууд асуудалтай. Зөвхөн бидэнд өөрсдөд маань биш харин дэлхийд, сайнаар үйлчлэхийг хүссэн хүмүүст.Энэ дэлхийд амжилт олсон хүн бол бүү бахархаарай, яагаад гэвэл энэ нь маш эрсдэлтэй. Том “би” үзэл, том бардам зангаас зайлсхийх боломжгүй. Энэ хоёр зүйл бол та нарын дайсан. Тэд та нарыг сөнөөж чадна. Амжилт биш харин үүнээс үүдэх бардам зан, “би” үзэл. Амжилт нь өндөр байх тусмаа “би” үзэл, бардамнал нь том байдаг. Гэхдээ та нар үүнийг анзаарахгүй. Энэ нь бага багаар нэмэгдэж, амьдралд тань хоног өдрүүд өнгөрдөг. Энэ нь цаг үргэлж нэмэгдэх болно. Итгэлд тань нэмэр болохын оронд, Бурханд талархах талархал, гэгээрэл, гэтлэгдэхэд тань нэмэр болохын оронд уналтад тань нөлөөлнө. Учир нь сөрөг хүч үүнийг ашиглан та нарыг улам доош нь татаж чангаадаг. Гуйж байна, гуйя, өөрсдийн тань төлөө би үнэнийг хэлж байна. Маш даруу бай, сайтар залбирч, Бурханыг санахдаа маш чин сэтгэлтэй байж, Бурханд талархаарай.“Би” үзлээс маш их үйлийн үр бий болдог. Учир нь “би” үзэл үргэлж та нарт “Би энэ, би тэр. Би авьяастай, би сайн, би онцгой.” гэсэн мэдрэмж өгдөг. Тэгээд юмсыг эрхэм ариун жишгийн дагуу үйлдэхгүй. Улмаар энэ хэвээрээ үргэлжилбэл унах болно. Би та нарыг дэвшүүллээ ч, жишээ нь Дөрөвдүгээр Түвшинд хүргэлээ ч, та нар буцаад доод Гуравдугаар Түвшинд унаж мэднэ. Тэгээд буцаад өгсөхөд илүү урт хугацаа шаардагддаг. Тиймээс үг, бодол, үйлдэлдээ ямагт болгоомжтой хандаарай. Үг, бодол, үйлдэл –ямагт цэвэр ариун, аминч бус байх ёстой.Манай Нийгэмлэгийн гишүүд Их Багшийн мэргэн сургаалыг зүрх сэтгэлдээ тээж, бусдад Бурханлаг хайраар, эго буюу би үзэлгүйгээр үйлчлэхийг чармайн, хичээдэг.Бидний зарим нь Төгс Гэгээрсэн Багш Чин Хайн санхүүгийн хандиваар дамжуулан тусламж үзүүлэхээр гамшигт нэрвэгдсэн бүс нутгуудаар хамтдаа аялсан.Манай Нийгэмлэгийн зарим гишүүд эрхэм, өндөр ёс суртахуунтай веган амьдралын хэв маягийг түгээн дэлгэрүүлэхийн тулд олон улс оронд олон веган ресторан нээсэн.Олон хүн Их Багшийн захиасыг олон нийттэй хуваалцахаар гудамжинд гарч, идэвхтэй үйл ажиллагаа явуулдаг.ГЭХ МЭТ...Манай Нийгэмлэгийн гишүүдтэй уулзаж харилцаж байсан хүмүүс тэдний эерэг, урам өгдөг, хайр дүүрэн энэрлийн энергийг ихэвчлэн анзаардаг.Бид Төгс Гэгээрсэн Их Багш [Чин Хайн Олон Улсын Нийгэмлэг]-тэй хамтарч ажиллалаа. Тэд үнэхээр сайхан сэтгэлтэй. Тэд маш хүнлэг. Би их сайхан уур амьсгал мэдэрч тун их талархсаны дээр тэдэнтэй танилцсандаа баяртай байна.Би чин сэтгэлээсээ Төгс Гэгээрсэн Их Багш Чин Хайн Олон Улсын Нийгэмлэгт, Хай Атласт биднийг төсөөлшгүй хүнд нөхцөл байдалд ороод байхад хайр, зориулал, шаргуу зүтгэл, гүйцэтгэлээ зориулж, өгсөн бүхэнд тань, эрч хүчээ зориулсанд тань чин сэтгэлийн талархлаа илэрхийлмээр байна.Төгс Гэгээрсэн Их Багш Чин Хай Танд болон танай байгууллагад би чин сэтгэлээсээ талархаж байгаагаа хэлмээр байна. Украинд болж буй бүхэн харанхуй, сайнгүй боловч бидний энд хийж буй бүхэн эдгээр хүмүүст гэрэл гэгээ, итгэл найдвар авчирч байна.Төгс Гэгээрсэн Их Багш Чин Хайд би зөвхөн тусламжид нь биш, мөн энэ байгууллагыг байгуулсанд үнэхээрийн их талархмаар байна. Та нарын энд бий болгосон уур амьсгал болон та нар эерэг бүхнийг цацруулдаг бөгөөд энэ нь бидэнд яг хэрэгтэй байгаа юм.Энэ бол хайр, энх тайвныг эрхэмлэдэг бүлэг хүмүүс бөгөөд эдгээр үзэл санааг амьтдын ертөнцөд болон түүнээс цааш өргөжүүлэн, түгээн хэрэгжүүлэхийг зорьдог гүн ухаан байв. Энэ нь миний илүү сайн мэддэг амьтан хамгаалах олон байгууллагаас хамаагүй илүү олон улсын чанартай байна. Түүний [Төгс Гэгээрсэн Их Багш Чин Хайн] захиас олон хүнд хүрч байна. Энэ тун гайхалтай.ГЭХ МЭТ...Гэсэн хэдий ч, Санваартан Хикс Эцсийн Цаг үед хүн бүр Есүс Христийг хүлээн авахгүй гэдгийг харсан. Хуучин замдаа үлдэж, харанхуйд алхахыг сонгосон хүмүүс сүйрэлтэй тулгарах болно.Тэр [Эзэн Есүс Христ] гараа сунгахад Бурханы тослолт болон Бурханы дуудлагыг хүлээн авахаас татгалзсан олон хүн байв. Би таньдаг эрэгтэй, эмэгтэй хүмүүсийг харсан. Бурханы дуудлагыг гарцаагүй хүлээн авна гэж би бодож байсан хүмүүс. Гэвч Тэр гараа энэ хүний зүг мөн тэр хүний зүг сунгах үед, тэд зүгээр л толгойгоо бөхийлгэн, гудайлгаж арагш ухарч эхэлсэн. Бөхийж, ухарсан мэт харагдсан хүмүүс бүр харанхуй руу орж байгаа мэт санагдав. Харанхуй тэднийг хаа сайгүй залгиж авах шиг болсон.”“Би ажиглаж байхдаа, гэнэт нүдээ хойд зүг рүү шилжүүлж, бараг л сүйрэл мэт зүйлсийг харсан: эрэгтэй, эмэгтэй хүмүүс зовон шаналж, хашгиран, орилж барилгууд сүйрч байв. Дараа нь би дахин дөрөв дэх дуу хоолойг сонссон бөгөөд тэр ‘Одоо Миний уур хилэн газрын гадаргуу дээр асгаран, цутгагдаж байна’ гэж хэлэв. Бурханы уур хилэн дэлхийн өнцөг булан бүрээс цутгаж байгаа мэт санагдаж, Бурханы уур хилэнгийн асар том савнууд Дэлхийн гадаргуу дээр асгарч байгаа мэт харагдаж байв. Би үүнийг яг саяхан болсон юм шиг санаж байна. Хотууд болон бүхэл бүтэн үндэстнүүд сүйрэлд унаж байгаа аймшигтай дүр зургийг үзээд би чичрэн, дагжиж байв.Би цурхиран, уй гашуу болох мөн ёолон гаслах чимээг сонсож байлаа. Хүмүүсийн уйлахыг би сонсож байв. Тэд агуй руу орохдоо уйлж байгаа мэт санагдаж байхад, харин уулын агуйнууд нь нээгдсэн. Тэд ус руу үсрэн орсон боловч ус тэднийг живүүлж чадсангүй. Тэднийг устгаж чадах юм юу ч байгаагүй. Тэд амиа хорлохыг хүсэж байсан боловч, чадахгүй байлаа.”Бидний Хамгаас Хайртай Төгс Гэгээрсэн Их Багш Чин Хай саяхны нэгэн мессеждээ, Бурханы уур хилэн яагаад энэ цаг үед хүн төрөлхтөн дээр бууж байгаа мөн Ойрхи Дорнодод хурцдах гэж буй дайныг зогсооход, Түүнийг хүмүүст үргэлжлүүлэн туслахыг Тэнгэр яагаад зөвшөөрөхөөс татгалзаж байгааг тайлбарласан.Бид (Хэмжээлшгүй Хүчит Нэгдсэн Гурвал) энэ дайныг зогсоохыг Диваажингууд үнэндээ хүсэхгүй байгаа. Учир нь олон тэрбум, олон их наяд, олон зиллион төрөлтөн нядалгааны газар, ан гөрөөний талбарт, далай тэнгист хэзээнээс ч юм бид мэдэхгүй, өнө удаан уйлж шаналсаар байна. Өмнө нь амгалан, сайн сайхан байсан газар шүү дээ. Тиймээс Бурхан тэдний гуйлтыг тоохгүй байж чадахгүй. Бүх эрх мэдэл, тоног төхөөрөмж, шинэ нээлтээр дэлхийн ямар ч төрөлтнийг хэний ч зөвшөөрөлгүй, байнга хороосоор байгаа хүмүүсийн гарт шударга бусаар зовж байгааг нь зүгээр хараад байж чадахгүй. Бурханаас зөвшөөрөл гуйх талаар ярилтгүй. Учир нь тэд Бурханаас асуувал Бурхан “Үгүй.” гэж хэлнэ. Гэхдээ мэдээж Бурхан үгүй гэлээ ч, хэчнээн нь Түүнийг сонсох вэ?Тиймээс тэд нүгэлтэй, балмад зам мөрөө үргэлжлүүлсээр. Тэгэхээр энэ материаллаг ертөнцийг зохицуулан, захирдаг Маяагийн Хааныг ч буруутгах аргагүй.Санваартан Томми Хикс зөгнөлт үзэгдлийнхээ төгсгөлд, Дэлхий дээр сүйрэл болж байх хооронд Христийн Сүйт бүсгүйн гялалзсан гэрэлт бие дээш хөөрч байхыг харжээ.“Тэгээд би дахин энэ гайхамшигт дүр зураг, үзэсгэлэнтэй цагаан, гялалзсан хувцастай энэ бие рүү харлаа. Аажим, аажмаар тэр Дэлхийгээс хөөрч эхэлсэн бөгөөд тэр үед нь би сэрсэн. Би ямар гайхалтай үзэгдэл харсан гээч! Би эцсийн цагийн үйл ажиллагаанууд – тэр сүүлчийн мөчийг харсан. 7-р сарын 27-ны өглөөний 2:30 цагт, яг өмнөхтэй адилхан илчлэлт, адилхан зөнгийн үзэгдэл дахин ирэв.Бурхан дэлхий даяар эрэгтэй, эмэгтэй хүмүүсийг энэ үйлчлэлээр тослож буюу ариусал, аврал олгож байгаа тул бид тэр төгсгөлийн цаг үед амьдарч байгаагаа ухаарах үед, миний амьдрал өөрчлөгдсөн. Энэ нь шашны сургаал биш байх болно. Энэ нь сүмийн шашин биш байх болно. Энэ нь Есүс Христ байх болно. Тэд Эзэний Үгийг тунхаглаж, ‘Би үүнийг зөнгийн үзэгдэлд олон удаа сонссон бөгөөд миний үгийн дагуу энэ биелэх болно’” гэж хэлнэ.Эцсийн цагийн үйл ажиллагаа нь “сүмийн шашин” эсвэл тодорхой “шашны сургаал” биш, харин Эзэн Есүс Христийн эргэн тойронд төвлөрөх болно гэсэн чухал мессежийг дамжуулсанд нь бид Санваартан Томми Хиксд талархал илэрхийлье. Энэ нь бидний хүн нэг бүр Христийн Ухамсрыг сэрээж, Есүс Христийн сургаалтай нийцүүлэн ариун амьдралаар амьдрах ёстой гэсэн утгатай юм. Энэхүү сүүлийн цагт бидний Хамгаас Хайртай Төгс Гэгээрсэн Их Багш Чин Хай 2026 оны 4-р сарын захиасдаа Дэлхий дээрх цаг хугацаагаа ухаалгаар ашиглахыг бидэнд дахин нэг удаа анхааруулсан. Учир нь бидний үйлдлүүд биднийг огт өөр төгсгөл, хувь тавиланд хүргэж чадна.Диваажингийн жаргал, аз жаргалыг үгээр үнэхээр дүрслэх боломжгүй. Тамын зовлон, өвдөлт, шаналал, тарчлалыг ч мөн үгээр дүрслэх аргагүй. Надад итгээрэй. Энэ бүхнийг та нарт хэлснээр би юу ч хожихгүй. Гуйя, гуйя, энэ дэлхийгээ анхаарч хамгаалаарай. Тэгвэл та нар эндээ үргэлжлүүлэн амьдарсаар хүүхдүүд, ач зээ, гуч, ирээдүй хойч үеийнхэндээ сайн өв үлдээж чадна. Тэд энэ гараг дээр энх тайван, Бурханы Хүслийн дагуу амьдарч байж л сайхан амьдрал, аз жаргалтай амьдралыг баталгаажуулан, дараа нь ялгуусан байдлаар Гэртээ буцаж, Тэнгэр дэх жинхэнэ Гэртээ бүр илүү, хавьгүй илүү их сайхан, илүү таатай, илүү аз жаргалтай, илүү жаргалант амьдралаар амьдрах болно.
