Дэлгэрэнгүй
Татаж авах Docx
Дэлгэрэнгүй уншаарай
Өнөөдөр би дахиад алс хязгаараас ирсэн нэгэн Хаантай уулзалт хийхээр хүлээж байлаа. Гэвч өглөө юу ч болсонгүй. Тэгээд би Энх Тайвны Хаанаас учрыг асуухад, хоёр гурав хоногийн өмнө надад тохиолдсон, миний санахгүй байгаа нэг явдлаас би бүрэн эдгээгүй тул надад зориулж ямар нэгэн уулзалт зохион байгуулахыг Түүнд МАПА зөвшөөрөхгүй байна гэж Тэрээр хэлэв. Бурхан минь, МАПА надад ингэж их санаа тавьж, халамжилдаг гэж би мэдсэнгүй. ТЭР намайг Энх Тайвны Хааны зохицуулалтаар ТҮҮНИЙ ажлыг үргэлжлүүлээсэй гэж хүсэж байгаа атлаа тэр шүү дээ. Гэхдээ дараа нь би хүсэлт тавьж, миний хүсэлтийн дагуу ингээд бид алс холын нэгэн Хаантай бас нэгэн уулзалтыг хийж байна. Ийнхүү өнөөдөр бидэнд Ви Орны Цог Жавхлант По Хаантай уулзах хосгүй нэр төрийн хэрэг, ихээхэн завшаан тохиож байна. По, P-O. Орны нэр нь Ви, W-E. Таны Сүнслэг дээд, Сүнслэг сүр жавхлант тэрхүү ертөнц хэр хол вэ? Биднээс хэр хол байдаг вэ, Цог Жавхлант По Хаантан? “Танай ертөнцийн хэмжүүрээр ойролцоогоор 18 их наяд 900 тэрбум...” гаруй. Араас нь үргэлжлэх тоо урт тул би үүнийг л санаж байна. Тиймээс их наяд, тэрбумыг нь л тэмдэглэе гэж бодсон. Их наяд, тэрбум гэдэг Дэлхийн бидний хувьд асар их тоо. Хөөх. Төсөөл дөө, тийм хол. Гэрлийн жилээр хэмжигдэх зай. Дэлхий дээр Парисаас хаа нэгтээ хүрэхтэй адил километрээр хэмжигдэхгүй. Парисаас Нью-Йорк хүрэхэд дуунаас хурдан онгоцоор гурав, дөрвөн цаг явна. Аль дээр тийм байсныг би санаж байна. Би олон жил онгоцоор нисээгүй л дээ. Боломжтой бол, хэт хол биш газар руу усан замаар, эсвэл машинаар явдаг. Энэ олон их наяд, тэрбум, сая гэдэг бол хөөх... үнэхээр асар их тоо. Яг таг мэдэх шаардлагагүй. Учир нь энэ нь манай дэлхийн шинэ бүтээл, өндөр технологийн хүрч чадахаас хэдийн давсан асар хол зай. Бусад сүнслэг гарагтай харьцуулахад бид хэчнээн хоцрогдсоныг төсөөл дөө. Цог Жавхлант Хааны алдар По. Тэдний хэлээр По нь “энх тайван” гэсэн утгатай. Тэдэнд бидэн шиг хүний хэлээр харилцан ярилцах шаардлага байхгүй л дээ. Тэд дотоод телепати ашигладаг. Бид үүнийг телепати гэдэг. Ви хэмээх Буддагийн Ертөнцийн, Буддагийн Орны нэр нь “эрхэм хүмүүс” гэсэн утгатай. Гайхалтай. Хүн бүр нь эрхэм хүн хэмээн хүлээн зөвшөөрөгдөж, Хааныг нь Энх Тайван гэж нэрлэдэг тийм ертөнцөд би ч амьдрахыг хүсэх л юм байна. Цог Жавхлант По Хаантан, Таныг өнөөдөр хүлээн авч буй нь бидний хувьд нэр төрийн хэрэг хэмээн баярлаж байна. Миний майхан тэсэхийн аргагүй халуун тул Таныг нэлээд удаан хүлээлгэчихлээ. Өнөөдөр майхан дотор (Цельсийн) 36,8 хэм орчим байна. Өглөө эрт сэрүүн байдаг учраас уулзалтыг ердийнхөөр бол эрт зохион байгуулдаг. Тэгж чадаагүй тул би сэрүүхэн газар хайгаад байлаа. Харин одоо би арай таатай, илүү сэрүүхэн газар байгаа тул илүү тайван уулзаж чадахаар байна. Та харин, яг одоо манай гаргийн халууныг мэдэрч байна уу? “Үгүй, үгүй. Бид энд ямар ч халуун мэдрэхгүй. Бид хүйтэнд хөлдөхгүй, халуунд түлэгдэхгүй байж, өөрсдийгөө зохицуулах тогтолцоотой.” Хөөх! Гайхалтай! Энэ дэлхий цаг агаарын нөлөөг хувиргах тийм буянтай болоосой гэж би хүсэж байна. Хүйтэн нь зүгээр л таатай болж, халуун нь ч биед ердийн мэт байдаг болно доо. Одоогоор Дэлхий дээр, тухайлбал халуун гэж тооцогддоггүй ердийн сэрүүн орон Англид хүртэл энэ долоо хоногийн зарим өдөр хэт хална гэж Daily News (Дэйли Ньюз) болон миний үзсэн бусад мэдээнд мэдээлсэн байна. Зарим хүн үүнийг тэсэж чадахгүй. Зарим нь агааржуулагч авах боломжгүй. Мөн олон хүн Английг ийм их хална гэж бодох ч үгүй. 39 хэм хүртэл хална гэдэг эмзэг цагаан арьстай англичуудын хувьд дэндүү халуун. Тийм халуун тэдний хувьд цөл шиг санагдана. Ийм хэт халууны давлагаатай тулгарч буй англичууд болон бусад орны хүмүүсийг би өрөвдөж байна... Сахарын цөлийн сэрүүвтэр өдрүүдтэй бараг адил халуун. Тийм ээ, Эрхэм ээ. Гэхдээ хэрвээ Та энд ирэхдээ ашигладаг тээврийн хэрэгслийнхээ дотор байгаа бол, энд бидний агааржуулагч гэж нэрлэдэг шиг агаар тохируулах төхөөрөмжтэй байдаг биз дээ? “Үгүй ээ, манай нутагт ч, аяллын хөлөгт маань ч тийм төхөөрөмж байдаггүй. Бид ердөө өөрсдийн сүнслэг хүчийг ашиглаад л дасал бус бүхнийг зохицуулдаг. Танай энэ гараг дээрх цаг агаар гэхэд л бидний хувьд өөрсдийн маань ертөнцөөс огт өөрцгүй.” Хөөх, хөөх, хөөх! Ямар сайхан юм бэ. Тэгвэл агааржуулагч зэрэг зүйлд их мөнгө үрж, агаарыг бохирдуулах шаардлагагүй. Манай гаргийнх шиг цаг агаарын өөрчлөлт огт нөлөөлөхгүй, агааржуулагчтай гэртээ байгаа мэт байх ийм сүнслэг хүчийг олтлоо Таныг хэчнээн удаан бясалгасныг мэдэхгүй юм. Сүүлийн үед энд хаа сайгүй шуурга, үер, газар хөдлөлт их олноор тохиолдож байна. Танайд манайх шиг тогтворгүй, таагүй, аюултай цаг агаар байдаггүй байх. “Үгүй, байдаггүй. Манай сүнслэг ертөнцөд өдөр бүр адилхан тав тухтай. Өдөр бүр ижил. Бид үргэлж тав тухтай амьдардаг.” Хөөх. Энэ гараг дээрх манай амьдрал Танайх шиг тав тухтай болоосой гэж чин сэтгэлээсээ хүсэж байна. Манай энэ дэлхий дээрх улс орнуудын байрлал өөр учраас цаг уур олон янз. Тиймээс зарим улс өвөлдөө хөлдөм хүйтэн байхад, зарим нь зундаа, бүр өвөлдөө ч маш их халуун байдаг. Цөлийн ойролцоо, эсвэл цөлд оршдог зарим орон маш халуун. Өдрийн нар тэсэхийн аргагүй төөнөдөг учраас хүмүүс заримдаа гадагш гарч чаддаггүй. Таны ард түмэн Таныг Удирдагч, Хаан, Будда Хаанаа болгож, буяныг Тань хүртэн, бидний төсөөлдөг диваажин мэт амьдардаг нь үнэхээр азтай. Тийм ээ, мэдээж Будда Хааны Орон диваажин шиг үзэсгэлэнтэй. Үүнийг Шагжамуни Буддагийн дүрсэлсэн Авид Бурханы Орон мэт “Буддагийн Орон” гэж нэрлэж болно. Эсвэл Будда Хааны Орны өөр нэг нэрийг “диваажин” хэмээж болно. Тийм биз дээ, Эрхэм ээ? “Тийм ээ, тийм. Тийм ээ, үнэхээр тийм. Энэ бол манай хүмүүс цаг агаарын халуун, хүйтэн, газар хөдлөлт, шуурга, аянга цахилгаантай аадар бороо, гол үерлэж эргээсээ халих, гудамж үерт автах зэрэг ямар ч гамшгаас болж өвдөж, зовж, тавгүйтдэггүй диваажин юм.” Тийм ээ, Эрхэм ээ. Манай ертөнц ийм болоосой гэж бид үнэхээр хүсдэг. Гэхдээ сүнснүүд дээд хэмжээснээс бууж ирээд, Дэлхий дээр ургасан зүйлийг идэж эхлэхээс өмнө манай ертөнц ийм, бараг л ийм байсан. Ингэснээр тэдний гадаад төрх улам хүндэрч, эрэгтэй, эмэгтэй, ижил хүйстэн гэх мэт хоёр, гурван хүйсийн ангилалд хуваагдсан. Үүнээс болж хүмүүс бүхнийг зөвхөн өөртөө хураахын төлөө чармайн, улам сувдаг хомхой сэтгэлтэй болцгоосон юм. Тэгээд шуналдаа хөтлөгдөн, өөрсдөдөө болон ойр дотнынхоо хүмүүст илүү их хоол хүнс булаан авахын тулд тэмцэлдэж, бүр нэгнээ хөнөөдөг болсон. Ийнхүү алхам алхмаар энэ дэлхий тав тух муутай, диваажин шиг биш газар болон хувирч, өнөөгийн бидний амьдарч буй энэхүү замбараагүй ертөнц болох хүртлээ улам бүр дордсоор иржээ. Хомхой сэтгэлээсээ болж, мөн харилцан адилгүй амт таашаал сонирхлоосоо болж, дэлхийнхэн энэ байдалдаа улам дассан. Тиймээс тэд амтлах хүслээ, эсвэл тав тух, таатай байдалд шунах сэтгэлээ хангахын тулд улам ихийг авахыг хичээсэн. Ийнхүү тэд бусдыг хянан эрхшээх, дарамтлах, дээрэлхэх, боолчлох, цаашлаад бие биеэ сөнөөх, хөнөөх, эсвэл бүрмөсөн устгахаас өөр юуг ч үл мэдэх сөрөг хүчний хамгийн муу муухай төрөлтнүүдийг өөртөө татсан юм. Ингэж бид өнөөгийн ийм ертөнцийг үүсгэсэн юм, Эрхэм ээ. Photo Caption: “Амьдралыг Хүн Өөрөө Бүтээдэг, Урсах Цаг Хугацаа Үнэ Цэнтэй”
