анхаарал тавина. Энэ дэлхий дээрх амьтай бүхэн нэг бөгөөд нэгэн ижил болохыг хүмүүс ойлгосон цагт, эцсийн эцэст бид тэр л цагт сүр жавхланд хөл тавих болно.

Ау Лак буюу (Вьетнам)-аас Гия Му-гийн аулак (вьетнам) хэл дээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Хайрт Их Багш аа, ❤️ 2017 онд би Шихү Ашрамд болсон Аръяабалын бясалгалын даяанд оролцсон юм. Гол танхимын урд олон өндөр, том мод байв. Би налж бясалгах зорилгоор нэгийг нь сонгож Модонд хандаж: “Их Багш гарч ирвэл энэ газрыг надад хадгалаарай, за юу?” гэж хэлсэн юм. Тэгээд Их Багш гарч ирэх үед, Мод яаж тэгж зохьцуулсныг мэдэхгүй, гэхдээ хамгаалагч намайг дагуулж яваад, яг тэр газарт суулгасан ба Их Багшийг маш тод харах боломжийг олгосон.

Тэр газарт олон могой-хүмүүс байдаг гэж хүмүүс ярихыг би сонссон тул, бясалгалын үеэр би тэдэнд хандаж “Би та нараас их айдаг. Хаана байгаагаа надад мэдэгдээрэй, гуйж байна, улмаар би та нараас зайлсхийх болно” гэж хэлтэл тэд “Бид нар хулсан төгөлд амьдардаг” гэж хариулахыг нь сонссон. Би Их Багшид болон тэр Ариун Газрын бүх зүйлд чимээгүй талархав.

Ау Лак (Вьетнам) руу буцаж ирэхэд, нөхөр маань гэртээ үндсийг нь бүгдийг нь тасдчихсан залуу чангаанзны мод худалдаж авчраад суулгасан юм. Би модонд хандаж “Одоо чи энд ирсэн болохоор хүчтэй амьдрахыг хичээгээрэй. Би Их Багш Тим Ко Тү-д хандаж Ивээл, Адислалаа чамд хайрлахыг хүсч залбирах болно” гэсэн юм. Гурван сарын дараа бясалгал хийж байхдаа, залуу чангаанзны мод “Хатагтай, би одоо амьдарч чадна. Би одоо амьдарч чадна, хатагтай” гэхийг сонсов. Гадаа гарч, түүний их биеэс олон шинэ нахиа гарч байгааг харсан.

Бид бас таван нохой-хүмүүсийг хардаг. Тэдний нэг нь өвдсөн. Би түүнийг малын эмчид аваачиж, тэрнийг аврахын тулд бүх зүйлийг хийсэн боловч найдваргүй байв. Түүнийг арай ядан амьд, өвдөн хэвтэхийг хараад би Их Багшид залбирч түүний оронд надад зовлонг нь үүрүүлэхийг хүсэн залбирч, сүнслэг буяныхаа хэсгийг түүнийг эрүүл болгоход өргөхийг хүссэн юм. Тэгээд би түүнд “Би Тим Ко Тү Их Багшаас сүнсийг чинь харж, анхаарал тавин, зовлонг чинь багасгахыг хүсч гуйлаа!” гэж хэлсэн. Тэр над руу хараад тэгээд тайван өнгөрсөн юм. Түүнийг нас барснаас хойш, хоёр хоногийн дараа би бясалгал хийж байхдаа, түүнийг “Хатагтай, би одоо хүн болсон —эрэгтэй хүү” гэхийг сонссон. Их Багш аа, миний дотор хүчтэй оргилсон баяр жаргал төрсөн. Та бүх оршихуйн төлөө үргэлж хамгийн сайныг хийдэг.

Та үргэлж Эрүүл Энх, Амар амгалан байх болтугай гэж залбиръя. Миний чин зүрхний хүсэл Их Багшийн гэрээс гарсан шавь нарын нэг болж, Таны биеийг асарч, халамжлах юм. Их Багшийн бие махбодийг үргэлж хамгаалж, халхалж, халамжилдаг Диваажингийн ертөнцүүдэд чин сэтгэлээсээ талархаж байна. Мөн Их Багшийг үргэлж үнэнчээр хамт дагалдаж буй Суприм Мастер Телевизийн багт талархаж байна. Ау Лак (Вьетнам)-аас Гия Mу

Жаргалтай Гия Mу, төрөл бүрийн оршихуйнуудтай харилцаатай байж, хуримтлуулсан гайхалтай олон туршлагуудаа хуваалцсанд баярлалаа! Та болон энэрэнгүй Ау Лак (Вьетнам)-ийн ард түмэн БУРХАН-ы Адислалыг үргэлж мэдрэх болтугай. Их Багш хайрын хариу илгээлээ:

“Энхрий Гия Mу, таны захиа бүх амьд оршнолуудын амьдрал хоорондоо хэрхэн уялдаа холбоотой байдгийг харуулсан гайхалтай жишээнүүдийг агуулсан байна. Нэг мод таныг халамжилж байгаа шиг, та өөр нэгэнд нь анхаарал тавина. Их Багшийн Хүч таны сүнсэнд анхаарал халамж үзүүлж байхдаа, мөн таны хайртай нохой андыг шинэ төрөл олоход нь ч бас анхаарал тавина. Энэ дэлхий дээрх амьтай бүхэн нэг бөгөөд нэгэн ижил болохыг хүмүүс ойлгосон цагт, эцсийн эцэст бид тэр л цагт сүр жавхланд хөл тавих болно. Миний сайн сайхны төлөө сайныг хүсч, үргэлж надад тусалж, халамжлах хүсэлтэй байдагт баярлалаа. Бүх зүйл БУРХАНЫ төлөвлөгөөгөөр болдог. Та болон Ау Лак (Вьетнам)-ын сайхан сэтгэлтэй ард түмэн Диваажингийн хайр Халамж хүртэн адислагдах болтугай. Танд болон таны эргэн тойрныхонд маш их Хайр хүсье! Тэднийг хайрлаж, сайн халамжлаарай.”