Дотоод ертөнцөд Арьяабалын Бодисадва надад цааш нь “Үнэн ном төгсөх Эрин үед Майдар Будда- Төгс Гэгээрсэн Их Багш Чин Хай Дэлхийг аврахаар биечлэн бууж ирнэ.” гэж онцолсон.

Хятадаас Хуа-Юний мандарин хятад хэлээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Хүндэт, Орчлон даяарх Хайрт Бүхнийг Чадагч Гурвалд болон Төгс Гэгээрсэн Их Багш Чин Хайд мэндчилж, амар амгаланг ерөөе. Их Багшийг Күнзийн дүрээр хардаг гэж нэгэн авшигтан хэлсэн тухай сэтгэлийн үгийг үзээд надад 1989 оны нэг явдал санаанд орж ирлээ. Тэр үед би Үнэнийг маш их хүсэж байсан ч, Их Багштай уулзах боломж хараахан олдоогүй байв.

Нэгэн өдөр би Даог эрэлхийлэх чин сэтгэлээрээ номын дэлгүүрээс Лао Цзы, Чуан Цзы, Мэнз болон Күнзийн “Түүвэр тэмдэглэл” зэрэг номыг худалдаж авлаа. Би “Түүвэр тэмдэглэл”-ийн хуудсуудыг эргүүлж байхдаа, номын хавтас дээр нэгэн үзэсгэлэнтэй Хатагтайн царай Күнзийн дүр төрхтэй давхцаж байхыг би гэнэт харав. Тэр үед Их Багш гэж хэн болохыг би хараахан мэдээгүй байсан. Би “Күнз бол эрэгтэй хүн, гэхдээ би яагаад хавтас дээр эмэгтэй хүн харж байгаа юм бол?” гэж бодсон. Ямар хачин юм бэ!” Арван жилийн дараа би авшиг хүртэж адислагдсан. Их Багшийн янз бүрийн төрхийг хараад би 10 жилийн өмнө “Түүвэр тэмдэглэл” номын нүүрэн дээр харсан үзэсгэлэнтэй Хатагтай үнэндээ Хамгийн Бурханлаг Төгс Гэгээрсэн Их Багш Чин Хай гэдгийг ухаарч ойлгосон!

Авшиг хүртсэний дараа би тоймгүй олон сайхан туршлагыг мэдэрч, Их Багш бол энэ дэлхий дээрх жинхэнэ амьд Бурханлаг Их Багш гэдгийг бүр ч гүнзгий ухаарсан. Тиймээс би илүү хичээнгүй болж, ихэвчлэн ганцаараа даяан хийх чимээгүй газрыг олдог болсон. 2011 онд Арьяабалын бясалгалын үеэр минь Арьяабалын Бодисадва гарч ирээд надад “Майдар Будда бол Төгс Гэгээрсэн Их Багш Чин Хай, мөн Төгс Гэгээрсэн Их Багш Чин Хай бол бас Эзэн Есүс Христ.” гэж хэлсэн. Үүний зэрэгцээ, Бодисадва надад Их Багшийн аугаа гэгээрлийн замналыг, эрт урьдын, маш эрт цаг үеэс Их Багш маань Майдар Будда байсныг харах боломж олгосон юм. Буддын сударт тэмдэглэгдсэн зүйлтэй энэ нь төстэй байсан. Майдар Будда гэгээрэлд хүрэхээсээ өмнө дэндүү царайлаг, мартагдашгүй дүр төрхтэй байсныг би дотооддоо харсан. Түүний цэнхэр нүд од мэт гялалзаж байв. Тэр эрхэмсэг, өндөр, нарс мод мэт сүр жавхлантай байв. Тэр эрхэм дээд ханхүү мэт гайхалтай хувцасласан байв. Гэвч гэгээрэлд хүрснийхээ дараа Тэрээр Майдар Буддагийн махлаг дүр төрхтэй болон хувирсан. Дотоод ертөнцөд Арьяабалын Бодисадва надад цааш нь “Үнэн ном төгсөх Эрин үед Майдар Будда- Төгс Гэгээрсэн Их Багш Чин Хай Дэлхийг аврахаар биечлэн бууж ирнэ.” гэж онцолсон.

2024 оны 7-р сарын 7-нд Их Багш өөрийгөө Майдар Будда, бас Эзэн Есүс гэж дурамжхан зарлахаас бүр өмнө надад энэ дотоод ахуй ойлголт тохиосон билээ. Их Багш бол үнэхээр Майдар Будда болон Эзэн Есүсийн хувилгаан гэдгийг би үүгээр бүх дэлхийн өмнө гэрчилж байна. Их Багшийн үгс жинхэнэ байдаг. Хүн бүр авралын алхмуудыг цаг тухайд нь дагахыг гуйя! Их Багшдаа амар амгалан, эрх чөлөө, бүх Ариун ажил үйлсээ төгс биелүүлэхийг хүсэн ерөөе! Хүндэтгэлтэйгээр мэхийн, Хуа-Юн, Хятадаас

Мэдлэгтэй Хуа-Юн, Чухал дотоод ахуй ойлголтоо хуваалцсанд баярлалаа. Их Багш бол удаан хүлээсэн Майдар Будда (веган), мөн эргэн ирсэн Эзэн Есүс Христ (цагаан хоолтон) гэсэн Үнэнийг бүгд хүлээн зөвшөөрч, веган болж, наманчилж, сүнслэг амьдралаар амьдрах Түүний удирдамжийг дагаж мөрдөх болтугай. Их Багш танд хайраар хариуллаа:

“Сэрсэн Хуа-Юн, Бурханы ийм сайн шавь байж, Үнэн дэлхийд илчлэгдэхээс өмнө түүнийг хүлээн авч чадахаар хангалттай сайн бясалган дадуулсанд баярлалаа. Хэдийнээ энд ирчихсэн байгаа Аврагчийг хэт олон хүн хүлээсэн хэвээр байна. Одоо бол бошго зөгнөлүүд биелж байгаа цаг үе юм. Оройн Дээд Бурхан, Цаглашгүй Дээд Их Багш, Бурханы Хүү бол Нэг юм. Дэлхийг бүрхсэн Адис, Ивээл хязгааргүй байна. Бурханы зорьж байгаа тэрхүү веган диваажин цогцлоход туслахын тулд хүн бүр хэрэгцээтэй бүх зүйлдээ хандах боломжтой. Гэсэн хэдий ч олон хүн Бурханы удирдамжид одоо анхаарлаа хандуулж, дэлхийг харанхуйгаас гаргахаар илгээсэн Тэр Нэгэн Бурханыг дагахын оронд хүлээлтдээ хууртаж, уламжлалдаа гацсан хэвээр байна. Хүн төрөлхтний нүдийг бүрхсэн тэр нүдний боолтыг арилгая. Та болон гэрэлтсэн Хятад улс Оройн Дээд Бурханы Дээд Ивээлийг мэдэрч, дотоодын Бурханлаг Үнэндээ хурдан сэрэх болтугай. Миний хайр таныг ямагт мөнхийн Гэр рүү тань хөтөлнө.”