Мэдрэмжтэй, халамжтай, мэдрэхүйт төрөлтний хувьд бид бие биедээ тусалбал өөрсдөдөө тусалдаг.

Одоо Шинэ Зеландын Миллигийн сэтгэлийн үгийг хүргэж байна:

Эрхэм Их Багш аа, нэг жилийн өмнө би замын хажууд хаягдсан муурын зулзага олж харсан юм. Амьтан-хүний эмчид үзүүлэхэд түүнийг амьд үлдэхгүй гэж хэлсэн ч би түүнд олон веган муурны хоол өгч, дулаацуулж байсан. Тэрээр амьд үлдэж, эрүүл саруул, хөгжилтэй болсон. Түүнийг миний дуртай ногооны нэрээр Хулуу гэж нэрлэсэн! Тэр үед би хувийн асуудалтай тулалдаж байсан бөгөөд сүнслэг, бие бялдар, оюун санааны хувьд тийм ч сайн үе байгаагүй. Гэсэн хэдий ч Хулуу миний амьдралд орж ирсний дараа би бараг тэр даруй сайжирсан. Миний эрүүл мэнд, оюун санааны дасгалууд сайжирсан. Одоо жилийн дараа би бясалгалаа сайн хийж, машид жаргалтай, эрүүл саруул байна.

Хулууг миний амьдралд орохыг зөвшөөрч, миний сүнслэг бясалгал, бие махбодын сайн сайхан байдлыг бүхий л талаар адисалсан Их Багш болон Бүхнийг Чадагч Бурханд талархал илэрхийлье. Хэдийгээр би Хулууг олсон ч энэ бяцхан зулзага намайг аварсан юм шиг санагдаж байна! Ээж бид хоёр гуниглах үед Хулуу ирж биднийг үнсэж тэвэрнэ. Өглөө бүр тэр биднийг өглөөний 5 цагт сэрээж бясалгуулдаг!! Хулуу бараг бүх насаараа веган байсан бөгөөд тэрээр саяхан 1 настай хүрлээ! Бид түүний шим тэжээлийн бүх хэрэгцээг хангасан, үргэлж аз жаргалтай, эрүүл, эрч хүчтэй болгодог Benevo, Ami брэндийн веган муурын хоол худалдан авдаг. Их Багш аа, энэ Ертөнцийн төлөө хийсэн бүхний Тань төлөө дахин баярлалаа. Хулуу бол Таны надад болон энэ гараг болон бусад гараг дээрх бүх төрөлтөнд тусалсан олон арга замуудын өчүүхэн жишээ юм. Тандаа үүрд хайртай!! Шинэ Зеландаас, Милли

Гэрэлт Милли, таны Хулуутай хамт өнгөрүүлсэн аз жаргалтай үеийн талаар уншихад таатай байна. Хуваалцсанд баярлалаа.

Их Багш эдгээр урам зориг, итгэл найдвар бүхий үгсээр хариуллаа: “Хайрт Милли минь ээ, Арьяабалын бясалгалын өрөвч, энэрэнгүй бясалган, дадуулагч байгаад баярлалаа. Эзэн Есүсийн үеийн “Бусдад хандахдаа бусдын өөрт хандаасай гэж хүсдэг шигээ ханд” гэж энэрэнгүйгээр зааж, сургасан үгийг таны илгээсэн захидал санууллаа. Хүн төрөлхтөн, амьтан-хүмүүс, ургамалууд, Дэлхий, Оройн Дээд, бид бүгд Нэг, Мэдрэмжтэй, халамжтай, мэдрэхүйт төрөлтний хувьд бид бие биедээ тусалбал өөрсдөдөө тусалдаг. Ийм л энгийн. Хэрэв хамаг төрөлтнүүд энэ Үнэнийг үнэлж чадвал манай дэлхий гайхалтай сайхан газар болж, хүн бүхэн хайр дүүрэн эв найрамдалтай амьдрах байсан. Та бүхэндээ маш их Хайраа илгээе. Та болон өөдрөг Шинэ Зеландын ард түмэн Байгаль Эх биднийг тэжээн тэтгэж байдаг шиг амьд бүхнийг үнэлж, эрхэмлэх болтугай. Танд болон таны өхөөрдөм муур Пумкинд Хайртай шүү.”