ӨДӨР ТУТМЫН МЭДЭЭ-ний гол тойм – 2026 оны есдүгээр сарын 20

АНУ-ын Ерөнхийлөгч Доналд Трамп Иран улстай хийж буй дайн 11-р сарын сонгуулиас өмнө өөрийнх нь хэлснээр “үнэхээр сайн төгсгөлд” хүрч магадгүй гэжээ. Тэрээр АНУ Иран улстай шууд хэлэлцээр хийж байгаа бөгөөд Иран улс тохиролцоонд хүрэхийг эрмэлзэж байна гэжээ. (Fox News)

Ираны Гадаад хэргийн сайд Аббас Арагчи тус улс бүс нутгийн тайван байдлыг сэргээж, хөршүүдтэйгээ энх тайван харилцаатай байхыг хүсэж буйг дурдаад, бүс нутгийн орнуудтай яриа хэлэлцээр хийж эхэлсэн гэжээ. (Fox News)

Ерөнхийлөгч Доналд Трамп 9-р сарын 22-нд [АНУ-ын] Нью-Йорк хотноо болох НҮБ-ын Ерөнхий Ассамблейн үеэр Персийн булангийн зургаан орны удирдагч, гадаад хэргийн сайд нартай уулзаж, Ираны дайн болон дайны дараах стратегийн талаарх АНУ-ын саналыг хэлэлцэх төлөвтэй байна гэж Аксоис агентлаг гурван эх сурвалжаас эш татан мэдээлжээ. Саудын Араб, Арабын Нэгдсэн Эмират, Катар, Бахрейн, Кувейт, Оманы төлөөлөгчид оролцох төлөвтэй байгаа бөгөөд Арабын болон Лалын шашинт бусад орны удирдагчид ч нэгдэж магадгүй байна. (Axios)

АНУ-ын дипломатчид 2025 оны 5-р сард АНУ ба Хуситуудын хооронд байгуулсан гал зогсоох хэлэлцээрийг хэвээр хадгалж, Баб-эль-Мандебын хоолойг нээлттэй байлгах талаар Оман улсад Хуситуудын төлөөлөгчидтэй уулзжээ. Саудын Арабтай дахин тулалдаж эхэлсэн ч гал зогсоох хэлэлцээрийг үргэлжлүүлэх хүсэлтэйгээ Хуситууд илэрхийлж, зөвхөн Саудын Арабын хөлөг онгоцыг онилон, бусад хөлгийг саадгүй нэвтрүүлнэ гэж амлав. АНУ Саудын Арабын цэргийн оролцоо хүссэн саналуудыг одоогоор хүлээж аваагүй байна. (Axios)

АНУ-ын Конгресс Украин (Урейн)-ы дайны улмаас Оросын эсрэг чиглэсэн хоёр намын дэмжлэгтэй хоригийн хуулийн төслийг баталж, Ерөнхийлөгч Доналд Трампад хүргүүлсэн бөгөөд Тэрээр гарын үсэг зурах төлөвтэй байна. Тус хууль нь Оросын эрчим хүч импортолдог орнуудад 100 хүртэл хувийн татвар ногдуулж, Оросын албан тушаалтнууд, банк болон газрын тос тээвэрлэгч хөлөг онгоцнуудад хориг тавих эрх олгоно. (Al Jazeera)

Орос бүрэн хэмжээний довтолгоогоо эхлүүлснээс хойш 2026 оны 8-р сарын 31 хүртэл Румын улс Украин (Урейн)-ы 220,881 иргэнийг түр хамгаалалтад бүртгэсэн гэж Румыны цагаачлалын ерөнхий газар мэдээлжээ. (Ukrinform)

КОВИД-19 цар тахлын улмаас зургаан жил завсарласны эцэст Оросын шуудан Хойд Солонгос руу захидал, ил захидал, хэвлэмэл материал илгээх үйлчилгээгээ сэргээжээ. Тээвэрлэлтээр 20 хүртэл килограмм жинтэй илгээмжийг [Оросын] Владивосток хотоор дамжуулан [Хойд Солонгосын] агаарын Пёньян хот руу тээврээр 15 хоногийн дотор хүргэнэ. (The Moscow Times)

Израил, Марокко улсууд 9-р сарын 16-нд [АНУ-ын] Нью-Йорк хотноо АНУ-ын албан тушаалтнуудтай хэлэлцээр хийсний дараа бүрэн эрхт элчин сайдын яамдаа байгуулж, элчин сайдуудаа солилцохоор тохиролцжээ. Тэд мөн хөрөнгө оруулалтыг хамгаалах, давхар татвараас зайлсхийх хэлэлцээрүүдийг эцэслэж, худалдаа, технологи, бүс нутгийн аюулгүй байдлын хамтын ажиллагаагаа өргөжүүлэхээ амлажээ. (Fox News)

АНУ-ын Агаарын хүчний нарийн бичгийн дарга Трой Мейнк хиймэл дагуулаас ихээхэн хамааралтай ажиллагаа явуулдаг Америкийн хүчнийг хамгаалахад туслах зэвсгүүд Сансрын хүчний мэдэлд дэлхийн тойрог замд хэдийн байрлаж буйг мэдэгджээ. Тэрээр эдгээр зэвсэг хэрхэн ажилладаг болон хэзээ байршуулсныг задруулахаас татгалзсан байна. Хятад, Орос улсууд өөрсдийн сансрын зэвсгийг хөгжүүлж буй тул АНУ сансарт үйл ажиллагаа явуулах чадавхаа хамгаалах шаардлагатай гэж Агаарын хүчний нарийн бичгийн дарга Мейнк мэдэгджээ. (Fox News)

Европын Комиссын ерөнхийлөгч Урсула фон дер Ляйен Канад удсыг Европын Холбооны анхны “холбоот гишүүн” болохыг урьжээ. Бүрэн гишүүнчлэлээс ялгаатай энэхүү шинэ статусын нөхцөл болон саналын эрх одоогоор тодорхойгүй байна. АНУ-тай худалдааны маргаантай байгаа Канад Европтой харилцаагаа бэхжүүлэхийг зорьж буй энэ үед тэрээр технологи, батлан хамгаалах, эрчим хүч, чухал ашигт малтмалыг хамарсан илүү нягт холбоо байгуулахыг мөн санал болгожээ. (euronews)

Цагаан ордны мэдээлснээр [АНУ-ын] Теннесси мужийн Мемфис хотод нийт гэмт хэрэг өнгөрсөн оныхоос бараг 36%-иар буурч, хүн амины хэрэг 36%, дээрэм 42%-иар цөөрчээ. АНУ-ын Ерөнхийлөгч Доналд Трамп Мемфисийн аюулгүй байдлын шуурхай бүлгийг байгуулсны нэг жилийн ойгоор засаг захиргаа 12,747 хүнийг баривчилж, хууль бус 2,160 галт зэвсэг хураан авч, сураггүй болсон 189 хүүхдийг олсныг мэдээлжээ. Тус шуурхай бүлэг холбооны, мужийн болон орон нутгийн 30 гаруй байгууллагыг нэгтгэдэг. (The White House)

Библийн Тооллого 11:5-д өгүүлснээр сонгино нь израилчууд Египетээс гарсныхаа дараа санагалзсан хүнсний нэг байжээ. Өнөөдөр энэхүү түгээмэл ногоог зөвхөн амтнаас нь гадна өөр олон ач тусаар нь үнэлдэг. Сонгино нь үл исэлдүүлэгч, үрэвслийн эсрэг шинж чанараараа судлагдсан ургамлын нэгдэл болох кверцетин агуулдаг. Мөн гэдэсний ашигтай нянг тэжээж, хоол боловсруулах эрхтний эрүүл мэндийг дэмждэг фруктан хэмээх пребиотик эслэг агуулна. (Old Oak Gardening YouTube суваг)

Далавчит шош нь ургамлын гаралтай олон төрлөөр ашиглаж болох уургийн эх үүсвэр бөгөөд боловсорсон үрийн хуурай жингийн 32–36%-ийг уураг эзэлж, лизин, метионин зэрэг зайлшгүй шаардлагатай амин хүчлүүдийг агуулдаг. Дөрвөн талт шош гэж нэрлэдэг энэ ургамлын залуу буурцаг, навч, цэцгийн нахиаг хүнсэнд хэрэглэж болдог. Энэ нь эслэг, аминдэм, эрдэс бодисоор хангаж, олон төрөлт тэнцвэртэй хооллолтыг баяжуулна. (Vietnamnet)

[Австралийн] Шинэ Өмнөд Уэльс мужид H5 шувууны томууны найман шинэ тохиолдол бүртгэгдсэнээр мужийн нийт халдварын тоо 40, Австралийн хэмжээнд 542-т хүрчээ. Сүүлийн халдварууд Том цацагт цахлай, майна зэрэг зэрлэг шувуу-хүнээс илэрчээ. Албаны хүмүүс хүний эрүүл мэндэд учрах эрсдэл бага хэвээр байгааг мэдэгдэж, оршин суугчдад өвчилсөн, үхсэн шувуу-ардад ойртохгүй байхыг зөвлөжээ. (News24)

[АНУ-ын] Калифорнийн Их Сургуулийн Сан-Франциско дахь салбарын ахмад настны эмч, доктор Стефани Рожерс бие, тархиа тогтмол сорих нь эрүүл өтөл наслахад тустай гэж зөвлөжээ. Дасгалын хөтөлбөрөө өөрчлөх, шинэ ур чадвар эсвэл хэл сурах, шинэ хобби турших, нийгмийн идэвхтэй байх нь бие махбодын дасан зохицох үйл явц болох гормезисийг өдөөж болохуйц, зохицуулж болох стресс үүсгэнэ. Мэргэжилтнүүд бүх таагүй байдал, танил бус туршлагаас зайлсхийхийн оронд өөрт тохирсон сорилтыг сонгох хэрэгтэйг онцолжээ. (New York Post)

Индонезийн ой хээрийн түймэр Борнеогийн Гунунг Палунг үндэсний паркийн ойролцоох, эрдэмтэд ховордсон Борнео орангутан-хүмүүсийг судалдаг Рангконг судалгааны станцад аюул учруулж байна. Гал станцад 200 метрийн зайд ойртсон тул судлаачид, ажилтнууд, нутгийн тосгоны иргэд түймрийн зурвас, гар хийцийн ус шүршигч байгуулж байна. Түймэр ойр орчмын ширэнгэн ойд тархахын хэрээр олон зуун орангутан-ардад аюул нүүрлэж байна. (The Guardian)

Мөсөн голуудын хайлалт эрчимжиж, тогтворгүй мөстлөгийн нуурууд үүсэн, гэнэтийн үерийн эрсдэл нэмэгдсэнээр Гималайн бүс эргэлтийн ноцтой цэгт ойртож байна. Энэтхэгт өндөр эрсдэлтэй бараг 200 нуур тогтоосны 56-г нь нэн өндөр эрсдэлтэй гэж үзжээ. Судлаачид зууны дунд үе гэхэд тус бүс “усны оргил үе”-дээ хүрч, үүнээс хойш мөсөн голын хайлсан ус багассанаар олон зуун сая хүний усны аюулгүй байдалд заналхийлж болзошгүйг анхааруулжээ. (VTV)

[АуЛак (Вьетнам)-ын] Ниньбинь дахь Хоанг Лонг голын түвшин үерийн улмаас аюултай үерийг илтгэдэг түгшүүрийн гуравдугаар түвшнээс давжээ. Зявьен суурины бараг 3,700 оршин суугч үерт шууд өртөж, гол замын нэг хэсэг 70 сантиметр усанд автжээ. Бага ангийн 330 орчим сурагч гэртээ үлдэж, эсвэл цахимаар хичээллэж байна. (Tiền Phong)

ИБУИНВУ, АНУ хиймэл оюун ухаан, супер тооцооллын туршлагаа нэгтгэж, зохицуулалтын хамтын ажиллагаагаа бэхжүүлэх замаар арилжааны цөмийн нэгдлийн эрчим хүчийг түргэтгэх хоёр гэрээнд гарын үсэг зуржээ. ИБУИНВУ Эдгээр түншлэл нь 2030 он гэхэд цөмийн нэгдлийн салбарт 10 мянга гаруй ажлын байр бий болгох өргөн хүрээний зорилгыг дэмжинэ гэж Засгийн газар мэдэгджээ. (Gov.uk)

Өмнөд Солонгосын веган мах үйлдвэрлэгч MMBF амьтан-хүн дээр туршилт хийхийг хориглож, “Туршилт хийлгүйгээр хооллоё” хөтөлбөрт нэгдэн, дэлхийн хүнсний салбарын ёс зүйн ил тод байдлыг бэхжүүлснийхээ төлөө PETA [Амьтадтай ёс зүйтэй харьцдаг хүмүүсийн нийгэмлэг]-аас сайшаал хүртжээ. (PETA)

АНУ-ын алдарт Blink 182 рок хамтлагийн бөмбөрчин Трэвис Баркер (веган) Амьтдын төлөөх Хүмүүнлэг ертөнц ашгийн бус байгууллагатай хамтран өдөр тутмын амьдралын хэв маягтаа багахан өөрчлөлт хийх замаар веганизм, хиймэл үс, харгислалгүй амьдралыг сурталчлах шинэ аян эхлүүлжээ. (Billboard)

[АНУ-ын] Техас мужид төвтэй Mission Foods компани АНУ-ын Kroger сүлжээ дэлгүүрүүдэд Чили-лайм болон халапеньогийн амттай Mission уурагтай тортилла маягийн чипс, далайн давс болон зөөлөн лаймын амттай Mission Үр тариагүй Тортилла маягийн чипс гэсэн хоёр төрлийн веган чипс худалдаанд гаргажээ. Хоёулаа цавуулаггүй бөгөөд эхнийх нь нэг порцод 10 грамм уураг агуулдаг бол хоёр дахь нь компанийн мэдээлснээр “эслэгийн сайн эх үүсвэр” юм. (Mission Foods)

Арабын Нэгдсэн Эмират Улсын Абу Даби хотын цагдаа 9-р сарын 14-нд баатарлаг үйлс гаргасан дөрвөн оршин суугчийг шагнажээ. Юсра Кассем Ахмед Отли осолдсон сургуулийн автобусанд гэмтэлтэйгээ үлдэж, сурагчдыг нүүлгэн шилжүүлэх ажлыг зохион байгуулжээ. Набил Али Салех Аль Балуши, Халид Али Абдулла Аль Мансури нар тус тусын ослоор гал авалцсан тээврийн хэрэгслүүдэд гацсан хүмүүсийг аварчээ. Мохаммед Вакар Зулфикар Али замын саадыг мэдээлж, зайлуулснаар гарч болзошгүй ослоос сэргийлэхэд тусалжээ. (The National News)

Ау Лак (Вьетнам) дахь Данийн Элчин сайдын яам 9-р сарын 11-нд Ханой хотын Е эмнэлэгт хүүхдүүдийн 100 гаруй уран бүтээлийг хандивлажээ. “Ногоон амьдрал” сэдэвт 2025–2026 оны “Дани улс таны нүдээр” уралдаанд Ау Лак (Вьетнам)-ын сурагчдаас ирсэн дээд амжилт тогтоосон 130 мянга гаруй бүтээлээс сонгосон эдгээр зураг хүүхдийн болон сэтгэцийн эрүүл мэндийн тасгуудыг чимнэ. Мөн Дани ном, тоглоом хандивлажээ. (ScandAsia)

Энэтхэгийн хоёр эр хаягдсан, гэмтсэн амьтан-хүмүүсийг аврахад олон арван жилийг зориулжээ. Тэтгэвэрт гарсан малын эмч, доктор Ниранжан Саху бараг 45 жил амьтан-ардыг асарсан бол сайн дурын ажилтан Дурга Прасад Падхи 27 жилийн турш тэднийг аварч байна. [Энэтхэгийн Одишагийн] тэд хоёулаа Бхубанешвар дахь амьтны сайн сайхны төлөөх “People for Animals” ашгийн бус байгууллагатай хамтран ажилладаг. (ETV Bharat)

Өдрийн гэгээрүүлэх эшлэл: (БУРХАНЫ тухай) “Таны бүх нууц гүн гүнзгий, тоо томшгүй. Таны зөвт байдлыг хэмжих аргагүй.” – Үерээс өмнөх үеийн хүндлэлт өвөг дээдэс, БУРХАНЫ үнэнч элч Енох (цагаан хоолтон) (1 Енох 63:5, Этиопын Енох)

Каролина Фальбушийн клиник үхлийн тухай хоёр хэсэгт цувралын өмнөх нэгдүгээр хэсэгт тэрээр хүүхэд байхдаа мотоциклын осолд орсноо дурссан. Тэрээр мотоцикл дээр нь унахаас өмнө биеэсээ гарч, жолооч өөрийг нь сэргээхээр оролдож байгааг дээрээс харснаа өгүүлсэн. Жолооч илт сандарч байсан ч тэр өөрөө туйлын амар амгаланг мэдэрчээ. Хөтөч, юм уу тэнгэр элчтэй учирсан эсэхийг асуухад Каролина тухайн явдлаас хамгийн тод үлдсэн зүйлээ эргэцүүлсэн юм.

Би өөр хэн нэгэнтэй харилцаагүй гэж хэлж болно. Үүнээс ч илүүтэйгээр, юуны өмнө бүх зүйл зүгээр гэсэн мэдрэмж төрсөн. Бүх зүйл үргэлж төгс байдаг ч хүмүүс бид өдөр тутмын амьдралдаа үүнийг хүлээн зөвшөөрөхөд бэрхшээлтэй байдаг. Бидний огт хүсээгүй, өөрчлөхийг маш их хүссэн зүйл тохиолдоход дотроос эсэргүүцэл төрдөг. Тиймээс “бүх зүйл төгс, энэ нь намайг хүчирхэгжүүлэх тодорхой шалтгаанаар тохиолдож байна” гэж хүлээн зөвшөөрч, байгаагаар нь зөвшөөрөх хандлага байдаггүй. Харин биеэсээ гарахдаа, клиник үхэлд орох үед, эсвэл юу ч гэж нэрлэсэн бай тэр мөчид бүх зүйл төгс гэдгийг мэдэрнэ. Таны хайртай хүн таныг нөгөө ертөнцөд одох вий, нас барах вий гэж, эсвэл үүнийг юу ч гэж нэрлэсэн бай туйлын их санаа зовж байгааг харсан ч танд бүх зүйл төгс санагдана. Үнэхээр гайхалтай, энэ нь хүний дотоодод асар том өөрчлөлт авчирдаг.

Тэр явдлын нэг хэсэг Каролинагийн хувьд тайлагдашгүй нууц хэвээр үлджээ. Бас нэг зүйл нь, мотоцикл дээр минь унахаас өмнө би биеэсээ гарсан бөгөөд дараагийн санаж буй зүйл гэвэл тэр мотоциклыг бие дээрээс минь авч байсан. Тэгэхээр цаг хугацааны шугаман завсар тэнд бий. Тэр хооронд юу болсныг би санадаггүй. Тиймээс одоохондоо санах ёсгүй ямар нэгэн харилцаа надад тохиолдсон байж болох юм. Би энэ талаар ч маш их эргэцүүлсэн. “Хэрэв цаг хугацаа гэж байдаггүй юм бол энэ завсар яагаад [байгаа] юм бол? Хэрэв энэ нь дэлхий дээр аливааг тодорхой байдлаар мэдрэхийн тулд, дараа нь юу болохыг мэдэхгүй байж, өөртөө, Тэнгэрлэгт, Тэнгэрлэг замд итгэж сурахын тулд бидний ашигладаг хийсвэр ойлголт төдий юм бол? Тэгэхээр энэ нь ердөө л энэ бүхэнд зориулагдсан хэрэгсэл юм. Үнэндээ цаг хугацаа оршдоггүй юм бол яагаад миний санадаггүй ийм завсар байна вэ?” гэж би бодсон. Надад төрсөн цорын ганц хариулт нь: Би асуулт асуусан учраас юм. Учир нь миний амьдрал үргэлж сониуч зан, асуулт асуухад тулгуурлаж ирсэн. Биеэсээ гарсан даруйдаа би ямар нэг зүйл асуусан гэдэгтээ итгэлтэй байна. Мэдээж хүн үргэлж зөв, хамгийн Тэнгэрлэг хариултыг авдаг. Тийм ээ, үүнийг санах цаг минь хараахан болоогүй.

Харин Каролина хязгааргүй тэлсэн мэт мэдрэмжийг маш тод санадаг. Үүнийг үнэндээ үгээр илэрхийлэх аргагүй. Энэ бие хэмээх бүрхүүлээс гарахад мэдрэгддэг тэрхүү хязгааргүй тэлэлт бөгөөд хүмүүсийн бодлыг та сонсож чадна. Тэдний мэдрэмжийг ч мэдэрч чадна. Энэ нь хүмүүсийн, мөн миний дотоодод үнэхээр өөрчлөлт авчирдаг. Нэг ёсны дотоод тохируулга мэт байсан. Буцаж ирсний дараа ч тэр мэдрэмж тантай хамт үлддэг. (Life Death & Beyond YouTube суваг)