ӨДӨР ТУТМЫН МЭДЭЭ-ний гол тойм – 2026 оны наймдугаар сарын 17

Хөлөг онгоц, боомтуудад өгөх цохилт үр тариа болон бусад экспортод улам их саад учруулж буйтай холбогдуулан, Украин (Урейн) улс хоёр тал Хар тэнгис дэх иргэний объектуудад довтлохоо зогсоох саналыг гуравдагч талаар дамжуулан Орос улсад хүргүүлжээ. 8-р сар гарснаас хойш Украин (Урейн)-ы үр тарианы экспорт өмнөх оны мөн үеэс 76%-иар буурч, дэлхийн хүнсний хангамжид өргөн хүрээний нөлөө үзүүлэх вий гэсэн болгоомжлол төрүүлжээ. (Ройтерс)

Персийн булангийн орнууд дахь АНУ-ын бааз болон бусад объектод Иран олон сарын турш дроноор цохилт өгсний дараа АНУ-ын арми агаар, далайн гадарга болон усан дор ажиллагаа явуулах анхны үндэстэн дамнасан дроны хүч довтлох болох “Falcon Strike” ажиллагааны хүчнийг байгуулж байна. Тус анги АНУ-ын алба хаагчид болон бүс нутгийн түншүүдийн удирдах нэг чигийн довтлох дрон ашиглах бөгөөд Ойрх Дорнод дахь АНУ-ын армийн анхны ийм дроны эскадриль болох “Scorpion Strike” ажиллагааны хүчинд тулгуурлана. CENTCOM [АНУ-ын Төв командлал]-ын мэдээлснээр, шинэ хүчин нь шинээр хөгжиж буй дроны чадавхыг бүс нутгийн холбоотон, түншүүдтэй нэгтгэх зорилготой. (Фокс Ньюс)

Их Британи, Франц, Канад, Герман, Итали, Испани зэрэг 30 гаруй улс болон Европын Холбооны гадаад бодлогын тэргүүн Ираны жагсагчдыг цаазалсныг буруушааж, цаазын ялыг халах, дур мэдэн саатуулсан гэж үзэж буй хүмүүсийг суллахыг уриалжээ. (Фокс Ньюс)

Арабын Нэгдсэн Эмират Улсын мэдээлснээр, төрийн өмчит Абу Дабигийн Үндэсний газрын тосны компанитай холбоотой хоёр хөлөг Ормузын хоолойгоор нэвтрэх үед Иран улс ямар ч өдөөн хатгалгагүйгээр халдсан ч хүн шархдаагүй байна. (Фокс Ньюс)

Японы ерөнхий сайд Санаэ Такаичи Ираны ерөнхийлөгч Масуд Пезешкианд Ормузын хоолойг дамжин өнгөрөх хураамж зэрэг нэмэлт зардалгүй, чөлөөтэй, аюулгүй зорчиход нээлттэй байлгах ёстойг хэлж, уг усан замаас хамааралтай орнуудтай хамтран ажиллахыг Иранд уриалжээ. Тэрээр мөн Иран улсад Баб-эль-Мандебийн хоолойд хүлээцтэй хандах талаар Йемений Хуситуудаас шаардахыг Иранд уриалж, Япон улс Ираны цөмийн хөтөлбөрийг багтаасан өргөн хүрээний хэлэлцээрт Иран, АНУ аль болох хурдан хүрнэ гэж найдаж байна хэмээн мэдэгджээ. (Жапан Таймс)

Украин (Урейн)-ы ерөнхийлөгч Володимир Зеленський 8-р сарын 12-нд тус улс болон олон улсын түншүүд нь Орос улсад дайныг дуусгахад шахалт үзүүлэх хамтарсан төлөвлөгөөтэй гэж мэдэгдсэн ч дэлгэрэнгүй мэдээлэл өгөөгүй байна. (Киев Индепендент)

ОХУ-ын ерөнхийлөгч Владимир Путин 8-р сарын 13-нд ерөнхийлөгчийн хувиар анх удаа маргаантай Курилын арлуудад очсон нь өмнөд дөрвөн арлыг Умард нутаг дэвсгэрээ гэж үздэг Японы хүчтэй эсэргүүцэлтэй тулгарчээ. Японы ерөнхий сайд Санаэ Такаичи уг айлчлалыг хүлээн зөвшөөрөх аргагүй бөгөөд хэдийн хурцадсан харилцааг улам дордуулна гэж мэдэгдсэн бол Гадаад хэргийн сайд Тошимицү Мотэги Оросын элчин сайдыг дуудан албан ёсоор эсэргүүцэл илэрхийлсэн байна. ЗХУ 1945 онд эдгээр арлыг эзэлснээс хойш Орос хяналтдаа байлгаж ирсэн бөгөөд газар нутгийн маргааны улмаас хоёр улс дайны дараах энхийн гэрээг албан ёсоор байгуулж чадаагүй байна. (Чаннель Ньюс Азия)

Аляскаас гаралтай америк тээгч эх Маккенна Уэст хүүхдэд нь хүнд боловч эмчлэгдэх боломжтой зүрхний гажиг [зүрхний зүүн талын дутуу хөгжлийн хам шинж] оношлогдоход төрсөн эцэг эх [Калифорнийн хос]-ийн үр хөндүүлэхийг шаардсан гэх хүсэлтээс татгалзаж, Техаст очжээ. Тэрээр үр хөндөлтийг хатуу хязгаарладаг, төрүүлсэн хүнийг нь хууль ёсны эх гэж хүлээн зөвшөөрдөг Техасын хуулиар хамгаалуулахын зэрэгцээ уг эмгэгийг эмчлэх туршлагатай эмнэлгүүдээс хүүхдийн зүрхний нарийн мэргэжлийн тусламж авахаар зорьж очжээ. Техасын ерөнхий прокурор Кен Пакстон хөндлөнгөөс оролцож, Габриел нярайг төрсний дараа эмнэлгийн зайлшгүй шаардлагатай эмчилгээ авах нөхцөлийг бүрдүүлэх шүүхийн захирамж гаргуулжээ. Габриел 8-р сарын 12-нд төрж, нярайн эрчимт эмчилгээний тасагт хүргэгджээ. (Даллас Морнинг Ньюс)

Хонконгийн цагдаа нар 8-р сарын 3–10-нд Коулун дахь Квун Туны тойруу замд аюултай жолоодлогыг илрүүлэхдээ дроныг лазер хурд хэмжигчийн хамт ашиглажээ. Цагдаа нар дроноор замын хөдөлгөөний зөрчил илрүүлэх ажлыг бусад бүсэд өргөжүүлэхээр төлөвлөж байна. (VTV)

АНУ-ын Төрийн департамент иргэншил авах зорилгоор цагаачлалын бус визээр АНУ-д ирж хүүхэд төрүүлдэг гадаадын иргэдийг илрүүлж, ийм үйл ажиллагааг зохион байгуулдаг бизнесүүдэд арга хэмжээ авахын тулд “Төрөх аяллаас урьдчилан сэргийлэх ажиллагааны хүч” байгуулжээ. Тус хүчний тусламжтайгаар дэлхий даяар 600 гаруй визийг аль хэдийн хүчингүй болгосон бөгөөд залилан, худал мэдүүлгийг илрүүлэхээр аяллын түүх болон холбооны байгууллагуудын мэдээллийг шалгаж байна гэж яам мэдэгджээ. Аяллынхаа жинхэнэ зорилгыг нуудаг, эсвэл хүүхэд төрүүлэх аяллын схем зохион байгуулахад тусалдаг хүмүүс визээ алдаж, цаашид АНУ-д нэвтрэх эрхгүй болж болзошгүйг албаныхан анхааруулжээ. (АНУ-ын Төрийн департамент)

[Францын] Парисын Сена мөрний усаар Луврын музей, албан газар, худалдааны төв зэрэг барилгыг хөргөдөг төвлөрсөн хөргөлтийн сүлжээгээ өргөтгөж, цаашид олон сургууль, эмнэлэг, цэцэрлэгийг хамруулахаар төлөвлөжээ. 1991 оноос ажиллаж буй уг систем одоо 1,000 орчим барилгад үйлчилдэг 120 орчим километр хоолойтой бөгөөд хотын гудамжинд халуун агаар ялгаруулдаг тусдаа агааржуулагчийн хэрэглээг бууруулах зорилготой юм. (Бао Тинь түк)

Ажлын шөнийн ээлж хүний хоногийн хэмнэлийг ноцтой алдагдуулж, зүрхний өвчин, бодисын солилцооны эмгэг, сэтгэл гутрал, ажлын байрны осол зэрэг эрүүл мэндийн томоохон эрсдэл үүсгэж болзошгүй. Мэргэжилтнүүд ажил олгогчдод эдгээр эрсдэлийг бууруулахын тулд шөнийн ээлжийг олон хоног дараалан ажиллуулахгүй байх, нөхөн сэргэх хангалттай хугацаа олгохыг зөвлөж байна. Ажилчид унтах тогтмол хуваарь баримталж, хөнгөн хооллож, кофейн хэрэглээг хязгаарлан, тогтмол дасгал хийх хэрэгтэй. (Бао Сүк хое ва Дой сон)

Ау Лак (Вьетнам)-ийн цахим сонины нийтлэлд Тань Ньень сонинд хүний бие наснаас нь хүлээгдэж байснаас хурдан доройтож буйг илтгэх гурван шинжийг дурджээ. Үүнд: алхах хурд удаашрах, жин тогтвортой ч булчингийн хүч буурах, ойр ойрхон ядрах багтана. Шатаар өгсөх, юм өргөх, сандлаас босох, эсвэл дассан дасгалаа хийхэд хүндрэлтэй болох нь биеийн чадавх буурсныг илтгэж болох тул эрүүл мэнддээ илүү анхаарах шаардлагатай. (Тань Ньень)

ДЭМБ [Дэлхийн эрүүл мэндийн байгууллага]-ын мэдээлснээр, Бүгд Найрамдах Ардчилсан Конго Улс [БНАКУ]-ын халдвар тархсан таван бүсэд хариу арга хэмжээг нэгэн зэрэг хэрэгжүүлбэл Эболагийн тархалтыг гурван сарын дотор бууруулах боломжтой. Гэвч дэгдэлт энэ хугацаанд бүрэн дуусах магадлал бага байна. 8-р сарын 11-ний байдлаар, БНАКУ-д 4,449 тохиолдол, 2,061 нас баралт бүртгэгджээ. (ВьетнамПлас)

Европ тивийг хэт халалт нөмөрч, 8-р сарын 13-нд Лондоны Кью Гарденст агаарын хэм урьдчилсан байдлаар 38.1°C хүрснээр Их Британид 2026 оны хамгийн халуун өдөр бүртгэгджээ. Францын ихэнх нутагт агаарын хэм 40°C дөхөж, энэ жилийн тав дахь халалтын үеэр 80 департаментад улбар шар түвшний сэрэмжлүүлэг зарлаад байна. Грект ойн түймэр Сивири, Фуркагийн айлуудад хүрч, эргийн хамгаалалтынхан 481 хүнийг далайгаар нүүлгэн шилжүүлжээ. (Гардиан, Мет Оффис, Прототема)

Өмнөд Солонгост түүхэн дээд хэмжээний халалт үргэлжилж байна. Канвон мужид хэдэн долоо хоног үргэлжилсэн хэт халалтын дараа газар доорх төмс зөөлөрч, чанасан мэт ялзран муудсаныг тариаланчид илрүүлжээ. Халалтын улмаас хатаж гандсан байцааг талбайд нь орхих, алим, тоор сүйдэх зэрэг хөдөө аж ахуйн өргөн хүрээний хохирол мөн учирчээ. (Түөй Трэ)

8-р сарын 14-ний баасан гарагт шилжих шөнө [Японы] Токио хотын зүүн хэсгийн Чиба мужид түүхэн их бороо орж, дор хаяж 4 хүн амиа алджээ. 24 цагийн дотор 360 гаруй миллиметр хур тунадас орж, авто зам, төмөр замын шугам, 80 гаруй айл усанд автан, 22,000 гаруй өрх цахилгаангүй болжээ. Нэг хүн одоо ч сураггүй байна. Сога өртөөнд шөнөжин гацсан 4,000 орчим хүнд туслахаар цэргийнхэн автобус гаргасан бол Нарита нисэх буудалд 7,000 орчим хүн саатжээ. Эрх баригчид хамгийн өндөр түвшний сэрэмжлүүлгийг бууруулсан ч болгоомжтой хэвээр байхыг уриалжээ. (Жапан Таймс, Ройтерс, Ассошиэтэд Пресс, WSB Радио)

2026 оны эхээр борооны улиралд үүлшилтийг нэмэгдүүлж, далайн усны хэмийг бууруулснаар, шүр цайрахын цар хүрээ, ноцтой байдал багасаж, [Австралийн] Их Шүрэн Хаалт сэргэж эхэлсэн шинж тэмдэг илэрч байна. (Гүүд Ньюс Нетворк)

Амьтан-хүнд туршилт хийгээгүй, тогтвортой гоо сайхны бүтээгдэхүүн, шинэлэг веган найрлагад хэрэглэгчдийн эрэлт нэмэгдэж буйгаас дэлхийн веган гоо сайхны бүтээгдэхүүний зах зээл 2030 он гэхэд 29.89 тэрбум ам.долларт хүрэх төлөвтэй байна. (Бизнес Ризийрч Компани)

Enex компани Bluetooth-тэй чанга яригч, утасгүй цэнэглэгч, эдэлгээ сайта, толбо тогтдоггүй силикон материал бүхий ухаалаг веган арьсан буйдан гаргаж, орчин үеийн гэрийн технологийг тогтвортой амьдралын хэв маягтай хослуулж байна. (Херальд Бизнес)

Швейцарын Planted компани Герман дахь үйлдвэрээ өргөтгөн, исгэсэн веган махны үйлдвэрлэлийг хоёр дахин нэмэгдүүлж, бүхэл зүсмэл стейк болон хүйтэн зүсмэл мах зэрэг бүтээгдэхүүний Европ дахь эрэлт огцом өссөнийг хангаж байна. (АжФандерНьюс)

[АНУ-ын] Нью-Йорк мужийн иргэн Жастин Каннарелли Луи нэртэй нугас-хүнийг үрчилж авснаар гэр бүлийн гишүүн, голден ретривер Барлид баяр хөөртэй эрч хүч эргэн иржээ. Эпилепсийн эмээс болж Барли ядарч, зожиг болсон ч Луитай нөхөрлөснөөр сэтгэл санаа нь сэргэсэн байна. Салшгүй хоёр өдөр бүр хамт тоглодог болсноор Барли урьдын эрч хүчтэй, баяр баясгалантай зангаа эргүүлэн олжээ. (Гүүд Ньюс Нетворк)

[Канадын Британийн Колумбын] Нанус буланд оршин суугч Никки Уэлз болон Moving On муур аврах газрын Кэти Робинсон нар хөдөөгийн замын ойролцоогоос тэжээлийн дутагдалтай дөрвөн зулзага, муур эхийг нь аварчээ. Зулзагууд мал эмнэлгийн тусламж авч, үрчлүүлэхэд бэлтгэж байгаа ч эх муур нь харамсалтайгаар амьд үлдээгүй байна. (Оак Бэй Ньюс)

[АНУ-ын] Флоридад сэлүүрт тавцангаар аялж явсан Майк Хэд Силвер голд сэлж байхдаа 2.4 метр урт матарт дайруулсан эмэгтэйг аварчээ. Ноён Хэд сэлүүрээрээ матрыг хөөж, хохирогчийн гарт цус тогтоох боолт тавьсан байна. (Гардиан)

Өдрийн гэгээрүүлэх эшлэл: “Бүх зүйл үүнээс шалтгаалах мэт бид өөрсдийн үзэл бодолтой зууралддаг. Гэвч бидний бодол санаа мөнх биш, намар, өвөл шиг аажмаар улиран оддог.” – Хүндэт Гэгээрсэн Их Багш, гүн ухаантан Жуанз (цагаан хоолтон) (AZ Quotes)

Майкл Хьюзийн клиник үхэлд орсон тохиолдлын тухай цувралын өмнөх хэсэгт Майкл зүрхний хавхлагийн мэс засал хийлгэсэн ч маргааш нь уушгины хатгалгаа тусаж, биеийн байдал нь огцом муудсан байна. Эмнэлгийн хямралын үеэр Майкл анх удаа биеэсээ гарч, харанхуй хонгилд өөрийн биеийг тэргэн дээр түрэн хажуугаар нь яаравчлан өнгөрөөхийг харжээ. Тэрээр түр зуур биедээ эргэн орж, өөрийг нь эмчилж байсан хүмүүстэй тэмцэлдсэний дараа өөрийнх нь хэлснээр гэнэт “нөгөө ертөнцөд” очжээ.

Би хоосон орон зайд байсан. [Тэнд] маш амар амгалан байсан. Тэгээд би: “Сая юу болчхов?” гэж хэлсэн. Дараа нь би өөртөө: “Би үхчихсэн бололтой” гэж хэлснээ санаж байна. Би хөвж байсан. Маш амар амгалан байлаа. Би айгаагүй. Тэр мөчид өөр газар очсоноо мэдэж байсан. Гэтэл дараагийн агшинд би аймшигтай газар байлаа.

Майклын хэлснээр, түүний ухамсар бие махбоддоо эргэн оржээ. Уушгины хатгалгааны улмаас эмч нар түүнийг зохиомол комд оруулж, амьсгалын гуурс тавьсан ч эхэндээ тэр хаана байгаагаа, яагаад хүлээстэй мэт санагдсанаа ойлгоогүй байна. Би бие баригдмал байгааг мэдэрсэн. Агаар мэдрэгдэж, маш их өвдөж байсан ч яагаад гэдгийг мэдэхгүй байлаа. Надад огт ойлголт байгаагүй. Тэгээд эцэст нь хэн нэгэн гараас минь атгаж байгааг мэдэрсэн шиг санагдсан. [Тэр] гэр бүлийн хүн байсан байж магадгүй. Би нөгөө гараа хүргэж, хуруугаараа зурвас бичихийг оролдсоноо санаж байна. Тэгээд: “Туслаач” гэж бичсэн. Дараа нь: “Энэ бүтэхгүй байна” гэж бичсэн. Хэн ч надад туслахгүй, би хавчуулагдсанаа мэдээд эцэст нь хараалын үг бичсэн.

Тэгээд дараагийн санаж байсан зүйл гэвэл тэд гуурсыг сугалж байсан. Би сүүлийн хоёр өдөр хавчуулагдсан тэр гуурсан дотор байж, хөдөлж чадахгүй байсан. Би тэр гуурс буюу амьсгалын гуурсан дотор биедээ эргэн орсон бөгөөд хавчуулагдсан байлаа. Гэхдээ би үүнийг мэдээгүй. Тэд гуурсыг сугалахад өрөө мушгиран эргэлдэх мэт харагдаж байлаа. Би хараад, тэгтэл гэнэт дахиад л алга болсон.

Майклын хэлснээр, амьсгалын гуурсыг авсны дараа түүний ухамсар дахин биеэс нь салжээ. Би дахин нүдээ нээхэд хоосон орон зайд буцаж ирсэн байв. Хаана байгаагаа мэдэхгүй байсан ч надад тухтай байсан. Гэнэт доороос би хавтгайгаараа хэвтэж байгаагаа мэдэрч, биетэй байгаа мэт санагдсан. Учир нь анх хоосон орон зайд байхдаа энэ бол зөвхөн миний ухамсар гэдгийг би мэдэж байсан. Надад бие байгаагүй. Харин энэ удаа биетэй мэт санагдсан. Гэхдээ би хэвтэж байсан. Доошоо харж хэвтсэн байв. Тэгээд би хөвж байсан. Гэнэт доош харахад доороос цэнхэр Гэрлүүд нэг нэгээрээ асаж эхэлсэн. Нэг, хоёр, гурав гээд ямар нэг зүйл, бараг хөлөг онгоц шиг, сансрын хөлөг шиг зүйл асаж эхлэх шиг болсон. Гэхдээ нисгэгч нь би байсан. Миний ухамсар нисгэгч нь байлаа. Гэнэт тэр байгууламжийн дотор тал бүхэлдээ нүд гялбам тод цэнхэр гэрлээр дүүрсэн. Гэхдээ би эргэн тойрноо харж чадахгүй байв. Би зөвхөн нүднийхээ өмнөхийг эгц харж байлаа. Тэгээд би гадагш хөдөлж эхэлсэн. Гарч ирэхдээ гарааш шиг дөрвөлжин талбайд байгаагаа харсан. Гэрэл гадагш тусахад алсад өөр олон зуун дөрвөлжин хэсэг, бүхээг, пин маягийн зүйл харагдсан. Тэгээд би сансрын хөлөг шиг огцом эргэж, сүн гээд хөөрсөн. Одоо би нисэж байлаа. Хачирхалтай нь, би өөрөө гэж бодсон энэ зүйлийн дотор байсан. Нүүрэнд салхи мэдрэгдэж эхлэхэд үнэхээр сайхан байсан. Учир нь би хүйтэнд дуртай. Би: “Бурхан минь, ямар сайхан юм бэ. Танд баярлалаа, үнэхээр сайхан ##байна.” гэж хэлсэн. Ингээд би хоосон орон зайд ниссээр байсан бөгөөд тэнд цаг хугацаа огт өөр байдгийг та сайн мэднэ. Би тэнд хэдэн мянган жил байсан ч байж мэднэ. Би эндээс 10 секунд яваад тэнд хэдэн мянган жил ч байж болно.

Дөрөвдүгээр хэсэгт Майкл хоосон орон зайн дээгүүр хөөрөн нислэгээ үргэлжлүүлж, одоо оршин буй биеийнхээ талаар гайхалтай зүйл олж мэдсэн тухай гарна. Яагаад ч юм би толгойгоо доош тонгойлгоод, юугаар нисэж байгаагаа харсан. Тэр бол бие байсан ч миний бие биш байлаа. Би чийрэг биетэй ч тийм гайхалтай чийрэг биш. Харин тэр бие ер бусын чийрэг байсан бөгөөд би өөртөө хэлснээ санаж байна. Би: “Өө, би жинхэнэ биедээ байна.” гэсэн. Майкл Хьюзийн клиник үхлийн тухай энэхүү цувралын дөрөвдүгээр хэсэгт маргааш бидэнтэй дахин хамт байгаарай. (Сүнслэг дайчны аялал)