ӨДРИЙН МЭДЭЭ-ний гол тойм – 2026 оны 11 дүгээр сарын 8

АНУ-ын Ерөнхийлөгч Дональд Трампын зөвлөх Жаред Кушнер 11-р сарын 4-нд засаг захиргаа нь Орос, Украин (Урейн)-ы хооронд тогтвортой энх тайван тогтоохын тулд бүх талтай хамтран ажиллаж байсан гэж мэдэгджээ. Тэрээр Украин (Урейн)-ы ерөнхийлөгч Володимир Зеленський, АНУ-ын элч Стив Уиткофф, ноён Кушнер нарын тухайн өдөр хийсэн хэлэлцээрийн дараа байлдаан дахин эхлэхээс сэргийлэх дайны дараах аюулгүй байдлын илүү өргөн зохицуулалт боловсруулахын чухлыг онцолсон байна. (Fox News)

Филиппин, Хятадын Гадаад хэргийн сайд Мария Тереса Лазаро, Ван И нар 11-р сарын 3-нд утсаар ярилцсаны дараа 2 улс харилцаа хурцадсан ч ч яриа хэлэлцээрээ үргэлжлүүлэхээ амлажээ. Тэд энэ сарын сүүлээр [Филиппиний] Манилад болох АСЕАН [Зүүн Өмнөд Азийн улсуудын холбоо], [Хятадын] Шэньжэньд болох АПЕК [Ази, Номхон далайн эдийн засгийн хамтын ажиллагаа]-ийн уулзалтуудын өмнөх дипломат ёслол, хүндэтгэлийн асуудлыг хэлэлцсэн байна. (Reuters)

Оросын Калининградын эксклавын ойролцоо хорлон сүйтгэх ажиллагаа, зэвсэгт халдлага гарч болзошгүй гэсэн сэрэмжлүүлгийн дараа Польш улс Варми-Мазур, Подляски мужууддаа терроризмтой тэмцэх цагдаагийн нэмэлт хүч байршуулжээ. Бүс нутгийн аюулгүй байдлын талаарх түгшүүр нэмэгдсэн энэ үед цагдаа, цэрэг, тагнуулын байгууллагууд иргэд болон дэд бүтцийг хамгаалах нэгдсэн командын төв байгуулсан байна. (Kyiv Independent)

Хакерууд Францын 3 цусны банкийг онилж, амин чухал цусны нөөцийг устгахаар хөлдөөгчийн температурыг −30°C-ээс 110°C хүртэл нэмэгдүүлэхийг оролджээ. Ажилтнууд цусыг халдлагад өртөөгүй хөргөгчид шуурхай шилжүүлж, хохирлоос сэргийлсэн байна. Европ даяар кибер халдлага болон Оросын сэжигтэй хорлон сүйтгэх ажиллагаанд санаа зовниж буй энэ үед эрх баригчид эдгээр хэргийг мөрдөн шалгажээ. (New York Post)

АНУ-ын эмч, эрүүл мэндийн бодлогын шинжээч, доктор Жоэл Зинбергийн нийтлэлийг эшилсэн [АНУ-ын] Цагаан ордны мэдэгдэлд тус улсын жороор олгодог эмийн үнэ жилийн дүнгээр сүүлийн 60 гаруй жилд хамгийн огцом буурсан гэжээ. 9-р сарын мэдээллээр үнэ өмнөх оны мөн үеэс 4.5%-иар буурсан нь 1963 оноос хойших хамгийн их буурсан үзүүлэлт болжээ. Доктор Зинберг уг хэмнэлтийг TrumpRx эмийн хөнгөлөлтийн хөтөлбөр, эмийн үнийн тохиролцоонууд, төрийн Медикэр даатгалын хөтөлбөрийн таргалалтын эмчилгээний хамрах хүрээг өргөжүүлсэнтэй холбон тайлбарлажээ. (WhiteHouse.gov)

11-р сарын 3-нд Европын хэд хэдэн нислэгт бөмбөг тавьсан гэх хуурамч сүрдүүлэг ирснээр чиглэл өөрчлөх, нэгжлэг хийх, цэргийн онгоцоор дагалдуулах арга хэмжээ авчээ. Итали улс Райанэйрийн Ром руу нисэж байсан онгоцыг дагалдуулахаар 2 сөнөөгч хөөргөсөн бол Польш, Испани, Болгарт онгоцнуудад нэгжлэг хийжээ. Ямар нэг тэсрэх бодис олдоогүй бөгөөд Грек улс мөн Израилын операторын аяллын хөлөгт ирсэн сүрдүүлгийг шалгасан байна. Гэмтэж бэртсэн хүн бүртгэгдээгүй байна. (AP)

Бангладешийн оёдлын үйлдвэрийн ажилчид сарын хөдөлмөрийн хөлсний доод хэмжээг 101 ам.доллароос 243 ам.доллар болгохыг шаардан зарласан ажил хаялт 11-р сарын 3-нд 4 дэх өдрөө үргэлжилжээ. Дакка болон аж үйлдвэрийн дүүргүүдийн эсэргүүцлийн үеэр мөргөлдөөн, баривчилгаа гарч, үйлдвэрүүд хаагдсан байна. Тус салбар 4 сая хүнийг ажлын байраар хангаж, улсын экспортын 80 гаруй хувийг бүрдүүлдэг. (Anadolu Agency, Reuters)

Кибер халдлага Европын дор хаяж 11 улсын супермаркетуудын хөргөлтийн системийг доголдуулж, олон тонн хүнс муудсаны дараа Европын Холбоо (ЕХ) хамтарсан арга хэмжээ авахыг уриалжээ. Герман, Румын, Их Британи улсууд 11-р сарын 3-нд дахин ийм хэрэг гарсныг мэдээлсэн байна. Халдагчдын сэдэл тодорхойгүй хэвээр байгаа тул кибер халдлагыг тэсвэрлэх хамтын чадавхыг бэхжүүлэх шаардлагатайг анхаарууллаа. (Al Jazeera)

АНУ-ын насанд хүрсэн 959 хүнийг хамруулсан судалгаанд бараг 30% нь антибиотик авахын тулд шинж тэмдгээ буруу мэдүүлсэн гэж хариулсан бөгөөд ханиад төст шинж тэмдгийг хамгийн олон удаа хэтрүүлэн, эсвэл худал мэдүүлжээ. Антибиотикийн буруу хэрэглээ нянгийн эсрэг эмд тэсвэртэй байдлыг нэмэгдүүлж, нянгийн халдварыг эмчлэхэд улам хүндрэл учруулдаг байна. (New York Post)

Аулак (Вьетнам)-ын Лао Донг сонин ахмад настнуудын ясны эрүүл мэндэд тустай С аминдэмээр баялаг жүрж, гуава, киви болон ясны бодисын солилцоонд үзүүлэх нөлөөг нь судалж буй, үл исэлдүүлэгчээр баялаг жимсгэнүүд зэрэг жимсийг онцолжээ. Гадил калиар хангадаг бол папайя С аминдэм, эслэгээр тэтгэдэг. Тус нийтлэлд шинэ, бүхэл жимсийг тохирсон хэмжээгээр хэрэглэхийг зөвлөж, тэнцвэртэй хооллолт, хангалттай кальци, Д аминдэм, хүчний дасгал, уналтаас сэргийлэх арга хэмжээ чухал хэвээр байгааг тэмдэглэжээ. (Lao Động)

Аулак (Вьетнам)-ын эмч Чан Ван Уи сургуулиуд болон эцэг эхчүүдэд нүд улайх өвчин [нүдний салст бүрхэвчийн үрэвсэл]-ийн дэгдэлтээс сэргийлэх арга хэмжээг тоймложээ. Үүнд гараа угаах, нүдээ нухахгүй байх, хувийн эд зүйлээ хуваалцахгүй байх, олон хүн хүрдэг гадаргуу, эд зүйлсийг халдваргүйжүүлэх, анги танхимыг сайтар агааржуулах зэрэг багтаж байна. Эцэг эхчүүд халдвар авсан хүүхдээ эдгэртэл нь гэрт нь байлгаж, эмчийн хяналтгүйгээр стероидтой нүдний дусаалга хэрэглэхээс зайлсхийх хэрэгтэй. Нүд нь хүчтэй өвдөх, хараа бүрэлзэх, гэрэлд мэдрэг болох, зовхи хавдах, шар-ногоон нуух ихээр гарах, эсвэл шинж тэмдэг нь арилахгүй байгаа хүүхдийг нүдний эмнэлэгт үзүүлэх хэрэгтэй. (Sức khỏe & Đời sống)

11-р сарын 1-нд орсон аадар борооны улмаас [АНУ-ын] Аризона, Колорадо даяар гэнэтийн хүчтэй үер бууж, иргэдийг нүүлгэн шилжүүлэн, зам хааж, аврах ажиллагаа явуулжээ. Аризона мужийн Флагстаффт үерт 2 хүн амиа алдаж, тус мужийн Касл Хот Спрингсийн ойролцоо 1 хүн сураггүй болсон байна. (Daily Mail, Tucson.com)

Номхон далайн усыг дулааруулдаг цаг уурын Эль Ниньо үзэгдэлтэй холбоотой ган гачгийн сэрэмжлүүлгийн үеэр [Филиппиний] Илоило хотод мэдрэгдэх халуун 43°C [Филиппиний] Роксас хотод 42°C хүрэх төлөвтэй байсан тул [Филиппиний] Баруун Висаясын улсын 100 гаруй сургууль 11-р сарын 3-нд танхимын хичээлээ түр зогсоожээ. (Philstar GLOBAL)

11-р сарын 4-нд [Энэтхэгийн] Шинэ Дели хотын агаарын бохирдол Дэлхийн эрүүл мэндийн байгууллага [ДЭМБ]-ын зөвлөсөн хоногийн хязгаараас 30 гаруй дахин давж, зарим газарт PM2.5 [нарийн ширхэгт тоосонцор]-ын хэмжээ шоо метр тутамд 461 микрограммаас хэтэрчээ. 11-р сарын 8-нд болох Хиндү шашны Гэрлийн баяр Дипавалигийн салют агаарын чанарыг улам дордуулах төлөвтэй байна. (Channel News Asia)

Эрдэмтэд, малын эмч нар, улс төрчид, олны танил хүмүүс зэрэг 18,000 гаруй хүн Энэтхэгийн засгийн газраас 2026 оны лабораторийн амьтан-хүнд туршилт хийх журмын төслөө татахыг шаарджээ. PETA [Амьтдад ёс зүйтэй ханддаг хүмүүс] нийгэмлэгийн Энэтхэг дэх салбар уг санал хяналтыг сулруулж, хамгаалалтад байдаг зэрлэг амьтан-, орон нутагт амьдардаг амьтан-ардыг өвдөлттэй туршилтад ороход хүргэж болзошгүйг анхааруулж, олон нийтээс журмын төслийг татуулах цахим өргөдөлд нь гарын үсэг зурж, засгийн газрын санал авах эцсийн хугацаа болох 11-р сарын 5-наас өмнө эсэргүүцлээ бүртгүүлэхийг хүссэн байна. (PETA India)

АНУ-ын зайрмагийн сүлжээ Карвел 300 гаруй салбартаа веган амттаны цэс нэвтрүүлснийхээ төлөө [Амьтдад ёс зүйтэй ханддаг хүмүүс] нийгэмлэгийн үндэсний Веган гоё зайрмаг шагналыг хүртжээ. Цэсэд зөөлөн зайрмаг, халбагадаж өгдөг хөлдөөсөн амттан, өтгөн коктейль, нэрийн Флайин Сосерс [жигнэмэгтэй зайрмаг] багтсан ба веган 9 төрлийн амттай. (PETA)

VegNews сэтгүүл Энэтхэг каррины өтгөн, амттай амтыг хадгалангаа амьтан-хүний мах, сүүн бүтээгдэхүүнийг орлуулсан веган цөцгийтэй тахианы дараах 5 хоолны жор танилцууллаа: 1. Жигнэсэн дүфү, цөцгийтэй тахиа 2. Шар буурцгийн хатаасан зүсмэл, ангаахай шоштой цөцгийтэй тахиа 3. Сейтантай цөцгийтэй тахиа 4. Цэцэгт байцаа, темпетэй цөцгийтэй тахиа 5. Жекфруттэй цөцгийтэй тахиа (VegNews)

АНУ-д төвтэй орц нийлүүлэгч Univar Solutions компани Францын веган орц үйлдвэрлэгч Roquette компанитай хамтран, хүнс, ундаанд ашиглах NUTRALYS веган вандуйн уураг, NUTRIOSE ургамлын гаралтай уусдаг эслэг болон ургамлын гаралтай целлюлозын орцуудын Хойд Америк дахь түгээлтийг өргөжүүлэхээр болжээ. (Univar Solutions LLC)

[АНУ-ын] Калифорни мужийн нэгэн гэр бүл 2019 онд нүүх үеэр нь алга болсон кокер спаниель үүлдрийн хамтрагч Кордуройтойгоо 7 жилийн дараа эргэн уулзжээ. Бичил чипийн тусламжтайгаар Лос-Анжелесийн Амьтанд туслах албаны Хойд төвийн амьтан асрах газрын ажилтнууд түүнийг асардаг хүмүүсийг тогтоосон нь хамтрагч амьтдыг таних тэмдэгтэй байлгахын ач холбогдлыг харуулсан байна. (New York Post)

Пакистанд төвтэй олон улсын ашгийн бус Шахид Африди сан Пакистан даяар 750 гаруй орон сууц барьж, амьжиргааны боломж хомс гэр бүлүүдийг аюулгүй орон байр, нарны эрчим хүчээр хангажээ. Тус байгууллагын үүсгэн байгуулагч, дэлхийн үйл ажиллагааны тэргүүн, крикетийн багийн ахлагч асан Шахид Африди хандивлагчдад талархаж, цаашид ч хувь нэмрээ оруулахыг уриалсан байна. (Gulf News)

[Ау Лак (Вьетнам)-ын] Ниньбинь аймагт 11-р сарын 3-нд нэн ховордсон сармагчин-хүмүүсийг хамгаалах 3,182 га талбайтай Кимбангийн Делакурын лангурыг хамгаалах бүсийг байгуулсан бөгөөд Энэ нь дэлхийд ийм төрлийн хамгийн том бүс гэж мэдээлжээ. Ау Лак (Вьетнам) улсад Делакурын лангур-хүмүүс ойролцоогоор 540 үлдсэнээс бараг 470 нь Ниньбиньд байна. (Vietnam Travel)

Өдрийн ухаарал хайрлах эшлэл: “Сайн хүмүүс нууц байдлыг бус, эрхэм журмыг эрэлхийлдэг.” – Ромын уран илтгэгч, төрийн зүтгэлтэн, гүн ухаантан Марк Туллий Цицерон (Үүргийн тухай)

Меган Брауны клиник үхлийн тухай энэхүү 3 хэсэгт цувралын 1-р хэсэгт Меган бөөрний дутагдлаар эмнэлэгт хэвтэж байхдаа Диваажинд очсон тухайгаа ярьсан юм. Тэр үед бурханд итгэдэггүй байсан тэрээр Эзэн Есүс Христ (цагаан хоолтон)-тэй уулзаж, амьдралаа эргэн харсан бөгөөд Тэргүүн тэнгэр элч Михаил түүнийг шүүлтгүйгээр Хайраар тайтгаруулжээ. Дараа нь хөтөч нар нь түүнийг цагаан сүмд хүргэж, Эзэн Есүс Христ (цагаан хоолтон) үүдийг нь нээсэн аж. 2-р хэсэгт Меган алтан ширээний ард хүлээн авсан захиаснууд болон бидний амьдралдаа хийдэг сонголтуудын тухай сургамжаа өгүүлнэ.

Хөтөч нар маань орсны дараа би орж, араас минь Есүс орж ирэв. Шаланд хүрсэн тэр агшинд би Хайрын гайхалтай долгионыг мэдэрсэн. Амьдралдаа би ийм халуун дулаан мэдрэмжийг огт мэдэрч байгаагүй. Дотроосоо, бүхий л биеэрээ ийм халуун дулаан мэдрэмж авч байгаагүй. Дотор нь асар том алтан ширээ байсан бөгөөд өөрийг нь болон Парамаханса Иогананда (цагаан хоолтон)-г оролцуулан 77 оршихуй тэнд цугласан гэж Меган ярьсан байна. Эзэн Есүс Христ түүний сандлыг татаж өгөөд, зүүн талд нь суув. Тэргүүн тэнгэр элч Михаил баруун талд нь сууж, цааш нь өөр 26 тэргүүн тэнгэр элч суужээ. Мөн Библид өгүүлдэг хаан, тахилч Мелхиседек, Меганы Дарь эх гэж нэрлэдэг оршихуй ширээнд сууж байв. Ширээний хойморт бүхний анхаарлыг татсан нэгэн эр сууж байлаа. Би зүгээр л суугаад сонсож байсан. Юу болж байгааг огт мэдэхгүй байтал Тэр: “Меган Дэлхий рүү буцна.” гэж хэлсэн. Тэр үүнийг зарласан. Меган дотроо чимээгүй хариулав. Өнөөх эр яриагаа зогсоож, түүн рүү эгцлэн хараад чангаар хэлээгүй бодолд нь хариулжээ.

Яг тэр мөчид би: “Өө БУРХАН минь, Та БУРХАН юм байна.” гэсэн. БУРХАН бодлыг нь уншиж чадна гэж Меганд бага байхад нь заажээ. Хэлээгүй бодолд нь ТЭР хариулахыг сонсоод Меган ТҮҮНИЙГ таньсан байна. Дараа нь тэр ширээг тойрон явахад тэнд суусан хүн бүр түүнд захиас өгчээ. Дарь эх түүнд өөрийнхөөрөө байж болно гэж хэлэв. Тэр мөн Цагаан Бүргэдтэй уулзжээ. Түүний нэрийг Меган эмээгээсээ багадаа авсан “Амар амгалан сэтгэл” номоос мэддэг байжээ. Цагаан өд харах бүрдээ ямар нэг зүйл хийж байна уу, эсвэл зүгээр л оршиж байна уу гэдгээ эргэцүүлэхийг Тэр хүсжээ. БУРХАНЫ дэргэд очиход ТЭР нэгэн зүйрлэл хэлсэн нь түүнд эцэст нь ойлгомжтой санагджээ.

ТЭР: “Меган, чи машины жолооч. Би чиний зорчигч. Чи замын салаанд ирлээ.” гэсэн. ТЭР: “Чи аль зүгт явах вэ, зүүн үү, баруун уу?” гэж асуусан. […] ТЭР: “Зөв, буруу гэж байхгүй” гэсэн. Тэр: “Чи аль ч замаар явсан, аль зүгт явсан, Би чиний зорчигч хэвээр.” гэж хэлсэн. Энэ зүйрлэлээр Меган замаа өөрөө сонгох бөгөөд аль ч зүгт явсан БУРХАН түүнтэй хамт байхыг илэрхийлжээ. ТҮҮНИЙ хажууд зогсохдоо тэр ТҮҮНИЙ хацарт хүрч болох эсэхийг асуух уу гэж боджээ. Тэгээд тэр асуув. ТЭР инээмсэглэсэн, бүгд над руу харж, бүгд инээмсэглэж байсан бөгөөд ТЭР: “Болно” гэсэн. Тэгээд би баруун гараараа ТҮҮНИЙ зүүн хацарт хүрсэн. Тэгээд маш зөөлөн — дараа нь гараа буцааж аваад: “Хөөх. Одоо би БУРХАНЫ нүүрэнд хүрсэн гэж хүмүүст хэлэх боломжтой.” гэсэн. ТЭР инээмсэглэсэн.

БУРХАНЫ ширээнд цугласан хүмүүсийн эв нэгдлийг Меган дурсан ярьсан юм. Бид Диваажинд нэгдмэл байсан. […] Тэд бүгд Хайрын нэгдлийг хадгалахын төлөө хамтран ажиллаж байсан. Маргааш энэхүү 3 хэсэгт цувралын 3-р хэсэгт хамт байгаарай. Меган Дэлхий рүү буцах шийдвэр, өнгөрсөнтэйгөө эвлэрэхэд нь тусалсан Эзэн Есүс Христ (цагаан хоолтон)-тэй өрнүүлсэн яриа болон Диваажингаас авчирсан Хайрын захиасаа өгүүлнэ. (Пэшн Харвест подкаст YouTube суваг - Баярлалаа)