ӨДӨР ТУТМЫН МЭДЭЭ-ний гол тойм – 2026 оны наймдугаар сарын 9

АНУ-ын Ерөнхийлөгч Дональд Трамп пүрэв гарагт Ормузын хоолойг дахин нээх хэлэлцээр амжилттай үргэлжилж, Иран улстай удахгүй тохиролцоонд хүрч магадгүй гэж мэдэгдлээ. (Фокс Ньюс)

АНУ-ын зуучилсан Израил, Ливаны энхийн хэлэлцээ наймдугаар сарын 5-нд Ромд [Итали] болж, “маш үр дүнтэй” өнгөрснийг АНУ-ын өндөр албан тушаалтан онцлоод, зургадугаар сарын суурь хэлэлцээрийг хэрэгжүүлэх гол нарийн зүйлс дээр техникийн багууд ахиц гаргасан гэжээ (Фокс Ньюс)

Иран улс Ормузын хоолойгоор түр хугацаанд усан онгоц нэвтрүүлэх замын талаар Омантай байгуулах хэлэлцээр эцсийн шатандаа орж, замын газар зүйн солбицлыг хэдийн тохирсон гэж мэдэгдсэн байна. (BBC Ньюс)

8-р сарын 5-нд Оросын дрон, пуужингийн томоохон довтолгооны үеэр [Украин (Урейн)-ы] Бровары хотын өртөөнд саатсан галт тэргийг хүлээж байсан найман хүн амиа алджээ. Пуужин тавцангийн арын моддыг онож, дэлбэрэлтийн долгион зорчигчдын зогсож байсан хэсгийг нөмөрсөн бол бусад цохилтоор [Украин (Урейн)-ы] Киев хот болон ойр орчмын бүсийн орон сууц, агуулах, логистикийн байгууламжууд сүйджээ. Орос 24 баллистик, 4 хэт авианы пуужин харваж, олон арван дроноор довтолсны улмаас нийт 17-оос доошгүй хүн амиа алдаж, олон арван хүн шархджээ. (Киев Индепендент)

АНУ-ын ХМТ [Холбооны мөрдөх товчоо]-ны дарга Каш Пателийн хэлснээр, фентанилын наймаа, цахим залилан, хүүхдийн бэлгийн мөлжлөг, оргодолтой холбоотой хэргүүдтэй тэмцэх зорилгоор тус байгууллага Хятад, Орос улсуудтай хязгаарлагдмал хүрээний шинэ хамтын ажиллагаа хийхээр тогтжээ. (Ройтерс)

Тайвань (Формоса) 8-р сарын 5-нд жил бүрийн 10 хоногийн Хань Куан цэргийн сургуулилтаа эхлүүлж, дайсны хөдөлгөөн болон байлдааны нөхцөл төлөвлөсөн хувилбараас өөрчлөгдвөл командлагчид хэрхэн хариулахыг туршлаа. Сургуулилтаар сөнөөгч онгоцнуудыг тараан байрлуулах, тэнгисийн хүчнийг яаралтай хөдөлгөх, цэргийн хангамжийг шилжүүлэх, иргэний үйлдвэрүүдийг дайчлах, мөн командын төв, боомт, логистикийн сүлжээ, хангамжийн замыг хамгаалах дадлага хийж байна. Тайвань (Формоса) дайны үеийн иргэдийн харилцаа холбоог туршихын тулд анх удаа гар утасны интернэтийн хурдыг зориудаар сааруулна. Сургуулилтад 20 мянга гаруй бэлтгэл цэрэг оролцоно. (Чаннель Ньюс Азия)

Италийн хойд бүсийн 5,200 гаруй сурагчийг хамруулсан судалгаагаар 11–12 орчим настайдаа буюу 6-р ангиасаа нийгмийн сүлжээ хэрэглэж эхэлсэн хүүхдүүдийн өсвөр насны эхэн ба дунд үеийн математик, итали хэлний уншиж ойлгох чадварын оноо 14 орчим нас буюу 9-р анги хүртлээ хүлээсэн хүүхдүүдийнхээс доогуур байжээ. (Түөй Трэ)

[АНУ-ын] Стэнфордын Их Сургуулийн судалгаагаар хүүхдийн ярианы хэв маяг нь хэлсэн агуулгаас нь илүүтэй ирээдүйн түгшүүр, сэтгэл гутралыг урьдчилан илтгэж болзошгүйг тогтоожээ. Судлаачид стресстэй туршлагаа ярьсан хүүхдүүдийн хэлийг хиймэл оюунаар шинжлэхэд “үргэлж”, “хэзээ ч” зэрэг туйлын утгатай үг, мөн нийлмэл өгүүлбэрийн бүтэц хэрэглэх нь сэтгэцийн эрүүл мэндийн өндөр эрсдэлтэй холбоотой байсан бөгөөд энэ нь эрсдэлийг эрт илрүүлэх хямд, хүртээмжтэй арга болж магадгүй байна. (евроньюс)

Шведийн судалгаагаар ном унших, албан ажил хийх, нэхэх зэрэг оюуны идэвх шаардсан суугаа ажлын дадал нь зөнөгрөх эрсдэлийг бууруулдгийг тогтоожээ. Харин зурагт үзэх, хөгжим сонсох зэрэг оюуны идэвх багатай суугаа үйлдэл эрсдэлийг нэмэгдүүлдэг. Судлаачид адөр бүр зурагт үзсэнтэйгээ тэнцэх хугацааг оюун ухаанаа идэвхжүүлэх үйлдэлд зориулбал зурагтаас бүрэн татгалзах шаардлагагүй гэж зөвлөсөн байна. (Синьхуа)

[Ау Лак (Вьетнам)-ын] Хо Ши Минь хотын эрүүл мэндийн байгууллагууд оршин суугчдад борооны улиралд халдварт өвчний эрсдэл нэмэгдэж байгааг анхааруулжээ. Денге халуурлын тохиолдол огцом нэмэгдэж, гар, хөл, амны өвчний тархалт ч үргэлжилж байна. Эрх баригчид олон нийтэд шумуул үржих орчныг устгах, хувийн ариун цэврийг сахих, олон нийтийн газар амны хаалт зүүхийг уриалжээ (Бао Тинь түк)

7-р сараас хойш Энэтхэг даяар халуун орны борооны үер, хөрсний гулгалтын улмаас 100 гаруй хүн амиа алджээ. Хамгийн их хохирол амссан Ассам мужид 8-р сарын 5-ны байдлаар 95 хүн амиа алдаж, Сивасагар дүүрэг хамгийн хүнд нэрвэгджээ. Ассамын тэргүүн сайд Химанта Бисва Сармагийн хэлснээр, 74,000 гаруй хүн түр хоргодох төвүүдэд байрлаж байна. (PTI, AFP)

8-р сарын 5-нд Ау Лак (Вьетнам)-ын Лао кай аймагт аадар бороо орж, 40 орчим газарт хөрсний гулгалт үүссэнээр орон сууц, зам, тариалангийн талбай сүйджээ. Че Тао коммуны Мы Ханг Тау усан цахилгаан станцын орчимд уулын хажуу нурж, нэг хүн сураггүй болжээ. Эрх баригчид оршин суугчдыг нүүлгэн шилжүүлж, аюултай замуудыг хаан, орон гэрээ орхисон хүмүүст яаралтай тусламж олгохыг зөвшөөрчээ. (ВьетнамПлас)

8-р сарын 5-нд [Филиппиний] Давао Оксидентал мужийн Сарангани арлын хотын ойролцоо 6.4 магнитудын хүчтэй газар хөдлөлт болжээ. Филиппиний Галт уул, газар хөдлөлт судлалын хүрээлэн цунамийн сэрэмжлүүлэг гаргаагүй бөгөөд хохирол учрахгүй гэж үзэн, үүнийг 6-р сарын 7.8 магнитудын хүчтэй газар хөдлөлтийн дараах чичирхийлэл гэжээ. (Филиппин Стар, Манила Стандарт)

Одон орон судлаачид нарны үзэгдэх гадаргуугийн өнөөг хүртэлх хамгийн өндөр нягтралтай зургийг авч, 19–170 орчим километрийн хэмжээтэй хэт халсан плазмын мушгиралдсан хээг илрүүлжээ. Эдгээр эргэлдэх хөдөлгөөн нь нарны соронзон энерги хэрхэн хуримтлагдаж, нарны тэсрэлт, титмийн массын цацалт болон гаднах агаар мандлын хэт халалтад хэрхэн нөлөөлдгийг тайлбарлаж магадгүй гэж судлаачид үзсэн байна. (Чаннель Ньюс Азия)

Олон их сургуулийн хамтарсан судалгаагаар чөлөөт цагаараа спортоор хичээллэдэг оюутнууд холимог хоолноос голчлон веган хоолонд шилжсэн ч тэсвэр, хүчээ хадгалж байсан нь веган хооллолт спортын гүйцэтгэлийг дэмжих боломжтойг харуулжээ. (ЭврикАлерт)

Их Британийн 2026 оны Great Taste Awards [хоол, ундааг нэрийг нь мэдэхгүйгээр амталж үнэлдэг шалгаруулалт] улам олширч буй веган бүтээгдэхүүнийг онцолж, амт, чанарын тасралтгүй шинэчлэл веган хүнсийг нийтлэг хэрэглээ болгож байгааг харуулсан байна. (Планет Фүүд Ньюс)

Веган урлагийн хэрэгсэл нь уран бүтээлчдэд чанараа алдалгүйгээр кармин, шеллак, зөгийн лав, амьтан-хүний үс зэрэг амьтан-хүний гаралтай далд орцоос зайлсхийх боломжийг уран бүтээлчдэд олгодог. Худалдан авагчид Derwent [нүүрсэн харандаа], Elmer’s [цавуу], Azafran [органик өнгийн харандаа] зэрэг амьтанд хор хөнөөлгүй брэндийг сонгож болно. Мэргэжилтнүүд Ivory Black, PBk9 зэрэг пигментийг ихэвчлэн амьтан-хүний яснаас гарган авдаг тул бүтээгдэхүүний шошгыг сайтар шалгахыг зөвлөсөн байна. (ВежНьюс)

[Италийн] Битонто хотын ариун цэврийн ажилтнууд нэгэн эмэгтэйн андуурч хаясан нэг сая еврогийн хонжворт сугалааны тасалбарыг олжээ. Орон нутгийн ариун цэврийн компани хогны машиныг тогтоож, доторх зүйлсийг нь хэдэн цагийн турш нэгжин тасалбарыг бүрэн бүтнээр нь олсон байна. Эмэгтэй дараа нь эрлийн бүх зардлыг төлөхөө амлажээ. (Дан Три)

Японы хүүхдийн эмч, доктор Масахико Сакамото “Oshiete! Doctor” хэмээх үнэ төлбөргүй боловсролын төслөөрөө санаа зовнисон эцэг эхчүүдэд тусалж байна. Түүний олны хүртээл болсон зурагт гарын авлага, гар утасны апп нь гэр бүлүүдэд хүүхдээ гэртээ зөв асрахыг зааж, асран хамгаалагчдын санааг амраахын зэрэгцээ эмнэлгийн яаралтай тусламжийн тасагт шаардлагагүй хандах явдлыг эрс бууруулжээ. (Лайв Сайнс)

[Энэтхэгийн] Гужарат муж амьтан-хүмүүст харгис хандахаас сэргийлж цавуут хавх үйлдвэрлэх, худалдах, хэрэглэхийг хориглолоо. Эдгээр хэрэгсэлд баригдсан амьтан-ард асар их тарчилж, удаанаар үхдэгийг албаныхан онцолжээ. Эрх баригчид худалдан авалтын платформуудаас эдгээрийг хасахыг үүрэг болгож, амьтан-хүний амь хөнөөдөггүй, хүмүүнлэг хортон шавжийн хяналтын аргыг дэмжиж байна. (Сошиал Ньюс XYZ)

Өдрийн гэгээрүүлэх эшлэл: “Дотоод амар амгалангүй атлаа эд баялагтай байх нь нуурт орж байхдаа цангаж үхэхтэй адил. Материаллаг ядуурлаас зайлсхийх ёстой бол оюун санааны ядуурлыг жигших учиртай. Учир нь хүн төрөлхтний бүхий л зовлонгийн угт материаллаг хомсдол бус, оюун санааны ядуурал оршдог.” – Хүндэт Гэгээрсэн Их Багш Парамаханса Йогананда (цагаан хоолтон) (AZ Quotes)

Энэхүү цуврал нэвтрүүлгийн өмнөх хэсэгт зургаан настай Жан Менеев өвөө, эмээгийнхээ гэрийн ойролцоох гол руу үсэрч, живсэн тухай гарсан. Биеэсээ гарсныхаа дараа тэр усанд хөвж буй биеэ хараад, ихэр эгч Жанинагаа тусламж дуудаасай гэж цөхрөн оролдсон ч түүнтэй ярьж чадсангүй. Би түүнд хэлээд л байсан ч тэр мэдээж намайг сонсоогүй. Тэр сэлж чаддаггүй учраас надад тусалж ч чадахгүй байсан. Тэр одоо ч сэлж чаддаггүй. Дараа нь би түүний мэдрэмжийг мэдэрсэн. Түүний бодлыг сонсож эхэлсэн. Би түүнтэй холбогдсон байсан. Би өөрийгөө яг л тэр болсон мэт мэдэрсэн.

Жан эгчийгээ тусламж дуудахаар гэр рүүгээ гүйхийг харан зогсох үед өөрийгөө мэдрэх мэдрэмж нь өөрчлөгджээ.

Би өөрийгөө зургаан настай гэж мэдрээгүй. Миний мэдэрсэн зүйл эхлэл ч үгүй, төгсгөл ч үгүй байсан болов уу. Би үргэлж оршин байсан. Би хайрлаж байсан. Би Хайраас ирсэн. Би бол Энерги. Бид бүгд хоорондоо холбоотой. Бид үзэсгэлэнт ухамсар, Энерги, Орчлон ертөнц гээд энэ бүхний нэг хэсэг. Үнэхээр гайхамшигтай ойлголт байсан. Намайг хайрладаг гэдгийг би хэзээ ч мартахгүй. Үүнийг хэн ч надаас булааж чадахгүй. Бид зовлон бэрхшээл, хүнд үеийг туулсан ч тэр нь хамаагүй. Дэлхий дээрх хүн бүр, Ази, Цагаан арьстан, Хар арьстан, Мексик, Латин Америк хүн байх нь хамаагүй. Хүн бүр хайрлагддаг. Бид бүгд Хайраас ирсэн. Би тэгж л мэдэрсэн. Бид бүгд бие биетэйгээ холбоотой. Биднийг холбодог зүйл нь ердөө л Хайр.

Дараа нь Жан голд сэлж байсан хүүхдүүдэд дахин анхаарлаа хандууллаа. Тэгээд би тэр даруй дахин тийшээ очиход эгчтэйгээ байхдаа мэдэрсэнтэйгээ адил зүйлийг мэдэрсэн. Би тэдний сэтгэл хөдлөл, мэдрэмж гээд бүхнийг бас мэдэрч чадсан.

Хажуу талд үзэсгэлэнт Гэрэл гарч ирснийг би санаж байна. Тэр нь энерги шиг, энэ үзэсгэлэнт энерги, амьд, үзэсгэлэнт энерги байсан. Би ч өөрийгөө энэ гэрлийн чийдэн шиг үзэсгэлэнт цагаан энерги мэт мэдэрсэн. Тэр цагаан Гэрэл надтай бодлоороо ярьж байсан. Надтай хуваалцаж буй Хайрыг нь би мэдэрсэн. Би тэр Гэрлийг таньдаг юм шиг, эсвэл тэр Гэрэл намайг таньдаг юм шиг санагдсан. Тэгээд Гэрэл телепатаар: “Нааш ир” гэж хэлсэн. Би: “Тэгье” гэж хариулсан. Тэр Хайр зүгээр л үнэхээр энэрэнгүй, хэмжээлшгүй их байсан тул би огт айгаагүй. Тэгээд Гэрэл бид хоёр нэг болсон. Бид хоорондоо нэгдсэн. Үнэхээр гайхамшигтай мэдрэмж байсан.

Дараа нь би үүл мэт, маш гэрэлтэй, үзэсгэлэнт газар очсоноо санаж байна. Би үүлэн дээр зогсож буй мэт байсан бөгөөд тэр үед би биетэй болсон. Би өөрийгөө харсан. Би цагаан хувцастай байсан ба миний бие махбодын бие шиг байгаагүй. Энергийн бие шиг санагдаж, бие минь ийнхүү гялалзаж, цагаан өнгөөр, гэрэлтэж байсан. Би үнэхээр үзэсгэлэнтэй байсан. Би өөрийгөө тэгж харсан.

Тэгээд маш эршүүд, сүртэй, тушаасан өнгөтэй дуу хоолой сонсогдож, надаас: “Чи энд юу хийж байгаа юм бэ?” гэж асуусныг санаж байна. Дараа нь тэр: “Чи энд байх ёсгүй.” гэсэн. Тэр дуу эхэндээ Жаныг балмагдуулсан ч дотроос нь хайрыг мөн мэдэрчээ.

Надаас ганц, хоёр миль [1.6–3.2 километр] орчим зайд эртний төрхтэй хүн гарч ирэхэд би тэр даруй дэргэд нь очсоноо санаж байна. Тэгээд би ийнхүү дээш харж байсан. Тэр маш өндөр, надаас өндөр байсан. Би тэр хүнийг таньдаг мэт санагдсан бөгөөд тэр намайг хүү минь гэж дуудсан. Тэр: “Хүү минь, чи энд байх ёсгүй. Чиний цаг хараахан болоогүй. Чи буцах хэрэгтэй. Чиний даалгавар хараахан дуусаагүй.” гэсэн.

Гуравдугаар хэсэгт эртний төрхтэй тэр хүн Жаны амьдралд цаашид юу тохиохыг илчилнэ. Бид юмсыг урьдчилан төлөвлөдөг гэж би боддог... Надад тэгж харуулсан. Би аль хэдийн зөвшөөрсөн учраас даалгавраа биелүүлэх ёстой гэж надад хэлсэн. Жан Менеевийн клиник үхлийн тухай цуврал нэвтрүүлгийн гуравдугаар хэсэгт маргааш бидэнтэй хамт байгаарай. (NDE Mystery Diaries)