ӨДӨР ТУТМЫН МЭДЭЭ-ний гол тойм – 2026 оны наймдугаар сарын 5

АНУ-ын Ерөнхийлөгч Дональд Трамп Ормузын хоолой болон эцэст нь Ираныг цөмийн зэвсэггүй бүс болгох тухай хэлэлцээр “тун удахгүй” байгуулагдана гэж мэдэгджээ. Гэсэн хэдий ч Тэрээр Ираны засгийн газар дотор үүнийг үргэлжлүүлэх эсэх дээр бүлэглэлүүд санал зөрөлдөөнтэй хэвээр байгаа мэдэгджээ. (Фокс Ньюс)

Ираны Гадаад хэргийн сайд Аббас Арагчи Ормузын хоолойн асуудлаар Оман улстай хийх хэлэлцээр эцсийн шатандаа орсныг мэдэгджээ. (Фокс Ньюс)

Мароккогоос хэдэн арван мянган цагаач нэвтэрч, аюултай байж болзошгүй нөхцөл үүссэний дараа АНУ-ын Төрийн департамент Хойд Африкаар хүрээлэгдсэн Испанийн Сеута хотод зорчих сэрэмжлүүлгийг 3-р түвшинд хүргэн нэмэгдүүлж, америкчуудад аяллаа дахин авч үзэхийг уриалжээ. (Фокс Ньюс)

8-р сарын 1-нд Оросын дрон [Украин (Урейн)-ы] Харьков хот дахь Ранок хэвлэлийн газрын агуулахыг онож, 10 мянга орчим ам метр талбайд гал гарч, олон мянган ном устан, нэг хүн шархаджээ. Энэ нь зөвхөн 7-р сард дангаараа 1.5 сая гаруй номыг устгасан Украин (Урейн)-ы хэвлэлийн салбар руу чиглэсэн цуврал цохилтын үргэлжлэл болсон байна. (Киев Индепендент)

Украин (Урейн)-д шөнийн турш өрнөсөн томоохон довтолгооны үеэр Оросын Х-101 далавчит пуужин Польшийн Люблин мужид цохилт үзүүлсэн нь батлагдсаны дараа Польш улс Оросын элчин сайдыг дуудан уулзжээ. Польшийн эрх баригчид 20 орчим пуужин Польшийн зүг ниссэний ихэнхийг нь Украин (Урейн)-ы агаарын довтолгооноос хамгаалах хүчин устгасан бөгөөд үлдсэн пуужинг Польшийн хүчин хянасан ч газар унахаас нь өмнө сөнөөгөөгүй гэж мэдэгдсэн байна. Украин (Урейн) улс мөрдөн шалгалтад бүрэн хамтран ажиллахаа амлаж, Польшийн албаны хүмүүс ижил төстэй хэрэг дахин гарч болзошгүйг анхааруулжээ. (Киев Пост)

НҮБ-ын Ерөнхий нарийн бичгийн дарга Антониу Гутерриш [Украин (Урейн)-ы] Киев болон тус улсын бусад хотод Орос улсаас саяхан хийсэн пуужин, дроны довтолгоог буруушаажээ. Уг довтолгоонд гурван хүүхэд бүхий наад зах нь 12 энгийн иргэн амиа алдаж, 100 гаруй хүн шархдан, орон сууц, сургууль, иргэний бусад дэд бүтцэд хохирол учруулжээ. Тэрээр энгийн иргэд рүү довтлох нь олон улсын хүмүүнлэгийн хуулийг зөрчиж буйг онцлоод, хурцадмал байдлыг нэн даруй намжааж, бүрэн, шууд, болзолгүй гал зогсоохыг уриалжээ. НҮБ-ын байгууллагууд болон хүмүүнлэгийн түншүүд довтолгоонд өртсөн иргэдэд анхны тусламж, орогнох байр, сэтгэлзүй-нийгмийн дэмжлэг, нэн шаардлагатай бараа хүргэж байна. (Украин дахь НҮБ)

Узбекистан, Кыргызстан улсуудын хилийн боомтын тоог 15-аас 30 болгон хоёр дахин нэмэгдүүлж, иргэдийн зорчих, бизнес эрхлэх, суралцах, аялах нөхцөлийг хөнгөвчлөхөөр тохиролцжээ. Хоёр улсын Засгийн газар хоёр талын харилцаа түүхэн дэх хамгийн өндөр түвшний нэгд хүрснийг онцолжээ. (Kun.uz)

ЕХ [Европын Холбоо] Армени улсад 43.9 сая еврогийн нэмэлт буцалтгүй тусламж олгожээ. Уг санхүүжилт боловсролыг дэмжих, төрийн байгууллага болон үндэсний тэсвэрлэх чадварыг бэхжүүлэх, төсөвт өргөн хүрээний дэмжлэг үзүүлэхэд зориулагдана. (News.am)

Их Британи улс ирэх 3 жилд Афганистан улсад хүмүүнлэгийн тусламж болгон 3 тэрбум афгани (ойролцоогоор 45.6 сая ам.доллар) хуваарилжээ. Их Британийн Тусгай төлөөлөгчийн орлогч Эд Хэдли Афганистан, Пакистаны хооронд хүмүүнлэгийн коридор нээснийг сайшааж, тусламж шаардлагатай хүмүүст илүү хурдан хүрнэ энэ нь дөхөм болно гэжээ. Афганы албаны хүмүүс хүмүүнлэгийн байгууллагуудтай үргэлжлүүлэн хамтран ажиллаж, бусад улстай бүтээлч харилцаа хөгжүүлэхээ мэдэгджээ. (Пажвок Афган Ньюс)

Индонезийн ерөнхийлөгч Прабово Субианто Өмнөд Солонгосын ерөнхийлөгч Ли Жэ Мёны хүсэлтээр Хойд Солонгост айлчилж, яриа хэлэлцээр эхлүүлэхэд туслахад бэлэн байгаагаа мэдэгджээ. Өмнөд ба Хойд Солонгостой хоёулантай нь найрсаг харилцаатай, эвсэлд үл нэгдэх гадаад бодлоготой Индонез улс нь Солонгосын хойгийн энх тайвнаар зэрэгцэн оршиход бүтээлч үүрэг гүйцэтгэж чадна гэж Өмнөд Солонгос улс мэдэгджээ. (Чаннель Ньюс Азия)

АНУ-ын Төрийн департамент визийн барьцааны хөтөлбөрөө байнгын болгож, консулын ажилтнуудад 50 улсын бизнесийн болон жуулчны виз мэдүүлэгчдээс 20 мянган ам.доллар хүртэлх барьцаа шаардах эрхийг олгоно. 8-р сарын 3-наас хэрэгжих уг журам нь 2025 оны туршилтын хөтөлбөрийн үргэлжлэл бөгөөд визийн хугацаа хэтрүүлэхийг бууруулах зорилготой бөгөөд барьцааны доод хэмжээг 5 мянгаас 10 мянган ам.доллар болгож нэмэгдүүлжээ. (Ройтерс)

Японы өмнөд хэсэгт 7-р сарын 28-нд болсон 7.1 магнитудын хүчтэй газар хөдлөлтийн улмаас Toyota, Nissan, Mitsubishi Motors, Renesas, Sony болон бусад үйлдвэрлэгч автомашин, хагас дамжуулагчийн үйлдвэрүүдийнхээ үйлдвэрлэлийг зогсоох буюу бууруулахад хүрчээ. Компаниуд 2016 онд [Японы] Кумамотод болсон газар хөдлөлтөөс хойш үйлдвэрүүдээ бэхжүүлж, нийлүүлэгчдээ төрөлжүүлсэн ч тус бүс нутаг чип, автомашины үйлдвэрлэлийн томоохон төв тул энэ зогсолт дэлхийн нийлүүлэлтийн сүлжээг тасалдуулж болзошгүй байна. (Ройтерс)

Германд 7-р сард ажилгүй иргэдийн тоо 71 мянгаар өсөж, 3 саяыг давсан бол сул ажлын байрны тоо цөөрч, ажилгүйдлийн түвшин 6.4%-д хүрсэн нь Европын хамгийн том эдийн засаг сул хэвээр байгааг харуулж байна. (DW)

Италид 2025 онд ердөө 355 мянган хүүхэд мэндэлсэн нь 80 жилийн хамгийн доод үзүүлэлт болжээ. Үүний зэрэгцээг нэг эмэгтэйд ногдох төрөлтийн түвшин 1.18-аас 1.14 болж буурсан нь цагаачлалд найдалгүйгээр үе бүрд солигдон нөхөгдөхийн тулд шаардлагатай 2.1-ээс хавьгүй доогуур үзүүлэлт болж байна. (Бао Тинь түк)

Ойрх Дорнодын 11 улс дахь АНУ-ын Элчин сайдын яам АНУ, Ираны мөргөлдөөн хурцдаж болзошгүй тул тус бүсээс явах, эсвэл явахад бэлэн байхыг америкчуудад уриаллаа. (Чаннель Ньюс Азия)

Сантуарио Веган дархан цаазат газрын үүсгэн байгуулагч Лаура Луэнго (веган) тус газарт 43,246 евро шилжүүлснийг мэдээд, Төгс Гэгээрсэн Их Багш Чин Хай (веган)-д чин сэтгэлийн талархал илэрхийлжээ. илэрхийлэв. Энэ нь өмнө нь нэг ачааны машин веган тэжээлд зориулан шилжүүлсэн 2,400 евротой нийлээд Их Багшийн 52 мянган еврогийн хандивыг бүрэн хүрснийг дуулгажээ. Энэхүү тусламжийг 7-р сарын сүүлээр Испанид гарсан, дархан цаазат газар ба тэндхийн аврагдсан амьтан-хүн оршин суугчдад аюул учруулсан сүйрлийн ой хээрийн түймрийн дараа үзүүлжээ. Лаура баярласандаа сэтгэл нь маш их хөдөлж, жолоо барьж явахдаа замын хажууд зогсох хэрэгтэй болсон бөгөөд амьтан-хүмүүст үзүүлсэн ийм чухал тусламжийнх нь төлөө Төгс Гэгээрсэн Их Багш Чин Хайд талархлаа илэрхийлэх үг олдохгүй байна гэжээ. Мөн тэрээр дархан цаазат газар, тэндхийн амьтан-ард оршин суугчдыг харуулж, сангийнхаа нэрийн өмнөөс Их Багшийн хайр дүүрэн дэмжлэгт гүнээ талархаж буйгаа илэрхийлсэн тусгай бичлэг хийнэ гэжээ.

Эрүүл мэндийн мэргэжилтнүүд зүрхний эрүүл мэндээ хамгаалахын тулд бүтээгдэхүүний шошгон дахь натрийн хэмжээг уншихыг зөвлөж, боловсруулсан хүнсэн дэх натрийн илүүдэл нь цусны даралт ихсэх, харвалт, зүрхний өвчний эрсдэлийг нэмэгдүүлдгийг анхааруулжээ.. Насанд хүрэгчид хоногт авах натрийн 2,000 миллиграммаас бага байлгах хэрэгтэй. Хэрэглэгчид нэг удаагийн хэрэглээний хэмжээг шалгаж, 1 порцод 140 миллиграммаас бага натритай бүтээгдэхүүнийг сонгон, 400 миллиграммаас их натритай бүтээгдэхүүнийг хязгаарлах нь зүйтэй. (Бао Сүк хое ва Дой сон)

АНУ-ын Өвчний хяналт, урьдчилан сэргийлэх төвийн судлаачид (2–19 насны) америк хүүхдүүдийн бараг гуравны хоёр нь өдөр бүр кофейн хэрэглэдгийг тогтоожээ. Гайхалтай нь бага нас (2–11 нас)-ны хүүхдүүдийн кофейны гол эх үүсвэр нь хийжүүлсэн ундаа бус, шоколад агуулсан нарийн боов байжээ. Эрүүл мэндийн мэргэжилтнүүд оройн цагаар кофейн хэрэглэх нь хүүхдийн нойрыг ноцтой алдагдуулдаг бөгөөд нэгэн судалгаагаар их хэмжээгээр кофейн өндөр хэрэглэгчид (13–15 насныхан)-nay бараг дөрөвний нэг нь 6-аас бага цаг унтдаг болохыг анхааруулжээ. (CBS Ньюс)

Африкийн Өвчний хяналт, урьдчилан сэргийлэх төвүүд Африкийн орнуудад 2030 он гэхэд В, С гепатитыг устгах ажлаа эрчимжүүлэхийг уриалжээ. Африкт 64 сая хүн архаг В гепатиттай амьдарч, цөөн хувь нь эмчилгээ авч буй тул тус агентлаг засгийн газруудад санхүүжилтээ нэмэгдүүлж, эрүүл мэндийн үйлчилгээг нэгтгэн, олон нийтийн мэдлэгийг дээшлүүлэхийг уриалжээ. (Бао Тинь түк)

Ган гачиг, хэт халалтын улмаас Европын томоохон голуудын ус түүхэн доод түвшинд хүрч, Дунай мөрөн дахь үр тарианы ачааны усан онгоцнууд гацаанд орж, Роттердам боомтоос Рейн мөрнөөр тээвэрлэх ачаа 10 орчим хувиар буурчээ. Италийн По мөрний сав газарт усны хомсдол өндөр түвшинд хүрч, будаа тариалалт болон ундны усанд заналхийлж байна. Эрчим хүчнийхээ 85 орчим хувийг усан цахилгаанаар үйлдвэрлэдэг Австрийн нийтийн үйлчилгээний хамгийн том “Verbund” компани энэ оны эхний зургаан сард хэвийн хур тунадас, голын урсацтай жилээс ойролцоогоор 370 сая еврогоор бага орлого олсноо мэдэгджээ. (Ройтерс)

8-р сарын 1-нд [Ау Лак (Вьетнам)-ын] Дананг хотын ойролцоох Ча Тан коммунд 10 километрийн гүнд 3.1 магнитудын хүчтэй газар хөдлөлт болжээ. Албаны хүмүүс газар хөдлөлтийн гамшгийн эрсдэлийг тэг түвшинд байсан гэж үнэлж, хохирол учрах аюулгүйг мэдэгдсэн ч хяналтын байгууллагууд бүс нутгийн газар хөдлөлтийн идэвхийг үргэлжлүүлэн ажиглаж байна. (Тьень Фон)

Удаан үргэлжилсэн халуун цаг агаарт [Ау Лак (Вьетнам)-ын] Куангнгай аймгийн зүүн хэсгийн усалгааны сангуудын ус шавхагдаж, зарим нь бүрэн хоосорчээ. Льет Сон нуурын дүүргэлт долоо хоногийн дотор 26%-иас 10% болж буурсан байна. Хок Сам усан сан багтаамжийнхаа 3.8%-тай тэнцэх устай байна. Албаны хүмүүс мужийн зүүн хэсгийн сууринуудын усан сангууд зураг төслийн багтаамжийнхаа дунджаар 31 гаруй хувьтай байгаа бөгөөд усны хуваарилалт үргэлжилж байна гэж мэдээлжээ. (Түөй Трэ)

Австрали, Британийн судлаачдын судалгаагаар уул уурхайн үйл ажиллагаа дэлхий даяар ургамал, амьтан-хүн, мөөг зэрэг 12 мянга гаруй зүйлд заналхийлж байна. Тэдгээрийн бараг 6 мянгыг нь аль хэдийн ховордсон ангилалд оруулсан бөгөөд ховордсон зүйлийн тархац нутгийн 28 хувь нь уурхайн бүстэй давхцаж байна. Судлаачид IUCN [Олон улсын байгаль хамгаалах холбоо] эдгээр нөлөөг ихэвчлэн тооцдоггүй тул дэлхийн байгаль хамгааллын төлөвлөлтөд илүү сайн тусгах шаардлагатай гэж мэдэгджээ. (Синьхуа)

Энэтхэг гаралтай америк 13 настай сурагч Арика Кунду газрын самрын хаягдсан хальсыг жимс, хүнсний ногоон дээрх пестицидийн үлдэгдлийг татаж, барьдаг байгалийн түүхий эд болгон хувиргах хямд өртөгтэй LIGNEX аргыг боловсруулжээ. Хөдөө аж ахуйн хаягдлыг дахин ашиглахын зэрэгцээ ургац дахь химийн бодисыг бууруулдаг төслөөрөө тэрээр 2026 оны “3M Залуу эрдэмтний сорилт”-ын шилдэг 10 оролцогчийн нэг болжээ. Тэрээр 10-р сарын сүүлчийн шалгаруулалтын өмнө нэгэн эрдэмтэнтэй хамтран бүтээлээ сайжруулна. (Экономик Таймс)

[АНУ-ын Техас мужийн] Сан Антонио хотод Татьяна Маккаллоу (веганыг дэмжигч) бага насны хоол хийх сонирхлоо 10 дахь жилдээ орох дөхөж буй амжилттай веган нарийн боовны газар болох Miss Chickpea’s нарийн боовны дэлгүүр болгон хөгжүүлжээ. Хувийн хадгаламжаар байгуулсан, өргөжин тэлсэн тус дэлгүүр сонгодог амттаны веган хувилбаруудыг санал болгохын зэрэгцээ тууштай ажиллагаа, орон нутгийн түншлэлээр олон нийтийн дэмжлэгийг бэхжүүлж байна. (УотНау Сан Антонио)

Холливудын одод амьтан-хүний аж үйлдвэрүүд нь амьтан-ард, үйлдвэрийн ажилчид, байгаль орчинд ямар аймшигт нөлөө үзүүлдгийг илчлэх зорилгоор Америкийн ашгийн бус Warren Underground байгууллагыг байгуулжээ. Эхний ажлын хүрээнд Хоакин Феникс (веган) Америкийн энтертайнмент салбарын “Variety” сэтгүүлд нийтэлсэн үзэл бодлын өгүүллээр нядалгааны газрын ажилчдын эрүүл мэндийн доройтлыг онцолсон байна. (ВежНьюс)

Амьтан-хүний эрхийг хамгаалах PETA [Амьтдад ёс зүйтэй ханддаг хүмүүсийн нийгэмлэг] бүлэг [Их Британийн] Бери дэх Рамсботтомд болдог Хар пудинг шидэлтийн дэлхийн аварга шалгаруулах тэмцээний зохион байгуулагчдад хар пудинг [гахайн цусан зайдас]-ийг веган бүтээгдэхүүнээр орлуулахыг уриалжээ. (Телеграф)

[АНУ-ын] Калифорни мужийн Пасифика хотын Линда Мар наран шарлагын газар болсон 10 дахь удаагийн Дэлхийн нохойн серфингийн аварга шалгаруулах тэмцээнд олон мянган хүн цуглаж, 14 нохой-ард давалгаан дээр хэр удаан тогтсон болон хэр их баярлаж буйгаар нь шүүжээ. (CBS Ньюс)

Японы өмнөд хэсэгт хүчтэй газар хөдөлсний дараа [Японы] Кумамото арал дахь мал эмнэлэг нүүлгэн шилжүүлсэн хүмүүс болон тэдний тэжээвэр амьтан-хүмүүст хаалгаа нээжээ. 2016 оны газар хөдлөлтөөс авсан сургамжийн дагуу Рюносүкэ амьтны эмнэлэг нь харшил, дуу чимээний улмаас тэжээвэр амьтан-ардыг оруулдаггүй нийтийн төвүүдийг орлон, гэр бүлүүдэд хоргодох байр санал болгосон байна. (Жапан Таймс)

Kenmore Air”-ийн усан замын нисэх онгоц [АНУ-ын Вашингтон хотын] Пьюжет-Саунд хотод осолдож, шатан, живсний дараа онгоцонд байсан 11 хүн бүгд амьд үлджээ. АНУ-ын Эргийн хамгаалалтын алба нисгэгч болон 10 зорчигчийг аварч, хүнд гэмтсэн 3 хүнийг нисдэг тэргээр эмнэлэгт хүргэсэн байна. (Гүүд Ньюс Нетворк)

[АНУ-ын] Теннесси мужийн Ковингтон хотод автомашин нь шатахуун түгээгүүр мөргөж, галд автсаны дараа ухаангүй болсон жолооч эмэгтэйг ойр байсан хүмүүс аварчээ. Шатахуун түгээх станцын ажилтнууд ослын унтраалгыг ажиллуулсны дараа Сайн санаат хүмүүс эмэгтэйг шатаж буй машинаас гаргажээ. Тэрээр орон нутгийн эмнэлэгт хэвтэн эмчлүүлж байгаа бөгөөд биеийн байдал тогтвортой байна. (Экшн Ньюс 5)

Өдрийн гэгээрүүлэх эшлэл: “Өдөр шөнөгүй чармайн зүтгэвч өтөлж, үхэх хүртэл юу ч хараахан үзэгдэхгүй. Оюун санаа нэгэнт ариусаж, Жинхэнэ мөн чанарын далайд ороход л бүх зүйл шийдэгдэнэ.” – Ау Лак (Вьетнам)-ын Хаан, Хүндэт Гэгээрсэн Их Багш, Цог Жавхлант Хаан Чан Нян Тонг (веган) (То Сү Тьень Тон)

Лори Петерсоны клиник үхэлд орсон тохиолдлын тухай энэхүү цуврал нэвтрүүлгийн өмнөх дугаарт таван настай Лори шатан дээр халтирч, толгойнхоо ар талыг шатны ирмэгт цохисны улмаас тархины хүнд гэмтэл авч, саажсан тухай гарсан. Эмнэлэгт таталт өгөх үедээ тэрээр биеэсээ гарч, гялалзсан цагаан орон зайд очин, Эзэн Есүс Христ (цагаан хоолтон)-тэй уулзжээ. Эхэндээ Түүний дэргэд байх эрхгүй мэт түүнд санагдсан ч Түүний хязгааргүй Хайр өөрийг нь бүрэн хүлээн зөвшөөрч, хайрлаж буйг мэдрүүлжээ.

Дараа нь Лори Эзэний дүр төрхийг тайлбарлалаа.

Тэр Ойрх Дорнодын хүн шиг харагддаг, арьс нь бор шаргал, зэс туяатай. Үс нь бор өнгөтэй, бага зэрэг долгионтой, мөр хүрсэн урттай, гэхдээ наранд байхад бага зэрэг алтан туяа ордог. Энэ нь хар биш байсан. Алтан туяа хосолсон бор өнгөтэй байсан. Тэр сахалтай байсан. Нэлээд өндөр хамартай байсан. Үнэхээр сайхан инээмсэглэлтэй байв. Тэр тан руу инээмсэглэхэд сайхан, өөгүй шүд нь харагдана. Гэхдээ надад хамгийн их сэтгэгдэл төрүүлсэн зүйл бол Түүний нүд. Миний харснаар Түүний нүд алтлаг гялбаатай, бараан хөх-ногоон өнгөтэй бөгөөд амьдралаар дүүрэн байсан. Бүх амьдрал Түүний нүдэнд багтсан мэт. Түүнтэй нүүр тулан харахад зөвхөн нүдэнд нь л уусан алдарч болохоор байсан.

Эзэн түүний амьдралыг шүүх хэрэгтэй гэж хэлсэн мөчийг Лори мөн дурслаа. Тэгээд Эзэн нухацтай болж, миний амьдралыг шүүх хэрэгтэй гэдгээ тайлбарласан. Тэр одоо миний Дэлхий дээр туулсан амьдралыг харах болно гэж тайлбарласан. Тэр миний бүх бодол, хэлсэн үг бүрийг харна. Тэр миний үйлдлүүдийг харна. Тэр бүхнийг харж чадна. Тэр намайг ямар их хайрладгийг би аль хэдийн мэдэж байсан. Гэхдээ хийж болохгүй зүйл хийснээ та бас мэддэг. Тиймээс бага зэрэг илчлэгдсэн мэт санагдана. Гэвч Тэр бол таныг хэнээс ч илүү хайрладаг Нэгэн. Тэр надад миний дотор орж байж, үүнийг хийнэ гээд, зөвшөөрөл хүссэн. Тэгтэл гэнэт Тэр миний өмнө намайг тэврэхийн оронд дотор минь орсныг мэдэрсэн. Би дөнгөж 5 настай байсан. Туулсан амьдрал минь богинохон байв. Тиймээс амьдралд минь тохиолдсон зүйлсийг Тэр надтай хамт эргэн харахыг би үзээгүй. Харин дууссаны дараа Тэр дахин миний өмнө гарч ирээд, намайг асар их энэрлээр харж байлаа. Тэгээд Тэр надад: “Чи ахдаа илүү эелдэг хандах хэрэгтэй.” гэж хэлсэн. Би ахдаа маш эелдэг хандах ёстой гэдгийг тэр цагаас хойш үргэлж санаж явсан. Түүнийг ингэж хэлэхэд Гэртээ ирсэндээ асар их их баярлаж байсан тэр мэдрэмжээсээ би гэнэт сэрэх шиг болсон. Би Диваажинд буцаж ирсэн байлаа. Би Гэртээ байсан. Би: “Түр хүлээгээрэй, Та намайг буцаах гэж байгаа юм уу? Та намайг буцааж явуулах гэж байгаа юм уу?” гэж асуусан. Тэгэхэд Тэр, намайг бүтээсэн зорилгынхоо дагуу хийх ёстой зүйлсийг, энэ дэлхийд Түүнд хэрэгтэй зүйлсийг би хараахан хийгээгүй гэж хэлсэн. Би уйлж, Түүнээс намайг үлдээхийг гуйсан ч таны харж байгаачлан амжилт олоогүй.

Гуравдугаар хэсэгт Лори Эзэн яагаад сүнснүүдэд Дэлхий дээрх амьдралын бэрхшээлийг туулахыг зөвшөөрдгийг ойлгосон тухай гарна. Тэр надаас: “Чамд асуух зүйл байна уу?” гэж асуусан. Би “Тийм ээ, байна.” гэж хариулсан. Дэлхий рүү буцах гэж байхдаа би: “Та биднийг Дэлхий рүү яагаад илгээдэг юм бэ?” гэж асуусан. Би: “Яагаад гэвэл хүмүүс тэнд муу зүйл хийдэг. Тэнд амьдрах хэцүү.” гэж хэлсэн. Лори Петерсоны клиник үхэлд орсон тохиолдлын тухай энэхүү цуврал нэвтрүүлгийн 3-р хэсэгт маргааш бидэнтэй хамт байгаарай. (Жэйни Дюваллтай хамт БУРХАН-тай учирсан учралууд)