ӨДӨР ТУТМЫН МЭДЭЭ-ний гол тойм – 2025 оны 8-р сарын 21

Удаан хугацааны энхийн хэлэлцээрийн хүрээнд Украин (Урейн)-ы Донбассын бүс нутгийг бүрэн хяналтдаа авах тухай Путины саналыг АНУ-ын Ерөнхийлөгч Трамп дэмжлээ. (Фокс Ньюс)

Путин Украин (Урейн) “НАТО-гийнх шиг” аюулгүй байдлын баталгаатай болохыг зөвшөөрлөө гэж АНУ-ын ерөнхийлөгч Трампын элч Стив Уиткофф мэдэгдэв. (Скай Ньюс)

Украин (Урейн)-ы ерөнхийлөгч Зеленский урт хугацааны энхийн хэлэлцээрийн нэг хэсэг болгон Украин (Уреин)-д НАТО-гийнх шиг аюулгүй байдлын баталгааг санал болгосон АНУ-ын “түүхэн” амлалтад талархаж байна. Путин таван газар нутгийн асуудлаар буулт хийх боломжтой гэсэн мэдээлэл байгаа ч ерөнхийлөгч Зеленский Украин (Урейн)-ы үндсэн хууль ёсоор газар солилцох боломжгүй хэмээн мэдэгджээ. Тэрээр Ерөнхийлөгч Трамп болон Путинтэй гурван талт дээд хэмжээний уулзалт хийхийг зорьж байна. (BBC)

“Хар даа!”: CNN-ийн сурвалжлагч Ванесса Юркевич Ерөнхийлөгч Трампын үед хүнс, шатахууны үнийг номхотгож байгаад мэл гайхаж байна. Эрчим хүчний үнэ өнгөрсөн оныхтой харьцуулахад 1.1%-иар буурсан бол хүнсний үнийн индекс жигд хэвээр, хүнсний дэлгүүрүүдэд бага зэрэг буюу 0.1%-иар буурчээ. (Өдөр тутмын дуудлага хийгч)

АНУ: Охайо, Өмнөд Каролина, Баруун Виржиниа гэсэн гурван муж нийслэл хотын аюулгүй, цэвэр цэмцгэр байдлыг сэргээх Ерөнхийлөгч Трампын эрхэм зорилгыг дэмжих зорилгоор Вашингтон ДС-д Үндэсний гвардийн цэргийг байршуулж байна. (Фокс Ньюс)

Дэлхийд алдартай барьцааны хэлэлцээч Крис Восс хэлэхдээ Ерөнхийлөгч Трамп өрөвч сэтгэл болон “бусдын үзэл бодлыг хэрхэн харж байгааг өндөр түвшинд ойлгодог” чадварыг харуулдаг гэжээ. Тухайлбал Ерөнхийлөгч Трамп Израилын Ираны удирдагчийг хөнөөх төлөвлөгөөг няцааж, оронд нь цөмийн байгууламжуудыг онилохыг сонгосон нь Түүний энэрэнгүй сэтгэлгээг харуулж байна. (Фокс Ньюс)

MSNBC-гийн мэдээний хөтлөгч Жо Скарборо ардчилсан намын “маш олон” гишүүн Ерөнхийлөгч Трампын Вашингтон ДС-д гэмт хэрэгтэй тэмцэх ажиллагааг нууцаар дэмжиж байгааг хүлээн зөвшөөрөв. Ноён Скарборо ардчилсан намын олон гишүүн түүн рүү утасдаж, хот хэтэрхий аюултай, засгийн газар хэдэн жилийн өмнө арга хэмжээ авах ёстой байсан юм гэж гомдоллосон хэмээн хэллээ. (Фокс Ньюс)

АНУ: Багийн Тамирчдын Холбоо хоёр дахь жилдээ дараалан Ардчилсан намаас татгалзаж, Бүгд найрамдах нам руу мөнгө цутгаж байна. (Политико)

Австралийн интернэт хэрэглэгчдийн бараг тал хувь нь өнгөрсөн жил онлайн луйварчдын золиос болсныг шинэ тайлан харууллаа. Дотоод хэрэг, кибер аюулгүй байдлын сайд Тони Берк иргэдэд хамгийн сүүлийн үеийн шинэчлэлтүүдийг суулгах, хүчтэй нууц үг ашиглах, олон шатлалт баталгаажуулалтыг идэвхжүүлэхийг уриалав. (News.com.au)

Пакистан: Цаг агаарын хүнд нөхцөлд нисдэг тэрэг осолдсоны улмаас тусламжийн багийн таван гишүүн нас баржээ. (Ройтерс)

Хоолны дараа шүдний утсаар тогтмол цэвэрлэх нь зүрхний шигдээс, харвалт, тэнэгрэлийн эрсдэлийг бууруулахад тустай гэж эмч нар хэлэв. Саяхны нэгэн судалгаагаар долоо хоногт ядаж нэг удаа шүдний утас хэрэглэх нь [цусны бүлэнтэй] ишемийн харвалтын эрсдэлийг 22%-иар, [зүрхнээс тархинд очдог бүлэнтэй] кардиоэмболик харвалтын эрсдэлийг 44%-иар, мөн тосгуурын фибрилляци [зүрхний хэм алдагдал]-ийн эрсдэлийг 12%-иар бууруулдгийг тогтоожээ. (Тань Ниень; Нью-Йорк Пост)

Эрдэмтэд танай “байгаль орчинд ээлтэй” модон зуухнаас химийн хорт бодис ялгарч болзошгүйг анхааруулж байна. Агааржуулалт муу, өрөөний хэмжээ жижиг, шатаах хугацаа удаан байх нь сөрөг үр дагаврыг улам дордуулдаг ажээ. Модон зуухны хэрэглээ нэмэгдэх нь амьсгалын замын өвчин, зүрхний өвчин, уушгины хорт хавдар, эрхтний гэмтэл гэх мэтээр эрүүл мэндэд сөрөг нөлөө үзүүлэх эрсдэлтэйг судлаачид анхааруулж байна. Тэд шинэчлэгдсэн барилгын стандарт, агааржуулалтын удирдамж, олон нийтийн мэдлэгийг нэмэгдүүлэхийг уриаллаа. (SciTechDaily)

[Ау Лак (Вьетнам)-ын] Ханойд энэ жил стрептококкийн нянгийн халдварын 8 дахь тохиолдол бүртгэгдэв. Гахай нядалдаг 48 настай эмэгтэй толгой нь өвдөж, дотор нь муухайрч, халуурчээ. Үүний зэрэгцээ Хун Йень хотод өнгөрсөн долоо хоногт 6 хүн гахайн махан хоол идсэний улмаас эмнэлэгт хүргэгдэж, хоёр хүн нас барсан байна. (ВнЭкспресс)

Индонезийн Сулауэси аралд 6 баллын хүчтэй газар хөдлөлт боллоо. (ABC Aвстрали)

Хойд Хятад: Үерийн улмаас дор хаяж 10 хүн амиа алдаж, 2 хүн сураггүй алга болжээ. (Ройтерс; Синьхуа)

[Шведийн] Стокгольм хот энэхүү ер бусын халуун зунтай холбогдуулан оршин суугчдад усаа хэмнэхийг уриаллаа. Иргэдийг богино хугацаанд шүршүүрт орох, усан сан дүүргэхгүй байх, цэцэрлэгээ бага услах, машиныг ховорхон угаахыг зөвлөжээ. (Ройтерс)

АНУ-ын судалгаа хүний үйл ажиллагаанаас үүдэлтэй нүүрстөрөгчийн ялгарал тус улсын баруун хэсэгт сүүлийн 1200 жилд байгаагүй ган гачгийг өдөөж буйг харууллаа. (Earth.com)

Уур амьсгалын бохирдлын улмаас агаар мандлын дээд давхаргад метан хий нэмэгдэж байгаа нь GPS [дэлхийн байршил тогтоох систем] болон холбооны хиймэл дагуулуудыг нарны шуурганд өртөмтгий болгож байна. (CTV News)

Дэлхийн тайланд усны яст мэлхий-, газрын яст мэлхий-хүмүүсийн 54% нь устах эрсдэлтэйг анхааруулжээ. (Монгабэй)

[АНУ-ын] Стэнфордын Их Сургуулийн судалгаагаар Гималайн газар тариаланд түгээмэл байдаг хар вандуй нь арилжааны ногоон вандуйнаас илүү зөөлөн, уургаар баялаг болохыг харуулаа. (Phys.org)

Эрдэмтдийн олж тогтоосноор Инка болон Андын нурууны бусад иргэншлүүд хатуу ширүүн газар нутагт усны ухаалаг менежмент, шаталсан тариалангийн арга болон ус хадгалах системийн тусламжтай хөгжиж чадсан бөгөөд энэ нь Өмнөд Америкийн уулын бүсэд өндөр хөгжилтэй иргэншлүүд цэцэглэн хөгжих боломж олгожээ. (Ambling with Sam)

Шинэ судалгаа нь гурван од тутмын нэгийг тойрон эргэдэг супер дэлхий буюу дэлхийгээс том боловч хийн аварга гаргаас жижиг гараг нийтлэг байдгийг харуулж байна. (VTV.vn)

Хятадын эрдэмтэд перовскит ба ЗИГС (зэсийн индий галий селенид) ашиглан уян нарны зай бүтээсэн нь 24,6%-ийн үр ашигтай үр дүнд хүрчээ. Энэ нь маш бат бөх, 320 цаг ажилласны дараа үр ашгийнхаа 90 гаруй хувийг хадгалдаг. (24h.com.vn)

Эрдэмтэд жимс, хүнсний ногоо, самар зэрэг ургамалд суурилсан боловсруулалтад оруулаагүй хүнс уушгины эрүүл мэндийг сайжруулж, уушгины өвчнөөр өвдөх магадлалыг бууруулдаг бол амьтан-хүмүүсийн мах, боловсруулсан хоол, цагаан идээ нь уушгины үйл ажиллагааг муутгадаг гэж хэлэв. (ВегНьюс)

[Испанийн Барселоны] Терраса хотод 9-р сарын 20-ны бямба, 9-р сарын 21-ний ням гаргуудад Веган Фест 2025 болох бөгөөд олон улсын оролцоотой Европын хамгийн том задгай веган Фестивалийг тэмдэглэх гэж байна. Дэлгэрэнгүй мэдээллийг Veganfest.cat-аас авна уу. (AllEvents.in)

Веган гоо сайхны брэнд Boo Beauty Bar-ыг үүсгэн байгуулагч Бетти Ли 2024 оны шилдэг залуу бизнес эрхлэгч Викториягийн эцсийн шатанд шалгарчээ. Мөн түүний брэндийн сормуусны серумыг Космополитан сэтгүүлийн 2025 оны 2-р сарын дугаарт нийтэлсэн байна. (Дижитал сэтгүүл)

Бусдад туслах нь насжилттай холбоотой танин мэдэхүйн бууралтыг 15-20%-иар удаашруулдгийг судалгаагаар тогтоожээ. Унаагаар хүргэж өгөх, хүүхэд асрах, хашааны ажил, татварын асуудалд туслах гэх мэт албан бус тусламж ч үүнтэй төстэй давуу талуудыг санал болгодог байна. (Earth.com)

Киприйн мал эмнэлгийн алба 180 гаруй тэжээвэр амьтан-хүнийг томоохон түймрээс аврахаар яаравчлан ажиллаж, “Бид нэг ч амьтныг зовлон шаналалд үлдээхгүйн тулд арга хэмжээ авч байна.” гэж мэдэгдэв. (Күүл Даун)

[Филиппиний] Анжелес хотын албаны хүмүүс хоёр өөр газар байсан хоёр могой хүнийг аварчээ. Тэд оршин суугчдад могой-хүнд нуугдах газар олгохгүй байх үүднээс ойр орчмын газраа цэвэр байлгахыг зөвлөж байна. (Өдөр тутмын индэр)

Мэргэжилтнүүд шанцайны ургамлыг хадгалах 4 ашигтай зөвлөгөөг хуваалцаж байна: 1) Шүдний чигчлүүр + Хуванцар биш, хулс юм уу модон шүдний чигчлүүрийг шанцайны ургамлын ишинд зоож, өрөөний температурт чийгийг нь хадгалан, шинэлэг байдлыг нь уртасгадаг. 2) Цаасан салфетка + Шанцайн ургамлыг салфеткаар ороож, цахилгаантай уутанд хийн, хөргөгчид хадгална. Хадгалахаасаа өмнө угаахаас зайлсхий. 3) Усны сав + Шанцайн ургамлын ишийг устай саванд хийснээр 2-3 долоо хоногийн турш шинэхэн хэвээр нь хадгалдаг. 4) Хадгалах зөвлөмж + Шинэлэг байдлаар нь хадгалахдаа хүнсний ногооны сав ашиглан, хөргөгчид 3-9ºC-т хадгална. (Phunutoday.vn)

Буддын шашны Хоа Хао урсгалын лам Хүндэт Бай (веган) Төгсгөлийн цаг үе бидэн рүү ойртож байна, Майдар буюу Аврагч амьд үлдсэн хүмүүст зориулан Луун Цэцгийн чуулганыг удахгүй зохион байгуулна гэжээ. Тэрээр дараах 12 яаралтай зөвлөмжийг өгч байна: 1) Төгсгөлийн цаг үеийн бясалгал дадал Дээдийн Номын Төгсгөлийн энэ Эринд Будда (веган) Өөрийн нэрийг хаана ч, хэдийд ч хэлэхийг зөвшөөрчээ. Санамсар мэдэмсэр нь хэлбэрээс илүү чухал. 2) Өдөр тутмын бэлтгэл сургалт Идэх, алхах, ажиллах гээд үйлдэл болгондоо Буддагийн нэрийг шингээн, давтан бясалгаж дадуулснаар сэтгэлийг төөрөгдлөөс хамгаална. 3) Хүмүүний мунхаглал Ихэнх хүмүүс вааран доторх өт шиг байдаг. Тэд өөрсдийгөө дэвжин хөгжинө гэж боддог ч зовлонд баригдсан байдаг. Сүнслэг Үнэн бол эцсийн найдвар юм. 4) Үйлийн үрийн хувь тавилан Сайн үйлийн үртэй хүмүүс Үнэний “эцсийн найдвар”-ыг шүүрэн авч, сүнслэг байдлын хувьд ахих болно. Бусад нь эрэгт хүрсэн ч ард хоцрох болно. 5) Нам Зиан дүүрэг, Хо Ши Мин хотын тухай сэрэмжлүүлэг Хотууд аллага үйлдэх, хорт бодис хэрэглэх зэрэг нүгэлт үйлээр дүүрэн байдаг тул тэдгээр нь илүү сүнслэг байдлаар амьдардаг энгийн хөдөө тосгоноос “зуун мянга дахин” илүү зовох болно. 6) Огоорол Шунал нь сүнсэнд дарамт учруулдаг. Лам хувраг, эгэл бясалгагчийн аль аль нь энэ төгсгөлийн цаг үед аюулгүй замыг бататгахын тул хүлээснээсээ салах ёстой. 7) Веган байх Цэвэр ариун байдал, сүнслэг хүчийг нэмэгдүүлэхийн тулд сард 4 өдрөөр эхэлж, аажмаар бүрэн веганизм руу шилж. 8) Таван чухал ариун журам i) Нинжин бай. ii) Буянтай бай. iii) Буддагийн нэрийг унш. iv) Бусдыг хайрла. v) Эцэг эхээ хүндэл. 9) Үйлийн үр Шалтгаан ба үр дагавар нь туйлын шударга бөгөөд зайлсхийх боломжгүй юм. Өнгөрсөнд муу үйлийн үр үүсгэсэн бол үүнийг тасалж, эргэн зөв замд орох хэрэгтэй. Ганцхан өдөр л Буддагийн нэрийг унших, эсвэл веган байх нь Диваажинтай сайн холбоо тогтооход хангалттай. 10) Гүтгэлэг Жинхэнэ бясалгагчийг шоолж болохгүй. Хэрэв та буруу зүйл хэлсэн бол БУРХАН, бүх Гэгээнтэн Мэргэдэд наманчлан залбирах ёстой. 11) Бясалгал дадлын зорилго Сүнслэг бясалгал нь зөвхөн таныг төдийгүй өвөг дээдсийг тань авардаг. 12) Эцсийн сануулга Эд баялаг таны сүнсийг аварч чадахгүй. Зөвхөн ариун журам, энэрэнгүй сэтгэл, чин сэтгэлийн бясалгал л таныг болон танай гэр бүлийг чөлөөлнө. (Тинь Хоа Хао)

Америкийн зохиолч, бизнес эрхлэгч эмэгтэй Вики Уэрнер клиник үхэлд орох үедээ амьдрал бүхэн Тэнгэрлэг зорилготой байдгийг харуулсныг ухаарснаа хуваалцжээ.

2004 онд Вики хүнд гэмтэл авсны улмаас ГДСЭ [гэмтлийн дараах стрессийн эмгэг], архаг стресс, тамирдах шинж тэмдгүүд илэрдэг болжээ. 2012 онд түүний биеийн байдал улам дордов. Тэрээр хүчтэй татганах, хэт халууцах, бөөлжих зэргээр өвдөж зовжээ.

Нэг өдөр Вики орондоо хэвтэж байтал түүнийг зөөлөн туяа хүрээлэв. Зөөлөн татагдахад сүнс нь биеэсээ гаран хөөрч, тэр өвчиндөө зовж тарчилж буй өөрийгөө харжээ. Өвдөлтөө “10-аас 27” гэж үнэлсэн байна. Тэрээр нөхөр болон долоо, есөн настай охидынхоо зурагт үзэж буй зочны өрөө рүү хөвөн очлоо. Тэр тэднийг хайрлах гүн хайрыг мэдэрсэн ч харьцаж чадахгүй байв.

Гэнэт Вики өргөн зам дээр гарч ирэхэд нөхөр, хүүхдүүд, дагавар хүүхдүүд, эцэг эх, ах эгч нар, танилууд гээд гэр бүлийнхэн нь замын хажуугаар эгнэн зогсож байлаа. Нөхөр нь бага охин Софигоо тэврэн, нулимс дуслуулж: “Би чамд хайртай, хонгор минь. Би зүгээр байх болно.” гэж хэлэв. Гэр бүлийн гишүүн бүр, түүний дотор уйлж буй охид нь түүнгүйгээр даван туулах болно гэж түүнд хэлэв. Төөрөлдсөн Вики үлдэхийг хүссэн ч холдчих шиг болов. Түүнийг үлдэхийг хэн ч гуйсангүй.

Замын төгсгөлд хатсан модод, хон хэрээнүүд, аймшигт хаалга бүхий өмхөрч, муу юм шүглэсэн мэт харагдах орд харш байж гэнэ. Тэрээр дамжин өнгөрөхөд бүх зүйл өөрчлөгдөв: Орд харш алтан бөмбөгөр, хон хэрээнүүд нь цагаан тагтаа болж, цэцэгс тодоор цэцэглэжээ. Бүх зүйлээс хайр гэрэлтэж, зөөлөн аялгуу дагалдлаа.

Гурван гэрэлт оршихуй түүнийг угтан авч, гэмтлээс үүссэн хүнд өвчний улмаас түүнийг “шилжилтийн шат”-нд орсныг нь тайлбарлав. Харгуй зам болон гэр бүлийнхнийх нь оршихуй дэлхий дээрх түүний нөлөөллийн талаарх сүнснийх нь ойлголтыг бэлгэдэж байжээ. Тэд түүнийг “амины утас”-аар биетэйгээ холбоотой хэвээр буйг онцолсон байна. Дараа нь Викийн гаднах төрх хувцас мэт нуран унаж, түүний гэрэлт дотоод оршихуйг ил гаргав. Дахиад хоёр төрөлтөн гарч ирсний нэг нь болор аяга, зөөлөн угаагч барьж, түүнийг усанд оруулан, эдгээжээ.

Викиг үнэт эрдэнээр чимэглэсэн гурван өндөр алтан тахилын ширээ рүү хөтлөв. Тэдний цаана орших харанхуй гарц руу орохгүй байхыг түүнд сануулсан бөгөөд эс бөгөөс буцаж чадахгүй гэжээ. Эхний тахилын ширээн дээр тэрээр харах бэлгийг хүртэж, байхгүй үед нь гэр бүлийнхэн нь ирээдүйд ямар байхыг зэрэгцүүлэн харав. Нөхөр нь зөвхөн ажилдаа анхаарч, ганцаардмал, гунигтай нэгэн болжээ. Том охин нь дүү нараа өсгөхөөр буцаж ирэв. Бусад хүүхдүүд нь түүний нас барсныг тийм ч сайнгүй байсан ч даван туулж чаджээ. Гэсэн ч түүний бага охин Софи нь маш их цочирдсон бөгөөд төрөлтнүүд Викигүйгээр Софи амьдралынхаа зорилгыг биелүүлэхгүй гэдгийг онцолсон боловч энэ зорилго нь юу болохыг тодорхойлоогүй байна.

Софид хэрэгтэй гэдэгтээ сэтгэл хөдөлсөн Вики тэр даруй амь тэмцэн буй биедээ буцаж ирэв. Найман минут өнгөрч, гэрэл алга болсон байна. Тэр шөнө нөхөр, охид нь түүний орны дэргэд залбирчээ. Софи Викийн чихэнд: “Ээж ээ, та надад хэрэгтэй.” гэж шивнэлээ. Ярьж чадахгүй байсан ч Вики нулимсаараа үлдэхийг тангараглаж буйгаа илэрхийлэв. Тэрээр найман сарын турш орондоо хэвтэж, сульдах, дотор муухайрахыг тэвчсэн ч гэр бүлийнхээ, ялангуяа Софийн төлөө эдгэрэх замыг сонгожээ. (Орчлонгийн хязгаараас чанагш)

Өдрийн дэвшүүлэх эшлэл: “Хүн хийж буй бүх зүйлдээ амжилт гаргахын тулд өөрийн илэрхийлэлдээ чин сэтгэлээсээ хандаж, Бурханлаг Эхлэлийг танин, зөвхөн Үүнийг сонсох ёстой.” — Хүндэт Гэгээрсэн Их Багш Бейнса Дуно (цагаан хоолтон)