ӨДӨР ТУТМЫН МЭДЭЭ-ний гол тойм – 2026 оны 3-р сарын 13

АНУ 3-р сарын 5-нд Иранаас Азербайжаны Нахичевань бүсэд дроноор хийсэн цохилтыг энгийн иргэдийг онилсон өдөөн хатгалгагүй халдлага, Азербайжаны бүрэн эрхт байдлыг зөрчсөн үйлдэл хэмээн буруушааж, Азербайжантай бүрэн эв санааны нэгдэлтэй байгаагаа мэдэгдэн, бүс нутгийн түншүүд рүү довтолбол Америк хатуу дэмжлэг үзүүлнэ гэж анхааруулжээ. (АНУ-ын Төрийн департамент)

АНЭУ [Арабын Нэгдсэн Эмират Улс]-ын өндөр албан тушаалтан Ираны энгийн иргэдийн дэд бүтцэд халдлага хийсээр байгаа энэ үед Персийн булангийн орнуудын идэвхгүй хамгаалалтад баримталж буй байр суурь ‘хязгаартай’ болохыг анхааруулж, энэ нь цэрэг армиас илүүтэй энгийн иргэдийг онилж, бүс нутгийн итгэлийг сулруулж байна гэж мэдэгджээ. Тэрээр АНЭУ болон түншүүд нь аюулгүй байдлаа хамгаална, гэхдээ өргөн хүрээтэй мөргөлдөөнд татагдан орохоос зайлсхийх байр сууриа хэвээр хадгална гэдгийг онцоллоо. (Халееж Таймс)

Тайланд улс 2025 онд газар хөдлөлтөд [Тайландын] Бангкок хотод барилга нурсны улмаас амиа алдсан Мьянмарын 27 ажилтны гэр бүл тус бүрд 1 сая бат [31,500 орчим ам.доллар], мөн гэмтсэн долоон хүн тус бүрд 200,000 бат [6,300 орчим ам.доллар] нөхөн олговор олгож, хоёр улсын албаны хүмүүс эцсийн шатны төлбөрийг гардуулах ёслолд оролцжээ. (Нэйшн Тайланд)

Бангладеш улс Ойрх Дорнодын мөргөлдөөнтэй холбоотой нийлүүлэлтийн саатлын улмаас эрчим хүчний хямрал гүнзгийрч буй энэ үед цахилгаан эрчим хүч, түлшийг нөөцлөхийн тулд бүх их сургуулиа хугацаанаас нь өмнө хааж, Рамадан сарын төгсгөлийг тэмдэглэдэг Ид аль-Фитрийн амралтыг урагшлуулан, эрчим хүчний чангатгасан системийг тогтворжуулахаар шатахууны борлуулалтад хязгаар тогтоож, бордооны үйлдвэрүүдийн ажиллагааг зогсоожээ. (Ройтерс)

Косово улс шинэ ерөнхийлөгчөө сонгож чадаагүйн улмаас Үндсэн хуулийн хямралд орж, бүс нутгийн хурцадмал байдал нэмэгдэж, НАТО [Хойд Атлантын Гэрээний Байгууллага]-ын энхийг сахиулах урт хугацаанд ажиллагаатай Косовогийн Хүчин (KFOR)-ий ирээдүй тодорхойгүй байгаа энэ үед Косовогийн ерөнхийлөгч Вьоса Османи парламентыг тараан, ээлжит бус сонгуулийг зарлалаа. (Фокс Ньюс)

Филиппин улсад сувилагчийн хямрал нүүрлэж байна. Олон филиппин сувилагч илүү өндөр цалин, тогтвортой байдал, ажил-амьдралын тэнцвэрийн төлөө гадагшаа шилжин ажилласаар байгаа бөгөөд гадаадад ажиллахыг гэр бүлээ тэтгэх хамгийн бодит боломж гэж үзэж байна. (Чаннель Ньюс Азия)

[Хятадын Сужоу мужийн] Ши ань Жяотун-Ливерпүүлийн Их Сургуулийн профессор Виктор Перез хөгжим нь бүтээмжид туслахаасаа илүү саад болдог гэж анхааруулжээ. Үгтэй дуу, нарийн төвөгтэй авиа нь давтагдмал ажлуудад тустай байж болох ч гүнзгий аналитик сэтгэлгээг сарниулдаг. Мэргэжилтнүүд асуудал шийдвэрлэх үед сэтгэцийн ядаргаанаас сэргийлж, анхаарал төвлөрлийг сэргээхийн тулд нам гүм орчныг зөвлөж байна. (Лао Дон)

Тост байцаа нь мэдрэлийн тогтолцоо, булчингийн эрүүл мэндэд шаардлагатай магниар баялаг ч хэт болгож шарах, буцалгах нь чухал шим тэжээлийнх нь тодорхой хэсгийг устгаж болзошгүй юм. Хоол зүйчид ургамлын эсийн бүтцийг хадгалахын тулд жигнэх, хурдан хуурах аргыг зөвлөж байна. Энэ навчит ногоог эрүүл тостой хослуулах нь аминдэмийн шимэгдлийг улам сайжруулж, эрдсээр баялаг энэ хүнсний ногооноос өдөр тутмын хооллолтоороо хамгийн их ашиг тус авах боломжийг бүрдүүлдэг. (Лао Дон)

[Ау Лак (Вьетнам)-ын] Дананг хотын нэг гэр бүлийн гурван хүүхэд гэртээ даршилсан загас хэрэглэсний дараа ботулизмын хүнд хордлогод оржээ. Өсвөр насны нэг хүүхэд нь одоо ч ухаангүй байгаа бол бусдад нь амьсгалын аппарат шаардлагатай байна. Эрх баригчид үхлийн аюултай энэ хордлогын дэгдэлтийг шалгахын зэрэгцээ буруу исгэх аргын аюулын талаар анхааруулжээ. (ВьетнамНет)

Камбож улс уур амьсгалтай холбоотой үер, ган гачиг, хэт халалтын эрсдэл эрчимжиж буй энэ үед цаг агаарын мэдээллийг цуглуулж, шинжлэх үндэсний “дижитал тархи” болгон ашиглах зорилгоор Пномпенд усны нөөц, цаг уурын мэдээллийн шинэ төв байгуулж, гамшгийн эрт сэрэмжлүүлгийг сайжруулж байна. (Камбодианесс)

Шинэ судалгаагаар 2015 оноос хойш дэлхийн дулаарал мэдэгдэхүйц хурдассан бөгөөд Уур амьсгалын засварласан өгөгдөл нь түүхэн дэх хамгийн огцом температурын өсөлтийг харуулж, дэлхий 2030 оноос өмнө Парисын хэлэлцээрийн 1.5°C-ын хязгаарыг давж болзошгүй гэж таамаглаж байна. (Чаннель Ньюс Азия)

Кенийн засгийн газар аадар бороо, үерийн улмаас амь үрэгдэгсдийн тоо бараг хоёр дахин өсөж 42-т хүрсэн гэж мэдээлжээ. Хэт их хур тунадас эрчимжиж, үерийн ус тээвэрт саад учруулж байгаа энэ үед улс даяар аврах ажиллагаа үргэлжилж байна. (Ройтерс)

Хэт халалт нь дэлхий даяарх эх, нялхаст аюул учруулж, халууны давлагааны үеэр дутуу төрөлтийг 26%-иар өсгөж байна. Эх баригчид уур эхийн тусламж үйлчилгээний амьсгалд тэсвэртэй хөрөнгө оруулалтыг, тухайлбал төрөх эмнэлгүүдийн орчимд мод тарих зэрэг арга хэмжээг яаралтай хэрэгжүүлж, уур амьсгалын хямрал даамжрахын хэрээр эмзэг гэр бүлүүдийг хамгаалахыг хүсжээ. (Олон улсын эх баригчдын эвсэл)

Уур амьсгалын өөрчлөлт, халуун, хортон шавж, бүтээн байгуулалтын нөлөөгөөр [АНУ-ын] Миннесота мужийн зэрлэг будаа огцом буурч байна. Ожибве, Дакота Уугуул үндэстнүүдийн удирдагчид усны орчныг сэргээхээр яарч байгаа бөгөөд энэхүү ариун шүтээн үр тариа алдагдах нь хүнсний бүрэн эрхт байдал, экосистемийн эрүүл мэндэд заналхийлж байна. (Йель Клаймэт Коннекшн)

Шинэ Зеландын Хааны тэнгисийн цэргийн HMNZS Те Каха фрегат дахь газрын тосны хөргүүрт гарсан гэмтлийн улмаас [Шинэ Зеландын] Акароа буланд 200–300 литр тос асгарч, улмаар усан цэргийн баг болон [Кентербери бүсийн зөвлөлийн] Кентерберийн Байгаль орчны газар хязгаарлах, цэвэрлэх ажиллагааг эхлүүллээ. (RNZ)

Хятад улс Хубей мужид 10 киловольтын дунд хүчдэлийн цахилгаан шугамыг хүчдэлтэй байхад нь анх удаа амжилттай засварласан тусгай роботыг ашиглажээ. Энэ нь цахилгааны засвар үйлчилгээний хамгийн аюултай ажлуудын нэгээс хүнийг гаргаснаар аюулгүй байдлын томоохон дэвшил авчирлаа. (Бар Тинь түк)

Дэлхийн дахины засгийн газрууд цахим аюулгүй байдлын хууль тогтоомжоо чангатгаж буй энэ үед ХОУ [хиймэл оюун ухаан]-д суурилсан насыг баталгаажуулах технологи хурдтай сайжирч, олон нийтийн сүлжээ, чатбот, насанд хүрэгчдийн сайтуудад насны шинэ хязгаар мөрдүүлэх гол хэрэгсэл болж байна. Гэсэн ч Австралийн өсвөр үеийнхний хоригийн эхний үр дүнгээс харахад дагаж мөрдөх нь жигд бус, салбарын эсэргүүцэл үргэлжилсээр байна. (Ройтерс)

Louis Dreyfus компани дэлхийн ургамлын уургийн эрэлтийг хангах зорилгоор [Канадын] Саскачеванд вандуйн уургийн изолятын шинэ үйлдвэрийн ажиллагааг эхлүүлэхээр бэлтгэж байна. Тус үйлдвэр сүү орлуулагч болон амьтан-хүний мах орлуулагч бүтээгдэхүүний үйлдвэрлэлийг өргөжүүлж, 60 ажлын байр бий болгох төлөвтэй байна. (FoodBev Media)

Солонгосын гоо сайхны LG Household & Health Care компани Японы Cosme Kitchen дэлгүүрт веган гоо сайхны Freshian брэндээ гаргаж, цэвэр гоо сайхны зах зээлийг онилж байна. Тогтвортой сав баглаа боодол, өндөр үр дүнтэй бүтээгдэхүүнүүд, тухайлбал тэргүүн байрт эрэмбэлэгдсэн кремтэй хацар өнгөлөгч нь эхний амжилтыг хөтөлж байна. (Pulse)

Веганик цэцэрлэгжүүлэлт нь бууц зэрэг амьтан-хүний гаралтай бүтээгдэхүүн хэрэглэхгүйгээр зэрлэг амьтдад ээлтэй экосистем бүрдүүлэхийн тулд веган болон органик зарчмыг хослуулдаг. Ургамлын гаралтай бордоо болон биологийн олон янз байдлыг ашигласнаар цэцэрлэгчид хөрсөө байгалийн аргаар баяжуулж, хортонтой тэмцэн, байгаль орчинд үзүүлэх нөлөөг бууруулж байна. (ВежНьюс)

Герман шефферд үүлдрийн нохой-хүний хурц үнэрлэх мэдрэмж эмэгтэйн уушгины хорт хавдрыг эрт үед нь илрүүлсний дараа судлаачид хиймэл оюун ухаанаар ажилладаг “цахим хамар” бүтээжээ. Энэхүү шинэлэг мэдрэгч нь эмнэл зүйн дээжээс амь насыг аварч болох өвчний тэмдгийг танихдаа нохой-хүний чадварыг дуурайдаг. (Good News Network)

Энэтхэгийн Evolute Bioscience компани оюутнуудад ашиглуулах Simcology виртуал симуляцийн программ хангамжаар эм судлалын боловсролын хичээлийн амьтан-хүн дээр хийдэг туршилтыг орлуулахын тулд Энэтхэгийн Амьтантай ёс зүйтэй харьцдаг хүмүүсийн нийгэмлэг [PETA]-тэй хамтран ажиллаж байна. Энэхүү ёс зүйн өөрчлөлт нь жил бүр олон арван хулгана, зебра загас-хүнийг авран хамгаалж, эм судлалын сургалт, судалгааг компьютерт түшиглэсэн сургалтад шилжүүлж байна. (PETA India)

[Их Британийн] Линкольншир зэрлэг амьтдын цэцэрлэгт хүрээлэнд дайнд нэрвэгдсэн Украи (Урейн)-наас аварсан цагаан бар-, шилүүс- хүнийг хүлээн авчээ. 2,600 километрийн аяллын дараа байгальд бие даан амьдрах боломжгүй эдгээр орхигдсон амьтан найзууд тусгайлан барьсан хашаанд насан туршийн хамгаалалтын асрамжид шилжлээ. (Ajot)

Өдрийн гэгээрүүлэх эшлэл: “Хүний дундаас хамгийн агуу нь бусад төрөлтнүүдийнхээ доторх Тэнгэрлэг чанарыг танин мэдэж, тэдний дундах хамгийн дорд нэгнийг ч үргэлж хүндэтгэхэд бэлэн байдаг хүмүүс юм.” – Төвөдийн Буддын шашны Хүндэт Гэгээрсэн Их Багш Гүрү Домо Гэшэ Ринбүүчи Наваан Галсан (цагаан хоолтон) (Dorjeshugden.com)

Кайл Хаббардын клиник үхлийн тохиолдлын 2-ын 1-р хэсэгт Америкийн пастор Кайл архины хордлого тайлах явцад нас барж, тамд унан хэд хэдэн түвшин рүү нь уруудан доошилж, дараа нь Эзэн Есүс Христ (цагаан хоолтон)-ийг дуудан хашхирахад Тэрээр түүнийг аварсан тухай өгүүлэв. 23 настай Кайл олон жилийн турш архинд хүндээр донтож, өглөөнөөс орой хүртэл архи уудаг байжээ. 2012 оны 12-р сар гэхэд донтолт нь түүнийг Техасын Остинаас холгүй орших Лейквей дахь Бэйлор Скотт ба Цагаан эмнэлэгт эмнэлгийн аргаар архинаас гаргах эмчилгээнд хүргэжээ. Архинаас хордлого тайлах үед мэдрэлийн тогтолцоо нь ноцтой алдагдаж, хүмүүс зүрхний шигдээс, тархины цус харвалт, таталтад өртөмтгий болдог бөгөөд архины хамааралтай олон хүн энэ үедээ нас бардаг. Кайл амьдрал, үхлийн зааг дээрх энэ тэмцлийн яг дунд нь байж, биеийнх нь тогтолцоог тогтворжуулахын тулд түүнд тайвшруулах эм залгаж байв.

Эмнэлэгт хэвтсэн хоёр дахь шөнө буюу 2012 оны 12-р сарын 15-нд Кайл амьдралыг нь үүрд өөрчлөх зүйлтэй учирсан байна.

Шөнийн дундын үе байсан. 2, 3 эсвэл 4 цагийн үе байсан байх. Яг хэдэн цаг байсныг мэдэхгүй нь. Гэхдээ зүрх минь урьд өмнө хэзээ ч мэдэрч байгаагүйгээр хамгийн хурдан цохилж байгааг би мэдэрсэн. Би дасган хөдөлгөөн хийдэг хүн л дээ. Архи уухаас өмнө ч дасгал хөдөлгөөн хийдэг байсан, одоо ч хийдэг. Тийм болохоор гүйсний дараа зүрх хурдан цохилох ямар байдгийг би мэднэ. Ээхдээ энэ нь минутын цохилтоор хэлбэл бараг хоёр дахин их юм шиг байсан. Яг юу байсныг би мэдэхгүй. Гэхдээ маш хурдан байсан. Тэгээд би зүрх минь сүүлчийн хүчээ шавхан цохилж байна гэж ойлгосон. Миний ойлгосон нь тэр. Тэгээд дараа нь миний анзаарсан зүйл бол зүрх минь өмнө нь хэзээ ч байгаагүйгээр хамгийн удаанаар цохилж эхэлсэн. Тэгээд цаг хугацаа бүрэн удааширч, бүр зүрхний цохилтоор минь хүртэл хэмжигдэж байгаа мэт болсон. Би дараагийн цохилтыг нь хүлээгээд л, зүрх минь 10 секундэд нэг удаа цохилж байгаа юм шиг санагдсан. Тэгээд би за одоо зүрх минь бууж өгч байна гэж ойлгосон. Сүүлчийн хүчээ гаргаад, бууж өгч байлаа. Тэгээд би дараагийн цохилтыг нь хүлээж байтал гэнэт нүд минь харанхуйлсан. Би зүрхнийхээ дараагийн цохилтыг хүлээсэн ч мэдрээгүй. Би зүгээр л хүлээсээр байсан. Тэгээд тэр даруйд миний нөхцөл байдлын үнэн надад тодорхой болж, би үхчихсэн байлаа.

Кайл Бурхан байдаг гэдэгт итгэдэггүй, Бурханаас бүрэн хол, дараа төрөлд итгэдэггүй хүн байжээ. Тэрээр үхэл бол төгсгөл, түүнээс хойш юу ч болдоггүй гэж үздэг байв. Гэтэл тэр өөрийгөө ухаан мэдрэлтэй хэвээр байгааг олж мэджээ. Тэгээд би өөртөө би яагаад одоо хүртэл ухаантай байна вэ гэж бодсон. Хэрэв би үхсэн юм бол яагаад одоо хүртэл бодож байна вэ? Тэр мөчид Диваажингийн бодит байдал, тамын бодит байдал, үхлийн дараах бодит байдал, Бурхан, чөтгөр, Библи, бүх зүйл надад агшин зуур маш тодоор, бодитоор мэдрэгдсэн. Бурхан бодит байсан. Чөтгөр бодит байсан. Диваажин бодит байсан. Там бодит байсан. Гэхдээ би амьдралаа яаж өнгөрөөснөө бодохоор төгс, ариун, зөв шударга Бурхан намайг хүлээн зөвшөөрөх ямар ч боломжгүйг мэдэж байлаа. Тиймээс би там руу явж байна, жинхэнэ тарчлалын газар руу явж байна гэдгээ мэдэж байсан.

Хараа нь харанхуйлсны дараа Кайл өөрийгөө харанхуйн нэг үе шатанд орж, дараа нь өөрийнх нь хэлснээр тамын түвшин бүр рүү улам гүн уруудан орсон гэж ярьсан юм. Миний туулсан дараагийн түвшин үнэхээр аймшигтай байсан. Хараа бүрэн харанхуйлсан тэр харанхуйн үе шатын дараа би хуучны хэв маягтай, бараан шаргалдуу, бүгчим эмнэлгийн өрөөнд байсан. Тэнд хүмүүс ямар нэгэн мансууруулах зүйл тарих гэж, уух юм олох гэж, газар дэлхий дээр тэдэнд амар тайван өгдөг байсан юуг ч болов хайн гүйлдэж байлаа. Тэд тэр зүйлийг хайж байсан ч олж чадахгүй байв. Тэд шургуулга уудалж байлаа. Тэнд тэдэнд тайвшрал өгөх юу ч байгаагүй. Тиймээс тэр үе шатанд амар амгалан бүрэн алга болсон байв. Хүмүүс өчүүхэн ч болов тайвшрал өгөх ямар нэг зүйл олох гэж сандралдаж байлаа. Би ч бас тэдэнтэй хамт уух юм, ямар нэг зүйл хайж байсан ч авах юм юу ч байгаагүй. Тэр шатанд ямар ч тайвшрал байгаагүй.

Дараа нь дүр зураг дахин өөрчлөгдөж, Кайлын хэлснээр тэрээр гурав дахь түвшин рүү унажээ. Миний өмнө эмээ шиг дүртэй нэгэн сууж байлаа. Түүний нүүрний тал нь гэрэлд байсан бөгөөд тэр нь миний урьд өмнө харж байгаагүй хамгийн үзэсгэлэнтэй зүйл байв. Миний үзсэн хамгийн амар амгалан дүр төрх байсан. Нүүрнийх нь нөгөө тал харанхуйд байсан ба харин тэр нь миний харж байсан хамгийн жигшүүртэй, хорон, яг л мах нь идэгдсэн мэт дүр зураг байв. Тэгээд түүнийг эргэх үед би түүнийг үнэндээ сайн биш гэдгийг ойлгосон. Би түүнийг сайн гэж бодож байсан. Эхэндээ түүнийг надад туслахаар ирсэн гэж бодсон ч харин эргэхэд нь тэр үнэндээ намайг гэмтээхээр тэнд байгааг ойлгосон. Өөр нэг өрөөнөөс үндсэндээ хорон хүмүүс намайг алж болох уу гэж асуух нь сонсогдож байлаа. Тэд “Бид түүнийг одоо алж болох уу? Бид түүнийг одоо алж болох уу? Бид түүнийг одоо алж болох уу?” гэсэн. Харин тэр “Одоохондоо биш. Одоохондоо биш. Одоохондоо биш” гэж давтан хэлж байв. Мөн энэ үе шатанд би бие махбодтойгоо байсан. Тэрхүү хорон эмээ шиг төрхтэй оршихуйн өмнө би яг өөрийнхөөрөө байсан. Мэдрэхүй улам хурц болсон байв. Эмээ шиг төрхтэй оршихуйн хяналтад байдаг амьтдын төрхтэй оршихуйнууд ч байсан. Тэд хамгийн тод, флюресценц, үзэсгэлэнтэй өнгөтэй байсан бөгөөд би “Өө, үзэсгэлэнтэй юм аа!” гэж бодсон. Гэхдээ тэд над руу харах үед үнэндээ намайг тарчлаахаар байгаа юм байна гэдгийг ойлгож, тэд сайн биш гэдгийг мэдсэн. Тиймээс энэ гурав дахь түвшинд сайн мэт харагдаж байсан зүйлс үнэндээ огт сайн биш байв.

Дараа нь доошлох явц үргэлжилж, Кайлын хэлснээр дараагийн түвшинд гэнэтийн тайвшралын мөч иржээ. Тэгээд би гэнэт дөрөв дэх түвшин рүү доошилсон. Энд сонирхолтой болсон. Учир нь энэ бол түр зуур амсхийх мэт байлаа. Тэр тамлагдсан явдлын дунд бараг боломж мэт зүйл байв. Тэр үе шатанд бараг гэмших боломж өгөгдөж байгаа юм шиг санагдсан. Энэ дөрөв дэх түвшинд хамгийн үзэсгэлэнтэй, баясгалантай төрхтэй, хамгийн хөөрхөн, баяр хөөртэй царайтай гурван африк-америк эмэгтэй байсан. Тэд намайг тайвшруулж байлаа. Тэд “Чи гарна. Чи гарна. Чи зүгээр болно” гэж хэлж байв. Тэгээд тэд Есүсийн тухай сайн мэдээний дууг дуулж эхэлсэн. Тэд миний дээр дуулж, үндсэндээ “Чи зүгээр болно. Чи зүгээр болно” гэж хэлж байв. Гэхдээ дахиад л миний зүрх сэтгэл намайг маш их буруутгаж байсан. Би “Би яагаад энэ түр амсхийлт, энэ амар тайвныг хүртэх ёстой гэж?” гэж бодсон. Миний аав 40 гаруй жил номлогч хийсэн. Би тэр дуунуудыг мэддэг байсан. Би тэр хэллэгүүдийг мэддэг байсан. Гэхдээ миний зүрх сэтгэл Бурханаас маш хол байсан. Би анагаахын өмнөх чиглэлийн оюутан байсан. Бүх зүйл оновчтой сэтгэлгээ, шинжлэх ухаан, харж болох, мэдэрч болох, хүрч болох зүйлсийн тухай байв. Гэтэл би ер бусын зүйлсийг харж, мэдэрч, хүрч байгаа ийм газарт байна. Тэгээд үүнийг тайлбарлах ямар ч суурь надад байгаагүй.

Гэвч Кайлын хэлснээр энэ явдал хараахан дуусаагүй байлаа. Тэгээд би хамгийн сүүлийн түвшин рүү бууж, улам тас харанхуй, улам их тарчлал, улам их бүрэн айдас руу уруудсан. Маргааш Кайл Хаббардын клиник үхэлд орж үзэж туулсан явдлын 2-ын 2-р хэсгийг хүлээн авч үзээрэй. (John Burke-тэй Imagine Heaven Podcast)